သစ္စံကိရဇာတ်
"သစ္စံကိရဇာတ်" ထွားသွဉ်ဟော်ꩻကျပ် 'သစ္စံကိရဇာတ်'ဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ လိုꩻယွုတ် လိုꩻမွိုက်သီးအမျိုꩻနောဝ်ꩻ သေတဝ်းကေꩻဇူꩻ၊
၂။ သꩻလောဘစွယ်ꩻလံꩻတခြိုꩻ မဉ်ႏသီထိုꩻနောဝ်ꩻ လွေꩻထွာဒါႏ တိရစ္ဆာန်ႏ၊ လွေꩻပွေါဒျာႏ အတခြိုꩻ၊ တောႏတောႏတသဲင်ꩻကွုတ်တောဝ်းလိုꩻ၊
၃။ တိရစ္ဆာန်ႏမဉ်ႏတဲ့ သေဒါႏကေꩻဇူꩻ၊ လိုꩻတသေတဝ်း ကေꩻဇူꩻနောဝ်ꩻ ညမ်းလဲဉ်းက တိရစ္ဆာန်ႏ၊
၄။ ပေါႏပဲစ်မာႏ ကေꩻဇူꩻဗွေႏနောဝ်ꩻ မော့ꩻဗာႏထာꩻဒုက္ခ၊
၅။ ပေါႏအွဉ်ႏသꩻဗွာဗွာ မာꩻဖေႏဝင်ꩻအကျိုꩻနဝ်ꩻ ဝင်ꩻအမျာꩻနစ်သက်၊ ဝင်ꩻအမျာꩻရက်၊ ဝင်ꩻအမျာꩻကျွိုက်၊ ဝင်ꩻအမျာꩻလွိုက်၊ ဝင်ꩻအမျာꩻဒင်ႏ၊ ထွားဗာႏအတန်၊ ထွာဗာႏခွန်-စတဲင်နုဲင်းနောဝ်ꩻဖုံႏသွူ။
'"ရုက္ခဓမ္မဇာတ်" ထွားသွဉ်ဟော်ꩻကျပ် 'ရုက္ခဓမ္မဇာတ်'ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ဖူးဝေးစွိုးခွိုꩻ မဉ်ႏလွောင်ႏလွောင်ႏဗူႏဗူႏလို့ဝင်ꩻနောဝ်ꩻ ရန်ႏသူႏလွဉ်ယားနွောင်ꩻတောဝ်း၊
၂။ အရဲးအကမ်း သွꩻခွအဲဉ်ထောဝ်း ပေါႏအောဝ်းခေါ်တဖြာꩻလွုမ်ꩻနောဝ်ꩻ ရန်ႏသူႏလွဉ်ထူႏမုဲင်ꩻခါလꩻ၊
၃။ ဖူးဝေးစွိုးခွိုꩻ နီလိုꩻချင်ꩻချင်ꩻ မဉ်ႏတဲ့ꩻ မဉ်ႏခေါဝ်းလို့ဝင်ꩻနောဝ်ꩻ မော့ꩻတောဝ်းထာꩻဒုက္ခ၊
၄။ နာႏပညာႏသျိငေါဝ်း မော့ꩻတောဝ်းထာꩻဒုက္ခ၊ နာႏတဝ်း ပညာႏသျိငေါဝ်း မော့ꩻစောဝ်းထာꩻဒုက္ခ-စတဲင်နုဲင်းနောဝ်ꩻဖုံႏသွူ။[၁][၂][၃]