လွူꩻထွားသွော့ ဥပဒေႏပညာႏ

လွူꩻထွားသွော့ ဥပဒေႏ

ဥပဒေႏယို ထွာဒျာႏခမ်းထီ အသက်သွီႏဖြွီꩻ တလီးတဲင်တွောꩻ့ ခွေသီနီနာꩻယို တလွစ်ကင်ꩻတောဝ်းတောမ်ႏ ဥပဒေႏနောဝ်ꩻမꩻ အောဝ်ႏလိုႏ လွူꩻထွား ဟော်ꩻထွားငါႏ ဥပဒေႏနောဝ်ꩻသွူ ။ မိဉ်ႏလွူꩻထွား ဥပဒေႏနောဝ်ꩻအကျိုꩻအောဝ်ႏနေ အမာꩻတိုꩻပွါꩻအီနေ နီစီꩻပွါꩻရေꩻဟောင်း စစွဉ်ႏငေါဝ်းရီယို ပါတောမ်ႏ ငေါဝ်းရီအလင်လင်ဖုံႏ ကုဲင်းအောဝ်ႏဒါႏနေနေ၊ ငေါဝ်းရီယိုဖုံႏအတာႏ ... မိဉ်ႏလွူꩻထွား ဥပဒေႏကရိုꩻနောဝ်ꩻ .. ၁။ မာꩻထိုꩻမား‌ဖေႏနီ သꩻထာꩻငမ်း၊ ၂။ မာꩻသက်သာႏဖေႏနီ ထာꩻမာꩻ၊ ၃။ မာꩻဖေႏနီ ဝင်ꩻလဲဉ်ဖေႏကလꩻမွိုန်း၊ ၄။ မာꩻဖေႏနီ ရွဉ်ဖေႏကလို့အာမွိုန်း၊ ၅။ မာꩻဖေႏနီ အရဲးအကမ်း၊ စစွဉ်ႏအချက်ယို(၅)ချက်နောဝ်ꩻသွူ။ ဥပဒေႏအကျိုꩻတရာꩻနောဝ်ꩻ အောဝ်ႏယို(၅)ချက်လွုမ်ꩻနဲ့ မွေးတောဝ်း ... အချက်ယိုဖုံႏနောဝ်ꩻ ထွာဒျာႏအဗွောꩻ့သွတ်ꩻ အချက်ဖုံႏနောဝ်ꩻသွူ။

၁။ မာꩻထိုꩻမားဖေႏနီ သꩻထာꩻငမ်းနုဲင်းမုဲင်ꩻ ကရိုꩻနောဝ်ꩻ ... လိုꩻဖုံႏကဲဉ်းအာအာ မိဉ်ႏထီႏသွူယဲꩻ မိဉ်ႏထီႏသွူစဲꩻ့နောဝ်ꩻ ငမ်းလွသျောင်ႏလွဝင်ꩻ ပေါႏယဲꩻအင်သွူအဖြေင်းငါလဲ့ နုဲင်းစွဉ်ႏအေႏအီႏလလ ပေါႏစဲꩻ့လွဉ်သွူလဲ့ နုဲင်းစွဉ်းအီႏလွင်းလွင်း အထွာလွနုဲင်းနောဝ်ꩻစားသွူ၊ ကထွာဗာႏနုဲင်းနောဝ်ꩻဖုံႏနောဝ်ꩻ မိဉ်ႏထိုမ်ႏစဲင်းစဲင်း အဖြေႏနောဝ်ꩻ ကွပ်ပွိုးစွဉ်ႏ တသေꩻတောဝ်းဥပဒေႏ ဖုံႏနောဝ်ꩻသွူ။ ယဲꩻသီး စဲꩻ့သီးကရိုꩻနောဝ်ꩻ ငမ်းခရာႏတလိုႏတောဝ်း ပွိုးတမုဲင်ꩻဟောင်း မွော့ငမ်းဗာႏတောဝ်းတွိုႏဟောင်းကရိုꩻနောဝ်ꩻ ယဲꩻလဲ့နောဝ်ꩻ စဲꩻ့လဲ့နောဝ်ꩻ ဝွေꩻသီးတောမ်ႏဝွေꩻသီး ဥပဒေႏအောဝ်ႏဒျာႏ စီကန်ꩻအောဝ်ႏလွဒျာႏ ပငါပရာꩻ၊ မဉ်ႏရိုꩻယဲꩻကရိုꩻနောဝ်ꩻလဲ့ ယဲꩻပဲင်ႏအမုꩻ(ရဲအမှုပိုင်) မိဉ်ႏတမွေးတောဝ်းနောဝ်ꩻ မဲဉ်ဆွမ်ꩻကြိုꩻ့ကြꩻတလꩻတောဝ်းသွူ။ ဝွေꩻယိုအပဲစ်အောဝ်ႏ သက်သေႏသာႏဓက မဉ်ႏပြဲꩻ့စွုံႏလဲဉ်း မိဉ်ႏအီႏဆွမ်ꩻခိန်ꩻနောဝ်ꩻလဲ့ အပဲစ်ကအောဝ်ႏဒါႏလိုꩻယို မိဉ်ႏတဖင်းထိုꩻတောဝ်ႏ မိဉ်ႏတတောႏလန်ႏချာတောဝ်း ကရိုꩻနောဝ်ꩻလဲ့ တွဲႏနက် ကျꩻစွိုင်ခြေင်းကတွောင်လꩻတောဝ်း စစွဉ်ႏဝွေꩻသီးစီꩻကန်ꩻချက် ဥပဒေႏအောဝ်ႏကရိုꩻနောဝ်ꩻလဲ့ အောဝ်ႏနေက‌နောဝ်ꩻသွူ။ ကွပ်နောဝ်ꩻမꩻ ယဲꩻတယောဝ်း စဲꩻ့တယောဝ်း နီအပဲစ်မိဉ်ႏတအောဝ်ႏတောဝ်းနောဝ်ꩻ ငမ်းခရာႏတလိုႏတောဝ်း ..., ငမ်ႏခရာႏဖေႏကလိုႏမွိုန်းနောဝ်ꩻ အောဝ်ႏလိုႏလွူꩻထွားငါႏ ဥပဒေႏနောဝ်ꩻသွူ။