စွုမ်ႏနီꩻရွစ်ဗာႏ လက္ခနာႏရေꩻ သွံပါꩻ

အဝ်ႏ Wikipedia ကို
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

အနိစ္စခန်ꩻ - သဗ္ဗေႏသင်္ခါႏရာႏ အနိစ္စ၊ ခဏရွမ်ꩻနဲ အုံဗာႏတဲ၊ သီယွဲခွိုꩻယုဲင် လီလာပြုဲင်၊ ဟုဲင်လုဲင်ထိုꩻဒါႏ မိုင်ကြွိုင်ငါႏ၊ ဓမ္မတာႏမွော့ ယူႏဒွါႏသွော့၊ ခြွော့တဉ်ႏငထောဝ်း မြယ်ꩻပိုင်ႏတဝ်း၊ ပဉ်စောဝ်းဗွန်ထို ငေါဝ်းငွါယို၊ ဟို့ꩻကိုသွင်ꩻသော့ꩻ နောဝ်ꩻမꩻရော့ꩻ၊ အီႏမော့ꩻလꩻဗာႏ ထာꩻချမ်ꩻသာႏ၊ ငြိမ်ꩻချမ်ꩻဗာႏမွေးတင်ꩻလုဲင်ဟွေး။

ဒုက္ခခန်ꩻ -  သဗ္ဗေႏသင်္ခါႏရာႏ ငေါဝ်းဒုက္ခ၊ လောကခင်ႏလမ်း လောကီႏခမ်း၊ ထာꩻငမ်းခြုံးတူႏ ဖေꩻရန်ႏသူႏ၊ ဆင်ꩻရယ်ꩻ ယူႏပက် ယပ်ꩻစိုးသက်ꩻ၊ ဝင်ꩻနိစ္စငါႏ ငွိုးအွီႏဗာႏ၊ ကင်ꩻသာႏတောဝ်းနဲ တရျိုးတဲ၊ ဆင်ꩻရယ်ကိုယ်စိတ် ဟိတ်ကိတ်ကိတ်၊ ထိတ်လန်းကိုတ်ꩻဆွော့ꩻ ငမ်းငါႏတွော့ꩻ၊ သꩻဝꩻ စွော့ꩻငါႏ မဲ့ꩻပြꩻဒါႏ၊ စောက်အာႏ လောက်ꩻလေးခြီႏငမ်းမွေး၊ ယူႏစွေးသေမꩻ သံႏဝေႏလꩻ၊ လောႏဘꩻပြုဲင်ပြင်ꩻ ဒေါႏသꩻကင်ꩻ၊ မောႏဟꩻသျင်ꩻလွစ် နောဝ်ꩻမꩻချွစ်၊ ဖျော်ရွစ်တွိုႏဗာႏ နိဗ္ဗာန်ႏရွာႏ၊ ချမ်ꩻသာႏပုံႏသေႏ ငြိမ်ꩻနောဗွေႏ၊ သေႏချာႏထွူနော ဗွေႏသီႏသြ။

အနတ္တခန်ꩻ - သဗ္ဗေႏသင်္ခါႏရာႏ အနတ္တ၊ ရွစ်လွခေ့ꩻလေ ယံထီႏသေ၊ ခွေလဲ့အဲဉ်ထောဝ်း နမ်းမွေးတောဝ်း၊ အုံရောဝ်းစွမ်ႏပါꩻ တသဉ်ညာꩻ၊ ငတ်ꩻပါꩻခန္ဓာႏ ရုပ်နာမ်ႏဒွါႏ၊ ကိလေႏသာႏရွဉ်း တဏှာႏသွဉ်း၊ ရာႏဂခြွဉ်းဟုမ် နမ်းထီႏဒွံ၊ ထဲ့စွုမ်အောဝ်ႏခံ ပါꩻဟုမ်ဟံ၊ ငေါဝ်းယံပြင်ꩻငါႏ ဟိတ်အာႏဏာႏ၊ နိစ္စက်ဒါႏဝင်ꩻ မေတ္တာႏကင်ꩻ၊ ဝင်ꩻမီꩻခိုႏရောဝ်း လꩻဖိုတောဝ်း၊ ဗွေႏငထောဝ်းငါႏ မကွိုꩻဗာႏ၊ ခုဲင်ႏခွေါ့ꩻငါႏနောယပ်ꩻငါႏဩ၊ ခွေရေꩻကောနေး ငထောဝ်းမွေး၊ ယိန်းစွေးယိန်းယူႏ တလွိုးသူႏ၊ ယူႏလꩻထွူစောဝ်း နမ်းမွေးတောဝ်း၊ နမ်းအဲဉ်ထောဝ်းတဲ့ သေထွူနဲ့၊ ခွေမွေးပဲနဲ့ သေထွူတဲ့၊ မꩻလဲ့လဲင်ႏခါ ကျံႏဖျင်ဟာ၊ ဆင်တသာရော့ꩻရော့ꩻ ယံကဗော့ꩻ၊ မော့ꩻတောဝ်းထောင်ဗာႏ တဖူꩻသာႏ၊ ကူꩻလဲဉ်းကာႏဗꩻ လောကမꩻ၊ လွစ်လꩻကင်ꩻညာꩻ ဝဋ်သွံပါꩻ၊ ထာꩻခွꩻထာꩻငြိမ်ꩻ ရုပ်နာမ်ႏသိမ်ꩻ၊ ငြိမ်ꩻချမ်ꩻမွေးမှန်ႏ ကင်ꩻဖေꩻရန်ႏ၊ နိဗ္ဗာန်ႏချမ်ꩻသာႏ ဖျော်လꩻဗာႏ၊ သွံပါꩻလက္ခဏာႏရေꩻ ယိုနောဝ်ꩻဗွေႏ၊ သွတ်ထွူသေႏချာႏ လို့မဲဉ်ႏရာႏ၊ မီႏမဲဉ်ဒါႏလဲ့ သွဉ်ဒွါႏတဲ့၊ ကြောင်းကြဲ့စွဉ်ႏနော လို့ထွူသြ။‍[၁]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. စခွီ ဆရာႏတောႏ ပုဂ္ဂိုလ်ႏကျောႏ)