ငဝ်းဟော်ꩻဖေႏဝင်ႏကုသိုလ်ႏ
ငဝ်းဟော်ꩻဖေႏ ဝင်ႏကုသိုလ်ႏ(၁)
[မွဉ်းဖျင် | မွဉ်းဖျင်အရွီးခိုႏ]သာႏဓု သာႏဓု ဖူးဝေးအာ၊ ခိန်ႏနုဲးယိုခါ ဟန်ႏနီꩻတွင်ꩻ၊ နီသွဉ်းသီးရင်ꩻ ကမာꩻဒါႏ၊ ပွယ်ꩻမျောက်သာႏသနာႏ အွဉ်ႏဗုဲသျင်ႏ၊ ပွယ်ꩻပင်ႏသာႏသနာႏ အွဉ်ႏခံႏပို၊ နုဲးဟန်ႏနီꩻယို ဖူးဝေးသီး၊ ပေႏတန်ငယ်ကြီး လိုꩻအမျာꩻ၊ စွုမ်ႏဖြီးစွုမ်ႏဖြာꩻ ကလွဉ်လူႏ၊ ခိုယိုတွမ်ႏမူႏ ကလွဉ်ပါ၊ အကျိုꩻယိုခါ ယံလꩻညီꩻ၊ လူႏထွူဖြီꩻစီꩻ ဝွေႏအမျ၊ ပွန်းဖို့ဘာဂ ယံလꩻမန်ႏ၊ မဂ်ဖိုလ်ႏနိဗ္ဗာန်ႏ ယံလꩻနုဲင်း၊ သာႏဓုဝင်ꩻဟုဲး စွုမ်ႏဖြာꩻဖြာꩻ၊ ပငါပရာꩻ ဗွေႏသီးဩ။ (သာႏဓု-သာႏဓု-သာႏဓု)။
ငဝ်းဟော်ꩻဖေႏ ဝင်ႏကုသိုလ်ႏ(၂)
[မွဉ်းဖျင် | မွဉ်းဖျင်အရွီးခိုႏ]ဟဝ်မို့ဟဝ်မို့ ကျောင်ꩻတကာႏ၊ သာႏဓုသာႏဓု ဖူးဝေးအာ၊ ဟန်ႏနီꩻယိုခါ အခန်ꩻသင်ꩻ၊ သီယိုနဝ်ꩻရင်ꩻ ဖျော်တွိုႏစူꩻ၊ သွဉ်းသီးပွယ်ꩻဖူꩻ ခံႏထဉ်ႏကို၊ ပွယ်ꩻကုသိုလ်ႏယို လွဉ်ပါညီꩻ၊ ခိန်ႏနုဲးဟန်ႏနီꩻ ယိုနဝ်ꩻဟွေး၊ သꩻရေꩻကိုမွေး ဖူးဝေးသွူ၊ ဟန်ႏနီꩻနင်းဟွူ သွဉ်းသီးလူႏ၊ စေႏတနာႏဖျူႏ သွဉ်းသီးရဲန်ꩻ၊ ယံနေးဖသဲင်ꩻ ခွိုင်းကုသိုလ်ႏ၊ သွဉ်းသီးဝွေႏတွိုႏ ဖဒျာႏဩ၊ စွုမ်ႏဖြာꩻဖြာꩻနေား ယံကလꩻ၊ နေစ်သက်စွုမ်းသꩻ သာႏဓုဝင်ꩻ၊ အမျာꩻခွန်နင်ꩻ ဖူးဝေးအာ၊ ဒဲန်ဟန်ႏလဲ့ခါ ယံသုံꩻဆောင်ႏ၊ ခိန်ႏတွိုႏပွယ်ꩻအောင်ႏ နာႏအကျိုꩻ၊ ဖူးဝေးသီးရိုꩻ ယံနာႏရဝ်း၊ နန်းခီအဲဉ်ထဝ်း သꩻခွꩻခွꩻ၊ ကုသိုလ်ႏယံလꩻ သာႏဓုညီꩻ၊ ယိုခါဟန်ႏနီꩻ သွဉ်းသီးဝွေႏ၊ ကထွာပွယ်ꩻဗွေႏ ဒါႏယကာႏ၊ အမျဖေႏဒျာႏ သာႏဓုဩ။ (သာႏဓု-သာႏဓု-သာႏဓု)။
ငဝ်းဟော်ꩻဖေႏ ဝင်ႏကုသိုလ်ႏ(၃)
[မွဉ်းဖျင် | မွဉ်းဖျင်အရွီးခိုႏ]ခိန်ႏခါႏကာႏလ၊ သမယ ယိုခါတွင်ꩻ၊ ဖူးဝေးရင်ꩻ လိုꩻပေါင်ꩻသီး၊ စူနုံဆီလီး ဝုဲႏထေ့ငါ၊ ကကွီပါ လူႏညီꩻဒါႏ၊ ပုညကုသလာႏ ကုသိုလ်ႏကျိုꩻ၊ နုဲးယိုနဝ်ꩻရိုꩻ နေစ်သက်မွေး၊ သီယိုဟွေး ကမဲန်လꩻ၊ ခွိုင်းတဲင်သꩻ ကရေႏထင်ႏ၊ ချံꩻသာႏမန်ႏ ခမ်းဝေင်ꩻရျူႏ၊ နီထာꩻလူႏ ဒါႏနဗွန်၊ ယံထင်ႏအုံ ဗာႏခေါးခေါး၊ ယံကတွိုႏနေား ယိုꩻယိုꩻ၊ ခါးလားရိုꩻ ကတွိုႏစူꩻ၊ နိဗ္ဗာန်ႏသူꩻ တွင်ꩻကာႏလ၊ စွုမ်ႏဘဝ စိုးဇာတ်ပန်၊ အကျိုꩻတန် အဝ်ႏငတ်ꩻပါꩻ၊ ယံထူꩻချာꩻ ယံကဗွေ၊ ယံကခြွေ ယံကခြာႏ၊ ယံချံꩻသာႏ နမ်းတွမ်ႏသꩻ၊ ခွိုင်းဆန္ဒ ယံဗွေနေား၊ ဟန်ႏနီꩻစောႏ နီကလူႏ၊ သဒ္ဓါႏဖျူႏ နီကတန်ꩻ၊ အခိန်ႏရင်ꩻ မီႏသံးတွိုႏ၊ ဗွေႏပုဂ္ဂိုလ်ႏ မီႏဟော်ꩻကျာꩻ၊ မျတ်တရာꩻ ဒါႏနကျိုꩻ၊ သီယိုရိုꩻ ယံနာႏရဝ်း၊ ပုဂ္ဂိုလ်ႏစဝ်း ကဟော်ꩻဒါႏ၊ ဒေႏသနာႏ တရာꩻထူꩻ၊ အီႏဝွေႏစူꩻ ဖန်းအမျ၊ ဘို့ဘာဂ ကုသိုလ်ႏယို၊ ကျောင်ꩻတောႏကို ယံကထင်ႏ၊ ယံနာႏခံႏ ညီꩻဝင်ꩻဩ။[၁][၂]