သုတထာꩻသေ

"သုတထာꩻသေ-ယံလွိုင်ႏခြွေ" အဝ်ႏလိုႏစွဉ်ႏ နီကရွမ်သေꩻလွုမ်ꩻ၊ အဟွုန်အထီႏကရိုꩻနဝ်ꩻ ယိင်းအာအာတဲ့ ယိင်းဟဝ်ဟဝ်ဒျာႏ၊ မိဉ်ႏဟွုန်ဗာႏအာအာမꩻ နီသွုန်ႏသꩻကို ထာꩻသေတရာꩻယို အီႏစွုမ်ႏလꩻ၊ မိဉ်ႏစွုမ်ႏလွဉ်နုဲင်းနဝ်ꩻမꩻ ကခွုမ်မာꩻဒါႏ ထာꩻမာꩻဖုံႏယို အမာႏဆေ့ꩻထိုꩻနွောင်ꩻနဝ်ꩻသွူ။ အမာႏမိဉ်ႏဆေ့ꩻနဝ်ꩻမꩻ အောင်ႏမျင်ႏမုꩻလꩻယိုꩻ၊ လိုꩻတွိုင်ꩻစွုမ်ႏ မိဉ်လꩻထာꩻအောင်ႏမျင်ႏလွဉ်းလွဉ်း၊ ဖေႏကအောင်ႏမျင်ႏလဲ့ အဝ်ႏကျိုꩻစာꩻလွဝင်ꩻစွုမ်ႏဖြာꩻ၊ ကကျိုꩻစာꩻအတွိုင်ꩻ သမ်းတအောင်ႏမျင်ႏတဝ်း၊ ဖေႏကအောင်ႏမျင်ႏနဝ်ꩻ အဝ်ႏလိုႏငါႏ အထီႏအဟွုန်အာ၊ အထီႏအဟွုန်ဖေႏကအာနဝ်ꩻ ကျိုꩻစာꩻဟော်ꩻထွားဗာႏလိတ်အမျိုꩻမျိုꩻသွူ။ လိတ်ကရိုꩻနဝ်ꩻလဲ့ အဝ်ႏဒွိုန်းကအစားစား၊ အဝ်ႏလိုႏလွိုက်ထွားဒါႏဒါႏ၊ လိတ်ယင်ဟန်ႏနဝ်ꩻ ထွာအီတဝ်း သꩻအာဟာႏရ၊ ထွာအီတေားဒါႏအစွူႏ၊ တဲမ်းလိတ်သား ကမိဉ်ဖေႏသေနဝ်ꩻ အဝ်ႏလိုႏဟော်ꩻထွားအာအာဒျာႏ ဘာႏသာႏရေꩻလိတ်လုဲင်ꩻမျိုꩻ၊ မိဉ်ႏဟော်ꩻထွားအာအာ ဘာႏသာႏရေꩻလိတ်နဝ်ꩻမꩻ နမ်းဖြောင်းသꩻလဲ့ ယေန်ႏကေႏလွဉ်၊ မိဉ်ႏယေန်ႏကေႏလွဉ်သွူနဝ်ꩻ အမာႏ(အကုသိုလ်ႏ-ထာꩻကုဲင်)ကုဲင်းဆေ့ꩻထိုꩻအီနဝ်ꩻသွူ။ ယိုနဝ်ꩻ ထွာဒျာႏဘဝတသွောင်းထိုအီတာႏ ရဲင်ꩻအာႏတမျိုꩻဒျာႏသွူ၊ ရဲင်ꩻအာႏယို မိဉ်ႏထွာနုဲင်းဘာႏသာႏရေꩻငဝ်းအလꩻနဝ်ꩻ ခွေသီနီနာꩻယို တွိုႏတနီꩻခါ အီႏမော့ꩻခွဲးတလူႏလွဉ်ဗာႏ အအွိုအဆာ၊ မိဉ်ႏမော့ꩻလွဉ် အယပ်ꩻအခုဲင်ႏနဝ်ꩻ ဖြေႏသျင်ꩻနွောင်ꩻအီတဲင် ထွားဘာႏသာႏရေꩻလိတ်ယို ထွာအီနွောင်ꩻအစွဲးအကမ်းနဝ်ꩻသွူ။ လိတ်ကထွာအီဒါႏအစွူႏနဝ်ꩻ အဝ်ႏလိုႏဟော်ꩻထွားအာတဝ်း၊ ဗိုန်ပီနုဲင်း အအံႏအအွꩻအတွိုင်ꩻ ယင်ဟန်ႏနဝ်ꩻ ထွာအီရဲင်ꩻအာႏလဲ့ ယင်ဟန်ႏနဝ်ꩻ တထွာအီတဝ်းရဲင်ꩻအာႏ၊ ထွာအီတေားဒျာႏအစွူႏတဲင် ရဲင်ꩻအာႏတထွာတဝ်းနဝ်ꩻသွူ။

အာႏကွိုꩻ

[[ကဏ္ဍ:]]