Apple Inc.

အပ်ပဲကုမ္ပဏီႏ (အိန်းကလေတ်: Apple Inc.) အပ်ပဲ အိဉ်ကော်ပိုရေတ် နဝ်ꩻ ထွာဒျာႏ အမေႏရိကန်ႏခမ်းကို အခေႏခံႏကအဝ်ႏဒါႏ ခမ်းစွုမ်ႏစီꩻပွာꩻရေꩻထာꩻမာꩻတန် တောမ်ႏ အနယ်ꩻပညာႏ ကုမ္ပဏီႏ တဲင် ရွုမ်ꩻတန်ဌာႏနချုတ်နဝ်ꩻ အဝ်ႏဒျာႏ ဝေင်ꩻCupertino ကယ်လီဖိုးနီးယားခမ်းနယ်ႏ သီလီကွန်ဗယ်လီဒေႏသကိုသွူ။ လိုꩻသေအာ မိဉ်ꩻကျောႏအီဝွေꩻနဝ်ꩻ ထွာဒျာႏ သော့ဝွဲး၊ Consumer electronics(ကဖြေꩻကသုင်ꩻဒါႏ တခြိုꩻအစွိုးစွိုး လဲင်းလောင်းသားဖုံႏ) တောမ်ႏ Online service provider ဝန်ဆောင်မု ဖုံႏနဝ်ꩻသွူ။ ထာꩻမာꩻတန်ကုမ္ပဏီႏယိုနဝ်ꩻ သတိ စျော့(Steve Jobs)၊ သတိ ဝိုနီအက်(Steve Wozniak)၊ ရိုနယ် ဝေနဲ(Ronald Wayne)သီး တယ်ႏထောင်ႏခါꩻဒျာႏ ၁၉၇၆ ဗာႏ တောမ်ႏအမိဉ်ꩻ အပ်ပဲ ကွန်ပျူတာကုမ္ပဏီႏ နဝ်ꩻသွူ။ တယ်ႏထောင်ႏထွူ ထွိုင်ႏလꩻတနေင်ႏဗွေနဝ်ꩻ စျော့ တောမ်ႏ ဝိုနီအက် သီး ခြွဉ်းဗူႏပြောင်ꩻယင်းတောမ်ႏ Apple Computer, Inc. နဝ်ꩻသွူ။ ဆုဲင်ꩻနဝ်ꩻ ကုမ္ပဏီႏယို အဝ်ႏကွန်ပျူတာ အွဉ်ႏရေꩻရေႏမိုးလွေꩻပါ သုင်ꩻတျာႏမေႏ(လျှပ်စစ်)တခြိုꩻအစွိုးစွိုးဖုံႏသားတာႏ(consumer electronics)တဲင် တွိုႏ ၂၀၀၇ ဗာႏနဝ်ꩻ ခြုဲင်းပြောင်ꩻလွေꩻယင်းအမဉ်ꩻ တောမ်ႏ "Apple Inc." နုဲင်းနဝ်ꩻသွူ။