ကထွာဗာႏအဝိဇ္ဇာႏ-ဝိဇ္ဇာႏ

အဝိဇ္ဇာသုတ် (ကထွာဗာႏ အဝိဇ္ဇာႏအကျောင်ꩻ၊ ကထွာဗာႏ ဝိဇ္ဇာႏအကျောင်ꩻ)

• ရဟန်ꩻသီးဖုံႏဟွေး-

ပေါႏတဆယ်ꩻကပ်တောဝ်း သူႏတောႏကောင်ꩻ၊ ပေါႏတပေါင်ꩻတဝ်း လိုꩻမျတ်နောဝ်ꩻ နာႏဗာႏတဝ်း သူႏတောႏကောင်ꩻတရာꩻ၊ ပေါႏနာႏဗာႏတဝ်း သူႏတောႏကောင်ꩻတရာꩻနဝ်ꩻ သဒ္ဓါႏတရာꩻအဲဉ်ထဝ်း၊ (ယွုမ်းအံႏတဝ်း ဘုရာꩻ တရာꩻ သံႏဃာႏ ကံႏ ကံႏအကျိုꩻ)။ ပေါႏသဒ္ဓါႏတရာꩻအဲဉ်ထဝ်းနဝ်ꩻ အယောနိသော မနသိကာရ-အွဉ်ႏသꩻဒါႏတဝ်း၊ ပေါႏအွဉ်ႏသꩻဒါႏတဝ်းနဝ်ꩻ သတိꩻအဲဉ်ထဝ်း၊ ထာꩻဆင်ႏချင်ႏဉာဏ်ႏအဲဉ်ထဝ်း၊ ပေါႏသတိꩻအဲဉ်ထဝ်း ထာꩻဆင်ႏချင်ႏဉာဏ်ႏအဲဉ်ထဝ်းနဝ်ꩻ သေထိန်ꩻတဝ်းဣန္ဒြေႏ၊ ပေါႏထိန်ꩻတဝ်းဣန္ဒြေႏနဝ်ꩻ- ကာယဒုစရဲက်၊ ဝစီဒုစရဲက်၊ မနော်ꩻဒုစရဲက် ဒုစရဲက်ယိုသွံပါꩻထွာ၊ ပေါႏဒုစရဲက် ယိုသွံပါꩻထွာနဝ်ꩻ နီဝရဏတရာꩻငတ်ꩻပါꩻ (ကာမစ္ဆန္ဒနီဝရဏ၊ ဗျာပါဒနီဝရဏ၊ ထိနမိဒ္ဓနီဝရဏ၊ ကုက္ကုစ္စနီဝရဏ၊ ဝိစိကိစ္ဆာနီဝရဏ)ဖုံႏယိုထွာ၊ ပေါႏနီဝရဏတရာꩻငတ်ꩻပါꩻဖုံႏယို ထွာနဝ်ꩻ 'အဝိဇ္ဇာႏ'ထွာ၊ ထွာလွဉ်အရန်းရန်း နုဲင်းနဝ်ꩻသွူ။

• ရဟန်ꩻသီးဖုံႏဟွေး-

ပေါႏတဆယ်ꩻကပ် သူႏတောႏကောင်ꩻ၊ ပေါႏပေါင်ꩻလိုꩻမျတ်နဝ်ꩻ နာႏဗာႏ သူႏတောႏကောင်ꩻတရာꩻ၊ ပေါႏနာႏဗာႏ သူႏတောႏကောင်ꩻတရာꩻနဝ်ꩻ သဒ္ဓါႏတရာꩻအဝ်ႏ၊ (ယွုမ်းအံႏ ဘုရာꩻ တရာꩻ သံႏဃာႏ ကံႏ ကံႏအကျိုꩻ)။ ပေါႏသဒ္ဓါႏတရာꩻအဝ်ႏနဝ်ꩻ ယောနိသော မနသိကာရ-အွဉ်ႏသꩻဒါႏ၊ ပေါႏအွဉ်ႏသꩻဒါႏနဝ်ꩻ သတိꩻအဝ်ႏ၊ ထာꩻဆင်ႏချင်ႏဉာဏ်ႏအဝ်ႏ၊ ပေါႏသတိꩻအောဝ်ႏ ထာꩻဆင်ႏချင်ႏဉာဏ်ႏအဝ်ႏနောဝ်ꩻ သေထိန်ꩻဣန္ဒြေႏ၊ ပေါႏသေထိန်ꩻဣန္ဒြေႏနဝ်ꩻ- ကာယသုစရဲက်၊ ဝစီသုစရဲက်၊ မနော်ꩻသုစရဲက် သုစရဲက်ယိုသွံပါꩻထွာ၊ ပေါႏသုစရဲက် ယိုသွံပါꩻထွာနဝ်ꩻ သတိပဌာန်ႏတရာꩻလစ်ꩻပါꩻ (ကာယာနုပဿနာသတိပဌာန်၊ ဝေဒနာနုပဿနာသတိပဌာန်၊ စိတ္တာနုပဿနာသတိပဌာန်၊ ဓမ္မာနုပဿနာသတိပဌာန်)ဖုံႏယိုထွာ၊ ပေါႏသတိပဌာန်ꩻတရာꩻ လစ်ꩻပါꩻထွာနဝ်ꩻ- ဗောဇ္ဈင်တရာꩻနွုတ်ꩻပါꩻ (သတိသမ္ဗောဇ္ဈင်၊ ဓမ္မဝိစယသမ္ဗောဇ္ဈင်၊ ဝီရိယသမ္ဗောဇ္ဈင်၊ ပီတိသမ္ဗောဇ္ဈင်၊ ပဿဒ္ဓိသမ္ဗောဇ္ဈင်၊ သမာဓိသမ္ဗောဇ္ဈင်၊ ဥပေက္ခာသမ္ဗောဇ္ဈင်)ထွာ၊ ပေါႏဗောဇ္ဈင်တရာꩻနွုတ်ꩻပါꩻထွာနောဝ်ꩻ 'ဝိဇ္ဇာဝိမုတ္တိ'ထွာ၊ ထွာလွဉ်အရန်းရန်းနုဲင်းနောဝ်ꩻသွူ။

ကာယဒုစရဲက် ၃-ပါꩻ

1. ပါဏာတိပါတ၊
2. အဒိန္နာဒါန၊
3. ကာမေသုမိစ္ဆာစာရ-ယိုသွံပါꩻသွူ။

ဝစီဒုစရဲက် ၄-ပါꩻ

1. မုသာဝါဒ၊
2. ပိသုဏဝါစာ၊
3. ဖရုသဝါစာ၊
4. သမ္ဖပ္ပလာပ-ယိုလစ်ꩻပါꩻဖုံႏသွူ။

မနော်ဒုစရဲက် ၃-ပါꩻ

အဘိဇ္ဈာ၊ ဗျာပါဒ၊ မိစ္ဆာဒိဋ္ဌိ-ယိုသိုမ်ပါꩻသွူ။