သီႏလကုဲင်ကုဲင်တဝ်းအပဲ့စ်
"သီလသုတ် (သီႏလကုဲင်ထိုꩻ အပဲ့စ်ငတ်ꩻမျိုꩻ၊ သီႏလကုဲင်တဝ်း အကျိုꩻငတ်ꩻစား)" ရဟန်ꩻသီးဖုံႏဟွေး- လောကကိုယို လိုꩻသီႏလကုဲင်သားနဝ်ꩻ အပဲ့စ်အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနဝ်ꩻ- ၁။ မဟတိံ ဘောဂဇာနိံ ဂစ္ဆတိ- စေꩻစိန်ႏတခြိုꩻ ကုဲင်ထိုꩻအာတန်၊ ယိုနဝ်ꩻ ပထမအပဲစ်သွူ။ ၂။ ပါပကော ကိတ္တိသဒ္ဒေါ အဗ္ဘုဂ္ဂစ္ဆတိ- မဉ်ꩻအွီႏတောဝ်း၊ လွီးဟွမ်တောဝ်း၊ ယိုနဝ်ꩻ ဒုတိယအပဲစ်သွူ။ ၃။ အဝိသာရဒေါ ဥပသင်္ကမတိ မင်္ကုဘူတော- နွို့သော့ꩻ ခွန်ပရိသတ်ခြာ၊ ပုဏ္ဏာꩻပရိသတ်ခြာ၊ လိုꩻခြွေခြာ၊ ရဟန်ꩻသံဃာႏခြာ၊ လိုꩻအမျိုꩻမုဲင်ꩻခြာတဲ့ယဝ်း ရုဲင်းတောဝ်း၊ လောင်ႏလွိုးဗန်တောဝ်း၊ ယိုနဝ်ꩻ တတိယအပဲစ်သွူ။ ၄။ သမ္မူဠှော ကာလံ ကရောတိ- သီလိန်းလွုမ်ꩻဗာႏထာꩻ၊ ယိုနဝ်ꩻ စတုတ္ထအပဲစ်သွူ။ ၅။ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇတိ- သီထွူ တွိုႏလွေꩻဗာႏ ဒုဂ္ဂတိဘဝ ငါးရုဲင်ꩻခမ်း၊ ယိုနဝ်ꩻ ပဉ္စမအပဲစ်သွူ။ ရဟန်ꩻသီးဖုံႏဟွေး- ဣမေ ခေါ ပဉ္စ အာဒီနဝါ ဒုဿီလဿ သီလဝိပတ္တိယာ- လိုꩻသီႏလကုဲင်သားနဝ်ꩻ လꩻအပဲ့စ်ငတ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လောကကိုယို လိုꩻသီႏလတကုဲင်တဝ်းသားနဝ်ꩻ အကျိုꩻအဝ်ႏငတ်ꩻစား၊ အကျိုꩻငတ်ꩻစားကရိုꩻနဝ်ꩻ- ၁။ မဟန္တံ ဘောဂက္ခန္ဓံ အဓိဂစ္ဆတိ- စေꩻစိန်ႏဥစ္စာႏ လꩻဗာႏ ခြွေအာတန်၊ ယိုနဝ်ꩻ ပထမအကျိုꩻသွူ။ ၂။ ကလျာဏော ကိတ္တိသဒ္ဒေါ အဗ္ဘုဂ္ဂစ္ဆတိ- မဉ်ꩻအွီႏ-လွီးဟွမ်၊ ခိုႏဒွမ်နောဝ်ထင်ꩻ၊ ယိုနဝ်ꩻ ဒုတိယအကျိုꩻသွူ။ ၃။ ဝိသာရဒေါ ဥပသင်္ကမတိ အမင်္ကုဘူတော- နွို့သော့ꩻ ခွန်ပရိတ်ခြာ၊ ပုဏ္ဏာꩻပရိသတ်ခြာ၊ လိုꩻခြွေခြာ၊ ရဟန်ꩻသံဃာႏခြာ၊ လိုꩻအမျိုꩻမုဲင်ꩻခြာတဲ့ယဝ်း ရုဲင်းဟန်၊ လောင်ႏလွိုးဗန်၊ ယိုနဝ်ꩻ တတိယအကျိုꩻသွူ။ ၄။ အသမ္မူဠှော ကာလံ ကရောတိ- သီလိန်းလွုမ်ꩻဗာႏတောဝ်းထာꩻ၊ ယိုနဝ်ꩻ စတုတ္ထအကျိုꩻသွူ။ ၅။ သုဂတိံ သဂ္ဂံ လောကံ ဥပပဇ္ဇတိ- တနီꩻခါ မဉ်ႏသီ တွိုႏကီထင်ႏလူꩻခမ်း၊ ယိုနဝ်ꩻ ပဉ္စမအကျိုꩻသွူ။ ရဟန်ꩻသီးဖုံႏဟွေး- ဣမေ ခေါ ပဉ္စ အာနိသံသာ သီလဝတော သီလသမ္ပဒါယ- လိုꩻသီႏလကုဲင်တဝ်း၊ လိုꩻသီႏလအဝ်ႏသားနဝ်ꩻ လꩻအကျိုꩻငတ်ꩻစား နုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ သီလသုတ်)[၁][၂]