သေအာႏဇာႏနီႏသွံမျိုꩻ

အဝ်ႏ ဝီခီပီးဒီးယား ကို

"အဿာဇာနီယသုတ် (သေအာႏဇာႏနီႏသွံမျိုꩻ၊ လိုꩻသွံမျိုꩻ၊ ရဟန်ꩻသွံမျိုꩻ)"

ရဟန်ꩻသီးဖုံႏဟွေး- လောကကိုယို သေအာႏဇာႏနီႏ အဝ်ႏသွံမျိုꩻ၊ သွံမျိုꩻကရိုꩻနဝ်ꩻ- ၁။ သေယဗာႏဗာႏနဝ်ꩻ လွင်းထာꩻတဲး မွိုင်မွေး၊ ကွဲႏတွော့ꩻ ယောင်ꩻတရေꩻတဝ်း၊ အနမ်းခြွိုင်ႏထိုတဝ်း၊ ၂။ သေဗာႏယဗာႏဗာႏနဝ်ꩻ လွင်းထာꩻမွိုင်ဒျာႏ၊ ယောင်ꩻတရေꩻဒျာႏ၊ ကွဲႏတွော့ꩻ သေနဝ်ꩻနဝ်ꩻ အနမ်းခြွိုင်ႏထိုတဝ်း၊ ၃။ သေယဗာႏဗာႏနောဝ်ꩻ လွင်းထာꩻတဲ့မွိုင်ဒျာႏ၊ ယောင်ꩻတဲ့တရေꩻဒျာႏ၊ အနမ်းတဲ့ ခြွိုင်ႏထိုတန်ဒျာႏ၊ သေအာႏဇာႏနီႏ အဝ်ႏသွံမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လောကကိုယို လိုꩻခိုအဝ်ႏသွံမျိုꩻ၊ သွံမျိုꩻကရိုꩻနဝ်ꩻ- ၁။ လိုꩻခိုယင်ဟန်ႏနဝ်ꩻ တလျူဒျာႏ၊ သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတရေꩻတဝ်း၊ နမ်းခြွိုင်ႏထိုတောဝ်း၊ ၂။ လိုꩻခိုယင်ဟန်ႏနောဝ်ꩻ တလျူဒျာႏ၊ သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတရေꩻဒျာႏ၊ ကွဲႏတွော့ꩻ အနမ်းနဝ်ꩻ ခြွိုင်ႏထိုတောဝ်း၊ ၃။ လိုꩻခိုယင်ဟန်ႏနဝ်ꩻ တလျူ-သွောင်ဖွီဒျာႏ၊ (ဉာဏ်ႏဟောဝ်ဒျာႏ) ယောင်ꩻဆင်ꩻတဲ့ တရေꩻဒျာႏ၊ နမ်းတဲ့ ခြွိုင်ႏထိုတန်ဒျာႏ၊ လိုꩻအဝ်ႏသွံမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လောကကိုယို ရဟန်ꩻအဝ်ႏသွံမျိုꩻ၊ သွံမျိုꩻကရိုꩻနဝ်ꩻ- ၁။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သွဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ကွဲႏတွော့ꩻ ဟော်ꩻတရာꩻဒါႏတဝ်း၊ ပျꩻတရာꩻဒါႏတဝ်း၊ ဘွုံꩻကံႏတန်တဝ်း၊ ပစ္စေꩻလစ်ꩻပါꩻလွိုင်ႏတဝ်း၊ ၂။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သွဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ဟော်ꩻတရာꩻတဲ့ယံတန်၊ ကွဲႏတွော့ꩻ ဘွုံꩻကံႏတန်တဝ်း၊ ပစ္စေꩻလစ်ꩻပါꩻလွိုင်ႏတောဝ်း၊ ၃။ ရဟန်ꩻယပါꩻပါꩻနဝ်ꩻ ဉာဏ်ႏဟောဝ်၊ ဉာဏ်ႏဖုဲင်၊ သွဉ်လိတ်ဒါႏယိုꩻ၊ အားထွုတ်တရာꩻ လꩻယိုꩻတရာꩻ၊ ဟော်ꩻတရာꩻတဲ့ယံ၊ ဘွုံႏကံႏတန်၊ ပစ္စေꩻလစ်ꩻပါꩻလွိုင်ႏအာ၊ ရဟန်ꩻအဝ်ႏသွံမျိုꩻ နုဲင်းနောဝ်ꩻသွူ။ နောဝ်ꩻဖုံႏ သွံမျိုꩻသွံမျိုꩻအကို- ၁။ သေသွံမျိုꩻကိုနဝ်ꩻ သေမွိုင်၊ ယောင်ꩻရေꩻ၊ နမ်းခြွိုင်ႏထိုနဝ်ꩻ အယံသွတ်ꩻနောဝ်ꩻသွူ။ ၂။ လိုꩻခိုသွံမျိုꩻကိုနဝ်ꩻ တလျူသွောင်ဖွီ၊ ယောင်ꩻရေꩻ၊ နမ်းခြွိုင်ႏထိုနဝ်ꩻ အယံသွတ်ꩻနောဝ်ꩻသွူ။ ၃။ ရဟန်ꩻသွံမျိုꩻအကို ဉာဏ်ႏဟဝ်လꩻတရာꩻ၊ ဟော်ꩻတရာꩻယံ၊ ဘွုံꩻကံႏတန်နဝ်ꩻ အယံသွတ်ꩻနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ အဿာဇာနီယသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၁၈)