ခရာဒိယဇာတ်
'ခရာဒိယဇာတ်" ထွားသွဉ်ဟော်ꩻကျပ် ခရာဒိယဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ပေါႏနာႏတဝ်း ပညာႏသျိငေါဝ်း၊ (ဆရာငေါဝ်း)နောဝ်ꩻ မော့ꩻဒါႏထာꩻဒုက္ခအကျောင်ꩻ၊
၂။ တွမ်ႏနီဘဝ ကလွောက်ꩻငမ်ႏဒါႏပညာႏယို မဉ်ႏတသွဉ်တဝ်း၊ မဉ်ႏတဒါႏတဝ်းနဝ်ꩻ မော့ꩻဒါႏထာꩻဒုက္ခအကျောင်ꩻ၊
၃။ တဟဝ်လွေꩻတဝ်း အခိန်ႏ၊ တလွေꩻသင်ꩻတဝ်း အရပ်သူꩻ မဉ်ႏလွေꩻနောဝ်ꩻ မော့ꩻဒါႏထာꩻဒုက္ခအကျောင်ꩻ-စတဲင်နုဲင်းနဝ်ꩻဖုံႏသွူ။
တိပလ္လတ္ထဇာတ်"
ထွားသွဉ်ဟော်ꩻကျပ် တိပလ္လတ္ထဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ပေါႏလိုꩻလိန်ႏမာႏ ပေါႏလိုꩻနာႏငဝ်း ပေါႏလိုꩻလွိုတဝ်းစီꩻကန်ꩻ ဥပဒေႏ၊ ပေါႏထိန်ꩻတီသေႏသေႏ သီႏလသိက္ခာႏနဝ်ꩻ ဝင်ꩻကီႏညိုႏငါႏ၊ ဝင်ꩻအံႏဖြာႏမွေးစွဉ်ႏအကျောင်ꩻ၊
၂။ နာႏဆရာႏငဝ်းတဲင် မဉ်ႏကျိုꩻစာꩻသွဉ်ပညာႏနဝ်ꩻ ဒါႏမွေးစွဉ်ႏပညာႏအကျောင်ꩻ၊
၃။ မဉ်ႏဒါႏပညာႏနဝ်ꩻ မဉ်ႏမော့ꩻလွဉ် အယပ်ꩻအခုဲင်ႏ ဘေꩻအန္တရာယ်ႏတဲ့ ကာႏကွယ်ႏနွောင်ꩻ၊ လွစ်လꩻနွောင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။
"မာလုတဇာတ်" ထွားသွဉ်ဟော်ꩻကျပ် မာလုတဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ လောကကိုယို ထာꩻယူႏထာꩻထင်းနဝ်ꩻ တဖြာꩻတွမ်ႏတဖြာꩻ တဗွန်ပီကြွို့ꩻတဝ်းလို့ဝင်ꩻအကျောင်ꩻ၊
၂။ ထာꩻယူႏ ထာꩻထင်းနဝ်ꩻ ကွပ်တဗွန်ပီတဝ်းလို့ဝင်ꩻတဲင် ထေင်အီလို့ဝင်ꩻ၊ ထွာအီဒါႏ ပျဿနာႏအကျောင်ꩻ၊
၃။ မဉ်ႏထွာလွဉ် ပျဿနာႏနုဲင်းနဝ်ꩻနဝ်ꩻ လွေꩻထေ့ဗာႏ ပညာႏသျိမျတ် ထွဉ်ႏဆွုံꩻဖျတ်ဖေႏဗာႏအကျောင်ꩻ၊
၄။ ပျဿနာႏဖုံႏနဝ်ꩻ ပညာႏအဝ်ႏသား (ပညာႏသျိသီး)ဖုံႏမꩻ မူလဘူတအစဲဉ်ႏ အမာႏအမဲဉ်ႏအတွိုင်ꩻ ဆွုံꩻဖျတ်ဖေႏနွောင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]