မတကဘတ္တဇာတ်
"မတကဘတ္တဇာတ်"
ထွားသွဉ်ဟော်ꩻကျပ် မတကဘတ္တဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ မာꩻသီသတ္တဝါႏတဲင် ကသီငါသားအတွက် ရေႏမတ်လူႏလောင်ꩻ မာꩻပင်သွမ်ꩻ မတကဘတ်နဝ်ꩻ အကျိုꩻစီꩻပွာꩻ တမျိုꩻအဲဉ်ထဝ်းအကျောင်ꩻ၊
၂။ သတ္တဝါႏတဲ့ တောင်ꩻချာအဇာတ် (လꩻဇာတိဿရဉာဏ်ႏ)အဝ်ႏအကျောင်ꩻ၊
၃။ မာꩻသီဗဲတဗာႏတဲင် ခံႏဗာႏဝဋ်-ပြွတ်ဗာႏခန္ဓာႏ ဘဝငတ်ꩻရျာꩻ ငွဉ်ꩻတပစ်ꩻဗာႏအကျောင်ꩻ၊
၄။ ဝဋ်နဝ်ꩻ လဲ့ꩻထိုꩻ တလꩻတဝ်းအကျောင်ꩻ၊
၅။ နာႏပညာႏသျိ သူႏတောႏကောင်ꩻငဝ်းတဲင် သျောႏထိုꩻအကုသိုလ်ႏ အဝ်ႏလိုႏမာꩻဒျာႏထာꩻဟဝ်အကျောင်ꩻ-စတဲင်နုဲင်းနဝ်ꩻဖုံႏသွူ။
"အာယာစိတဘတ္တဇာတ်" ထွားသွဉ်ဟော်ꩻကျပ် အာယာစိတဘတ္တဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ မာꩻသီသတ္တဝါႏတဲင် ကတင်ႏဒါႏလူꩻ၊ ကပူႏဇောႏဒါႏလူꩻနောဝ်ꩻ အကျိုꩻအဲဉ်ထောဝ်းအကျောင်ꩻ၊
၂။ မာꩻသီဝင်ꩻသက် ကဆောင်ႏရွက် တင်ႏလူႏနုဲင်းနဝ်ꩻနဝ်ꩻ လိုꩻမွိုက်သီးထာꩻမာꩻတန်ဒျာႏအကျောင်ꩻ-စတဲင်နုဲင်းနဝ်ꩻဖုံႏသွူ။
"နဠကပါနဇာတ်" ထွားသွဉ်ဟော်ꩻကျပ် နဠကပါနဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ကိစ္စအမျိုꩻမုဲင်ꩻတဲ့ယဝ်း နေးတွမ်ႏဉာဏ်ႏမဉ်ႏမာꩻ ဆင်ႏဆင်ႏချင်ႏချင်ႏနဝ်ꩻ မော့ꩻတဝ်းအန္တရာယ်ႏအကျောင်ꩻ၊
၂။ ဆရာႏမွိုးဖါ လိုꩻဖြားလိုꩻတန် ကသွဉ်ကသင် ကဆွုံꩻမꩻအတွိုင်ꩻ ဟဝ်နာႏငါႏအကျောင်ꩻ၊
၃။ ပေါႏထွာဝင်ꩻအတန်နဝ်ꩻ အစစအရာႏရာႏ နေးတွမ်ႏဉာဏ်ႏ ဝွေႏဖန်ႏဖေႏဗာႏအကျောင်ꩻ၊
၄။ မဉ်ႏတွိုႏမွေး အရေꩻတန်ကိုနဝ်ꩻ အာႏကွိုꩻဗာႏ ပါႏရမီႏ၊ အာႏကွိုꩻဗာႏသစ္စာႏအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]