ဝိဿာသဘောဇနဇာတ်

"ဝိဿာသဘောဇနဇာတ်"

ထွားသွဉ်ဟော်ꩻကျပ် "ဝိဿာသဘောဇနဇာတ်"ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏထာꩻသေတရာꩻဖုံႏနောဝ်ꩻ"

၁။ ရဟန်ꩻသီး မဉ်ႏသွုံꩻဆောင်ႏ ပစ္စေꩻလစ်ꩻပါꩻဖုံႏနဝ်ꩻ (ဖူးဝေးမွိုးဖါ လူႏခန်းတဲ့ယဝ်း) ဆင်ႏချင်ႏဗာႏ ပစ္စဝေက္ခဏာႏ-

၂။ ဆင်ႏချင်ႏတဝ်း ပစ္စဝေက္ခဏာႏသွုံꩻတဲင် မဉ်ႏသီနဝ်ꩻ လွေꩻထွာဘီလူꩻ ပိတ္တာႏ တလွစ်တဝ်း-

၃။ ဆင်ႏချင်ႏတဝ်း ပစ္စဝေက္ခဏာႏ မဉ်ႏသွုံꩻနဝ်ꩻ တွမ်ႏကအံႏအစွူႏ ဗွိုန်ပီလို့ဝင်ꩻ-

၄။ ဟောဝ်မွိုတ်တမွိုꩻတမာꩻငါႏတောဝ်းပါꩻ၊ မော့ꩻဒါႏဘေꩻရန်ႏအကျောင်ꩻ-စတဲင်နုဲင်းနောဝ်ꩻဖုံႏသွူ။

"လောမဟံသဇာတ်" ထွားသွဉ်ဟော်ꩻကျပ် လောမဟံသဇာတ်ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ"

၁။ လိုꩻတလꩻထွိုက်တဝ်း မဂ်ဖိုလ်ႏ၊ လိုꩻသိုႏလိုꩻဖျင်ꩻနဝ်ꩻ ထာꩻမွေးတဲ့ ရိုꩻတောဒျာႏ ထာꩻမာႏ၊ တွိုႏထာꩻမာႏနဝ်ꩻ ယူႏတောဒျာႏထာꩻမွေး၊ ထူႏနေးစွယ်ꩻလမ်ꩻတွော့ꩻ မော့ꩻထာꩻဒုက္ခ-

၂။ ဗွေႏဘုရာꩻတန်သွူမဉ်ႏတဲ့ ထီႏဖွီသွမ်ꩻသဲ့ꩻ ကဲ့ꩻရဲ့ꩻသားအဝ်ႏ၊ နီနာꩻထဲင်းဟ ဒေါ့ꩻခရာႏအဲဉ်ထဝ်းဒွုမ်-

၃။ ဘုရာꩻလောင်ꩻတန်သွူမဉ်ႏတဲ့ ကျင်ꩻဖိုက မိစ္ဆာႏအကျင်ꩻမာႏ၊ ထွာဖိုဗာႏက အာဇီဝက တက္ကတွဉ်ꩻ၊ ကွဉ်တောဝ်းကွဉ်ꩻ၊ ကꩻတဝ်းဆဲင်ꩻ-

၄။ မိစ္ဆာႏအကျင်ꩻမာႏ အမျိုꩻနဝ်ꩻ မဉ်ကျင်ꩻခြေင်းနုဲင်းမုဲင်ꩻကျင်ꩻခြေင်းတဲ့ယဝ်း တလꩻနွောင်ꩻတဝ်း မဂ်ဖိုလ်ႏ၊ တွိုႏဗာႏဒျာႏငါးရုဲင်ꩻ-

၅။ စွဉ်ꩻထိုꩻအမာႏ မိစ္ဆာႏဒိဋ္ဌိတဲင် ခံႏထူႏယင်းဒျာႏ အမဲဉ်ႏသမ္မာဒိဋ္ဌိနဝ်ꩻမꩻ တွိုႏလꩻသုဂတိ လိုꩻခမ်းလူꩻခမ်းနဝ်ꩻသွူ။