သေင်ႏလစ်ꩻမျိုꩻ-လိုꩻလစ်ꩻစား

"ရုက္ခသုတ် (သေင်ႏအဝ်ႏလစ်ꩻမျိုꩻ-လိုꩻအဝ်ႏလစ်ꩻစား)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- သေင်ႏအဝ်ႏလစ်ꩻမျိုꩻ၊ သေင်ႏလစ်ꩻမျိုꩻကရိုꩻနဝ်ꩻ- ၁။ ဖေဂ္ဂု ဖေဂ္ဂုပရိဝါရော- သေင်ႏမွူးတန်နဝ်ꩻတဲ့ သေင်ႏသိုႏမျိုꩻ၊ အထျꩻအသောင်ဖုံႏနဝ်ꩻတဲ့ သေင်ႏမွူးသိုႏမျိုꩻ (အကဲဉ်ဆွော့ꩻအဲဉ်ထောဝ်းမျိုꩻဖုံႏဒျာႏ)။ ၂။ ဖေဂ္ဂု သာရပရိဝါရော- သေင်ႏမွူးတန်နဝ်ꩻ သေင်ႏသိုႏမျိုꩻ၊ အထျꩻအသောင်ဖုံႏနဝ်ꩻတဲး သေင်ႏအကဲဉ်သား၊ (သေင်ႏဆွော့ꩻမျိုꩻ)ဖုံႏဒျာႏ။ ၃။ သာရော ဖေဂ္ဂုပရိဝါရော- သေင်ႏမွူးတန်နဝ်ꩻ သေင်ႏကဲဉ်သား (သေင်ႏဆွော့ꩻမျိုꩻ)၊ အထျꩻအသောင်နဝ်ꩻ သေင်ႏမွူးသိုႏမျိုꩻ (အကဲဉ်ဆွော့ꩻအဲဉ်ထောဝ်းမျိုꩻဖုံႏဒျာႏ)။ ၄။ သာရော သာရပရိဝါရော- သေင်ႏမွူးတန်နဝ်ꩻတဲ့ သေင်ႏကဲဉ်သား (သေင်ႏဆွော့ꩻမျိုꩻ)၊ အထျꩻအသောင်နဝ်ꩻတဲ့ သေင်ႏကဲဉ်သား (သေင်ႏဆွော့ꩻမျိုꩻ) သေင်ႏအဝ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လိုꩻတဲ့ ဗွန်ပီသေင်ႏနဝ်ꩻနေနေ၊ လိုꩻတဲ့ အဝ်ႏလစ်ꩻမျိုꩻ၊ လိုꩻလစ်ꩻမျိုꩻကရိုꩻနောဝ်ꩻ- ၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သီႏလအဲဉ်ထဝ်း၊ သꩻရင်ꩻဟောဝ်တဝ်း၊ လိုꩻအသောင်အရင်ꩻ ဝွေꩻပရိသတ်နဝ်ꩻတဲ့ သီႏလအဲဉ်ထဝ်း၊ သꩻရင်ꩻဟောဝ်တဝ်း၊ လိုꩻယိုစားနဝ်ꩻ တွမ်ႏ'သေင်ႏမွူးတန်သိုႏ၊ အထျꩻအသောင်တဲ့ သေင်ႏသိုႏမျိုꩻ (အကဲဉ်ဆွော့ꩻအဲဉ်ထဝ်းမျိုꩻ'နဝ်ꩻ ဗွန်ဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သီႏလအဲဉ်ထဝ်း၊ သꩻရင်ꩻဟောဝ်တဝ်း၊ လိုꩻအသောင်အရင်ꩻ ဝွေꩻပရိသတ်နဝ်ꩻတဲ့ သီႏလအဝ်ႏ၊ သꩻရင်ꩻဟောဝ်၊ လိုꩻယိုစားနောဝ်ꩻ တွမ်ႏ'သေင်ႏမွူးသိုႏမျိုꩻ၊ အထျꩻအသောင်နဝ်ꩻ သေင်ႏကဲဉ်သား (သေင်ႏဆွော့ꩻမျိုꩻ'နဝ်ꩻ ပီဝင်ꩻနောဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သီႏလအဝ်ႏ၊ သꩻရင်ꩻဟောဝ်၊ အသောင်အရင်ꩻ ဝွေꩻပရိသတ်နဝ်ꩻ သီႏလအဲဉ်ထဝ်း၊ သꩻရင်ꩻဟောဝ်တဝ်း၊ လိုꩻယိုစားနောဝ်ꩻ တွမ်ႏ'သေင်ႏကဲဉ်သား-သေင်ႏဆွော့ꩻမျိုꩻ၊ အထျꩻအသောင်နဝ်ꩻ သေင်ႏသိုႏမျိုꩻ'နဝ်ꩻ ဗွန်ဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သီႏလအဝ်ႏ၊ သꩻရင်ꩻဟောဝ်၊ အသောင်အရင်ꩻ ဝွေꩻပရိသတ်တဲ့ သီႏလအောဝ်ႏ၊ သꩻရင်ꩻဟောဝ်၊ လိုꩻယိုစားနောဝ်ꩻ တွမ်ႏ'သေင်ႏကဲဉ်သားမျိုꩻ၊ အထျꩻအသောင်တဲ့ သေင်ႏကဲဉ်သားမျိုꩻ (သေင်ႏဆွော့ꩻမျိုꩻ)'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ရုက္ခသုတ်)