ယသောႏဓရာႏအလောင်ꩻ နာင်ꩻသုမိတ္တာႏ
သုမေဓာႏသျင်ႏရသေ့ꩻ သꩻကအဝ်ႏယူႏ ယံကထွာဗာႏဖရာႏအတွင်ꩻ သုမိတ္တာႏကမိဉ်ꩻဒါႏ ပုဏ္ဏာႏမူႏပေႏနဝ်ꩻ ဖျော်တွိုႏလွဉ် ဖရာꩻထျꩻငါ ကအဝ်ႏပြုံႏဒါႏလိုꩻသီးအခြာကိုသွူ။ သုမိတ္တာႏစူကိုနဝ်ꩻ အီႏပူႏဇောႏဖရာꩻတာႏ ထူႏလွဉ်ပါစွဉ်ႏ ဗိုကဝ်ႏသွစ်ꩻတုဲင်။ တွိုႏလွဉ်ပရိသတ်အခြာ သဲစ်ကထီႏဗာႏ သုမေဓာႏသျင်ႏရသေ့ꩻနဝ်ꩻ မေတ္တာပေမဓာတ် ထွိုင်ထပ်အာအာ သꩻအဝ်ႏထွာတဲင် မဲဉ်လူႏတန်ꩻငါႏ လူႏတန်ꩻခရာႏလဲ့ လွိုတဲင်ဗိုကဝ်ႏ လူႏတန်ꩻခရာႏအဲဉ်ထဝ်း.....။ နဝ်ꩻမꩻ "အေား... ဗွေႏရသေ့ꩻ မိဉ်ႏမဲဉ်ကပ်လူႏဒါႏ ဖရာꩻတာႏနဝ်ꩻ ခွိုင်းသꩻကမဲဉ်လူႏ ဗိုကဝ်ႏငတ်ꩻတုဲင်ယို ကပ်လူႏဒျာႏ နီဗွေႏရသေ့ꩻ။ ကအဝ်ႏကုဲင် ဗိုကဝ်ႏသိုမ်တုဲင်နဝ်ꩻ လူႏတန်ဖေႏသွော့ ခွေသွဉ်းမူႏတာႏအေား..."ဒေါ့ꩻရိုꩻ လူႏတန်ꩻနုဲင်းနဝ်ꩻထွူ "အေား သျင်ႏရသေ့ꩻအေား... နီဗွေႏ ယံကထွာဖရာꩻတာႏ ကအဝ်ႏထဲမ်ဒါႏပါရမီႏ ကအဝ်ႏသောင်ႏသာဒါႏ အခိင်ႏကာလအတွင်ꩻ ခွေသွဉ်းမူႏလဲ့ တောမ်ႏနီဗွေႏ ယံကထွာဗိုန်ဗိုန်ပီလွသွော့ဝင်ꩻအေား" ကွီဆုꩻနုဲင်းနဝ်ꩻနေနေသွူ။
အလောင်ꩻတောႏ သုမေဓာႏသျင်ႏရသေ့ꩻနဝ်ꩻလဲ့ ခံႏထူႏလူႏခံႏ သုမိတ္တာႏပုဏ္ဏာꩻမူႏ ကဖေႏအပ်ကပ်လူႏဒါႏ ဗိုကဝ်ႏငတ်ꩻတုဲင်ထွူ ကွီ"သမ္မာသမ္ဗောဓိဉာဏ်ႏ"ဆုꩻတဲင် ပူႏဇောႏထင်ႏစွဉ်ႏ ပရိသတ်အခြာ ကအဝ်ႏကျွꩻကာလွဉ်ဒါႏ ဒီပင်္ကရာႏဗွေႏမျတ်ဖရာꩻနဝ်ꩻသွူ။
ဒီပင်္ကရာႏဗွေႏဖရာꩻ ကထွိုင်ႏထီႏဗာႏ အပုင်ႏပငုဲင်ꩻနုဲင်းနဝ်ꩻထွူ ပရိတ်သတ်အခြာ မိန်ႏသုပ်လင်ꩻပါစွဉ်ႏ.... " သုမေဓာႏဟဲ့ꩻမတ် ရသေ့ꩻမျတ်ဟွေး... သုမိတ္တာႏစွိုးမူႏပေႏယိုနဝ်ꩻ နာꩻယံကထွာဖရာꩻတာႏ အီႏထွာလွဉ် လိုꩻသွုန်ႏသꩻဗိုန်၊ ထာꩻမာꩻပီ။ နမ်းဖြောင်းသꩻ ကံႏသိုမ်ပါꩻ ယံလိုꩻ။ ဖုဲင်ႏရက်ခရာႏ ဟဝ်။ မာꩻစူမ်းသွိုꩻသွင်ႏဒါႏ လိုꩻသꩻ။ အဆုဲင်ꩻသွတ်ꩻမိဉ်ႏတွိုႏ ပစ္ဆိမဘဝသူꩻခါ အအီႏခံႏထူႏ လေားကုတ္တရာႏအမွီႏ အရဟတ္တဖိုလ်ႏထွူ အီႏထွာလွဉ် တန်ႏခိုꩻဣဒ္ဓိပါဒ်ကဗွေစူမ်ႏဒါႏ သာဝိကာမူႏ နာꩻ နိယျာနိကသာႏသနာႏကိုသွူ" စတဲင် ဗျာဒိတ်ငဝ်းမျတ် နုဲင်းနဝ်ꩻသွူ။
(အကျောင်ꩻခရာႏယိုနဝ်ꩻ ယသောႏဓရာႏ ထေရီမူႏနမ်း လဝ်းထင်ႏနယ် ဗွေႏမျတ်ဖရာꩻ အကျောင်ꩻ ထေရီအပဒါန်ကို လွဉ်နုဲင်းနဝ်ꩻသွူ။) [၁]
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
- ↑ မဟာဗုဒ္ဓဝင် - ၆၆၊ ၆၇