ဟန်ဂေရီခမ်းထီ
ဟန်ဂေရီခမ်းထီ (အိန်းကလေတ်: Hungary) တရာꩻဝင်ႏအမိဉ်ꩻနဝ်ꩻ အဝ်ႏဟဲ့ꩻဖန်ခါꩻ ဟန်ဂေရီ ခမ်းနမ်းဗွေႏခမ်းထီ နုဲင်းနဝ်ꩻတဲင် အဝ်ႏဒျာႏ ဥရောပ အခဝ်ထာႏဝ ပန်နိုးနီးယားဒေႏသ(Pannonian Basin) ကိုသွူ။ ခမ်းထီအကူအဝ်ႏရောင်ꩻလွေꩻဒျာႏတောမ်ႏ ဖဲ့ꩻနဝ်ဖဲ့ꩻနဝ်ꩻ သားဗီးယားခမ်းထီ၊ ခရိုအေးသျားခမ်းထီ၊ ဖဲ့ꩻထင်ꩻနဝ်ꩻ သလိုဗားကီးယားခမ်းထီ၊ ဖဲ့ꩻကွဉ်ႏနဝ်ꩻ ယူကရေင်းခမ်းထီ၊ ရိုမေးနီးယားခမ်းထီ၊ ဖဲ့ꩻတွို့ꩻဖဲ့ꩻနဝ်ꩻ ဩသထွီးယားခမ်းထီ၊ ဖဲ့ꩻတွို့ꩻနဝ်ဖဲ့ꩻနဝ်ꩻ သလိုဗီးနီးယားခမ်းထီ ဖုံႏနဝ်ꩻသွူ။ ခမ်းထီဟံႏနယ်ႏဧရိယာႏနဝ်ꩻ အဝ်ႏစတုရန်းမဲင်ႏ ၃၅,၉၂၀ မဲင်ႏ (၉၃,၀၃၀ စတုရန်းကီလိုမီတာ) သွူ။ ၂၀၂၃ ဗာႏ စာႏရင်ꩻအလꩻ ခမ်းကိုနဝ်ꩻ လိုꩻဖြာꩻအဝ်ႏ (၉)သန်းခွဲꩻလွိုတဲင် နဝ်ꩻအကို (၄၂ %)ရပ်နဝ်ꩻ ကိုꩻကွဲႏယွုမ်းအံႏ ခရိယာန်ႏဘာႏသာႏ နဝ်ꩻသွူ။ ခမ်းကိုလိုꩻဖြာꩻခြွဉ်း တထာႏဝလွိုနဝ်ꩻ ထွာဒျာႏ ဟန်ဂေရီလိုꩻမျိုꩻ (ဟဲ့ꩻ) မဂျာလိုꩻမျိုꩻ သွူ။ ဟန်ဂေရီ ခမ်းထီဝေင်ꩻတန်တောမ်ႏ အတန်သွတ်ꩻဝေင်ꩻနဝ်ꩻ ထွာဒျာႏ ဝေင်ꩻဗူဒါပဲတ် သွူ။