လိုꩻဖြားဟော်ꩻဖေႏလိုꩻပေႏ
လိုꩻပေႏကွီနာႏအကျိုꩻ- ၁။ ဩစဝ်းဖါဖြား/မွိုးဖြား ယိုငခါ၊ ပိုလီꩻကောထွာ နီသွဉ်းသီး၊ ဟတ္ထဆီလီး ဝုဲင်ႏရွမ်းဗူႏ၊ အွဉ်ႏဒင်ကတူႏ ကတောင်နာ၊ ယံယိုလဲင်ႏခါ သွဉ်းတောင်ꩻပြန်ႏ၊ ထာꩻလူႏကဝ်ႏတလဲင်ႏ ရဲဉ်ꩻထွူယဝ်း၊ ခွေသွဉ်းလျောက်လဝ်း မဉ်နာႏခံႏ၊ ဟူဗွာတလင်ႏ ထာꩻလူႏကျိုꩻ၊ ငခါယိုရိုꩻ အီႏကန်းတော့ꩻ၊ ငမ်းသꩻမရော့ꩻ ပဲစ်အဝ်ႏဒင်ႏ၊ ကာယ ဝစီႏကံႏ တွမ်ႏမနော်ꩻ၊ ငမ်းသꩻအဝ်ႏရော်ꩻ သွုန်ႏသꩻပွစ်၊ ယိုခါယံလွစ် ပဲစ်ယံကင်ꩻ၊ ဦးချဝုဲင်ႏလင်ꩻ သွဉ်းရိုႏသေႏ၊ ယံကဟော်ꩻဖေႏ အကျိုꩻ(ဖါဖြား/မွိုးဖြား)ဩ။
၂။ ဩစောဝ်း(ဖါဖြား) ယိုငါခါ၊ ပိုလီꩻကောထွာ နီသွဉ်းသီး၊ ဟတ္တဆီလီးဝုဲင်ႏရွမ်းဗူႏ၊ အွဉ်ႏဒင်ႏကတူႏ ကတောင်လောင်း၊ ယွော့တဲင်ကပ်ယောင်း အွဉ်ႏတံꩻငါ၊ ထထီႏဟူဗွာ တခိုးနွိုး၊ ပါသော့ꩻစွုမ်ႏစွိုးလွဉ်ကန်းတော့ꩻ၊ အခွေါင်းအဆော့ꩻ မဉ်ႏအောဝ်ႏဒါႏ၊ ငမ်းသꩻပဲစ်မာႏ ကလဲဉ်းချာ၊ နောဝ်ꩻမꩻယိုခါ လွဉ်ရိုႏသေႏ၊ (ဖါဖြား)စောဝ်းဗွေႏ ခွင်ꩻလွစ်ဖေႏသွော့ဩ။ (မီႏလူႏဒျာႏမွိုးဖြားတဲ့ ဖါဖြားခြောင်ꩻနဝ်ꩻ ပြောင်ꩻသော့ꩻဖေႏသွော့ မွိုးဖြား) (လိုꩻပေႏကွီနာႏအကျိုꩻ)
လိုꩻဖြားဟော်ꩻဖေႏပိုလီꩻထာꩻလူႏကျိုꩻ
[မွဉ်းဖျင် | မွဉ်းဖျင်အရွီးခိုႏ]၁။ ယောယိုလဲင်ႏခါ အယံတွင်ꩻ၊ တနꩻမဲဉ်ႏလင်ꩻ နေင်ႏလာပြောင်း၊ ပူႏဇောႏကပ်ယောင်း မာꩻကုသိုလ်ႏ၊ အဦꩻအခိုႏ ကပ်ရီးငါ၊ ထထီႏဟူဗွာ နေင်းပတော့ꩻ၊ စွုမ်ႏစီႏပါသော့ꩻ ရဲဉ်ꩻဒါႏန၊ ရိုႏသေႏဂါရဝ ကန်းတော့ꩻဗာႏ၊ မိဘမာႏတာႏ မွိုးတွမ်ႏဖါ၊ ကွီလွစ်ပတာ ကံႏသွံပါꩻ၊ ဖယန်ကင်ꩻညာꩻ ဘေꩻကျမ္မာႏ၊ ကွတ်ꩻဆီသူရောႏဂါႏ ယံကကင်ꩻ၊ ရန်ႏသူႏငတ်ꩻတန်ꩻ ယံမော့ꩻပုဲင်ႏ၊ ထာꩻယပ်ꩻထာꩻခုဲင်ႏ ဒုဂ္ဂတိ၊ သေနန်းအောက်မေ့ သတိꩻလꩻ၊ ပွိုးပီးနဝ်ꩻမꩻ ယိုငခါ၊ သွုန်ႏသꩻစင်ဗွာ နုဲင်းဝေဿန်ႏ၊ စိတ်ကူꩻဝွေႏဖဖန်ႏ ထုမ်ႏအဟဝ်၊ ယံဖေႏမဂ်ဖျောဝ် ယံတွိုႏဖိုလ်ႏ၊ သꩻရွယ်ႏတွိုင်ꩻလိုႏ ယံကထွာ၊ သꩻငါလိုႏတွိုင်ꩻ ယံကအောင်ႏ၊ မီႏတွိုႏနောက်နောင်ႏ ဝန်ꩻတနီꩻ၊ သီကထွာပိုလီꩻ ယံလꩻဗာႏ၊ လိုꩻလူꩻချမ်ꩻသာႏ နိဗ္ဗာန်ႏဆုꩻကွိုနဲး ပိုလီꩻသီးယာဟွေး-----။ (လိုꩻဖြားဟော်ꩻဖေႏ)
၂။ သက္ကစ္စဒါႏန မျတ်မဟာႏ၊ သိုမ်ပါꩻစေႏတနာႏ ထွတ်ꩻပြုဲင်လီ၊ စေ့ꩻနေ့ꩻတအီ လွစ်အဝ်ႏဗွို့ꩻ၊ ထာꩻယူႏစွဉ်ႏစွို့ꩻ သေတရာꩻ၊ စေႏတနာႏသိုမ်ပါꩻ အွဉ်ႏဆငါ၊ နုဲင်းယိုခါခါ ကလူႏထင်ႏ၊ ခမ်းဟဝ်နိဗ္ဗာန်ႏ ယံလꩻနော၊ ခါးလားလꩻနော ခါႏလယ်ႏတွင်ꩻ၊ ကီလထင်ႏလင်ꩻ လိုꩻအဒုံ၊ သန္ဓေႏသဲင်ꩻအုံ သုဂတိ၊ မာႏတာႏမွေးမိ သူႏတောႏကောင်ꩻ၊ စွုမ်ႏနီꩻအုံရောင်ꩻ တွမ်ႏသီႏလ၊ နိပါꩻသုခ နမ်းတွမ်ႏသꩻ၊ ရေႏတွိုင်ꩻယံလꩻ တꩻတွိုင်ꩻထွာ၊ ကူꩻကားဖြေꩻစာ လိုပ်ꩻမာꩻအောင်ႏ၊ လောကုတ်ဖြီဖေါင်ႏ စူဖွို့ꩻယံ၊ ဒါႏနဟုံႏသန် အကျိုꩻဖေႏ၊ ချမ်ꩻသာႏသေႏသေႏ စွုမ်ႏဘဝ၊ အာယုဝဏ္ဏ ငတ်ꩻပါꩻဗွေ၊ စွုမ်ႏဇာတ်သဲင်ꩻခြွေ လွိုင်ႏဥစ္စာႏ၊ သဌေꩻထွာဗာႏ အရန်းထို၊ ဆုဲင်ꩻသွတ်ꩻတဲင်ယို ခမ်းနိဗ္ဗာန်ႏ၊ မန်းမန်ႏသီကုသိုလ်ႏအကျိုꩻ၊ ယိုꩻယိုꩻသာႏသႏ၊ ယံဖေႏနေးကလꩻဗာႏ ပိုလီꩻသီးယာနော။
၃။ သက်တန်ရွယ်ႏကီꩻ သီလွဉ်လူႏ၊ ဂုဏ်ႏတန်ထိုခြူႏ သီလွဉ်တန်ꩻ၊ ခွန်ယိုတွမ်ႏနင်ꩻ ပိုလီꩻအာ၊ ထွားနုဲင်းစခါ ထုံꩻလီꩻယ၊ ဣဒါနိစ ယိုခါတွင်ꩻ၊ အခန်ꩻလဲ့သင်ꩻ အခါႏရော့ꩻ၊ တနꩻမဲဉ်ႏသော့ꩻ မွူးနီꩻထူꩻ၊ ကျုံႏတောႏသော့ꩻစူꩻ မွူးလာမျတ်၊ သီလွဉ်လူႏကပ် တန်တွမ်ႏပေႏ၊ သီလွဉ်ရိုႏသေႏ ခွန်တွမ်ႏနင်ꩻ၊ ဂုဏဂုဏ်ႏအင်ꩻ ယိုတပါꩻ၊ ဝယရွယ်ႏဆွာꩻ ယိုတတော်ꩻ၊ သꩻကိုမနော်ꩻ မီႏယွုမ်းအံႏ၊ ပူႏဇောႏဝုဲင်ႏထင်ႏ အကျိုꩻတန်၊ ဒါနဖလံ တွက်မပဲး၊ လꩻအာငါႏနဲး ပန်ငါတာႏ၊ လꩻအာငါႏနဲး နောင်ႏလာႏရင်ꩻ၊ ပစ္စုပ္ပန်ႏတွင်ꩻ ယိုလဲ့ခါ၊ လꩻအာနုဲင်းနုဲင်း ပိုလီꩻနော၊ နမ်းလဲ့သုခေါ သꩻချမ်ꩻသာႏ၊ ယောင်ꩻလဲ့သေႏချာႏ ရုတ်ဟင်းလီ၊ ငဝ်းထီလဲ့အွီႏ ဉာဏ်ႏလဲ့ဗွောင်၊ သတ္တိလဲ့ခွေါင် ပညာႏကွုမ်ႏ၊ ထာꩻဒါႏလဲ့စွုမ်ႏ လွစ်နောင်ႏတ၊ ဘယလဲ့ကေႏ ဘေꩻရန်ႏကင်ꩻ၊ စွိုင်ႏနင်ꩻလဲ့အာ ချွေႏရံႏလွိုင်ႏ၊ စံႏစာꩻဗာႏကွိုင်ႏ ထွူတဲင်ခါ၊ မီႏတွိုႏဆုဲင်ꩻချာ အန္တိမ၊ သျင်ႏတောႏဗုဒ္ဓ မီႏပွင်ꩻပေါႏ၊ ယံကခွဲးတောႏ ပါꩻညီꩻရဝ်း၊ ဧဟိဗွေႏငဝ်း မီႏဟဲ့ꩻဟောင်၊ မူႏယိုတွမ်ႏမောင်ႏ ပိုလီꩻအာ၊ ဘုရာꩻဆချာ ယံပါရဝ်း၊ ဝွေꩻဗွေႏစဝ်း ဖြီခံꩻကို၊ နွို့ညီꩻသွို ကူꩻနိဗ္ဗာန်ႏ၊ လꩻဧကန်ႏ နိရောဓော၊ ခမ်းသုခေါ ရုပ်နာမ်ႏသိမ်ꩻ၊ ခမ်းဝေင်ꩻငိမ်ꩻ ရုပ်နာမ်ႏကွဲႏ၊ လွစ်သန္ဓေႏ ကင်ꩻဇာႏတိ၊ လွစ်ဗျာႏဓိ တွိုႏမဂ်ဖိုလ်ႏ၊ ခန္ဓာႏကြိုႏ ချုပ်လဲင်ႏချင်ꩻ၊ ပငါပရာꩻကွိုနဲးနော ပိုလီꩻသီးယာဟွေး--- (လိုꩻဖြားဟော်ꩻဖေႏ)
၄။ ပွိုးပီးနဝ်ꩻမꩻ ဟန်ႏသလဲင်ႏခါ၊ ပိုလီꩻသီးယာ ကလူႏဗာႏ၊ ဟူဗွာထထီႏရာႏ တခိုးလွမ်၊ တောင်းလုဲင်အွဉ်ႏဒေါင် ပြူးနေင်းပေါင်ꩻ၊ လꩻထွူနဲးလောင်ꩻ အကျိုꩻဖေႏ၊ ပိုလီꩻတန်ပေႏ အနမ်းရင်ꩻ၊ ယံခြွိုင်ႏယံသန်ꩻ ကင်ꩻရောႏဂါႏ၊ ဘေꩻမျိုꩻကျမ္မာႏ ဟူႏလို့စင်၊ ရွဉ်တောင်ꩻပဲက်ဆန် လွိုင်ႏဝပြော်ꩻ၊ ပိုလီꩻမနော်ꩻ ကနောင်ႏတ၊ ယံဗွေပြဲ့ꩻဝ လꩻဧကန်ႏ၊ သွဉ်းသဲႏချွေႏရံႏ ခူတဝွုန်ꩻ၊ ခံꩻဗောႏလဲ့ကွုန်ꩻ အံႏအွꩻလုမ်း၊ တနံအတုံး လူꩻအပို၊ ပျသာဒ်ဟော်ကို စံႏစာꩻသော့ꩻ၊ ယံခွဲးကျုံႏမော့ꩻ ဘုရာꩻပွင်ꩻ၊ ပိုလီꩻခွန်နင်ꩻ လꩻနိဗ္ဗာန်ႏ၊ မန်ႏမန်ႏယံဖေႏ ပိုလီꩻသီး၊ ကတွိုႏထင်ႏလွခန်းဝင်ꩻ ပငါပရင်ꩻကွိုနဲး ပိုလီꩻသီးယာဟွေး---။
၅။ ပိုလီꩻသီးယာ၊ သီကထွာပိုလီꩻ၊ လွဉ်ကန်းတော့ꩻ ရိုႏသေႏဗာႏ အကျိုꩻယို၊ သက်ထိုစိုးဆွာꩻ အာႏယံသန်၊ ယောင်ꩻဆင်ꩻလွိုးယံ ပညာႏဒါႏ၊ သုခချံꩻသာႏ ဆုꩻငတ်ꩻမျိုꩻ၊ ထာႏလူႏအကျိုꩻ အီႏလꩻဗာႏ၊ ယိုꩻယိုꩻသာႏသာႏကွိုနဲ ပိုလီꩻသီးယာဟွေး ---။
၆။ ဟောဝ်သွူပိုလီꩻ ကလွဉ်လူႏ၊ စေႏတနာႏဗွာဖျူႏ ကလွဉ်တန်ꩻ၊ အပဲစ်ကွီခွင်ꩻ စိန္တရေႏ၊ အွဉ်ႏစွꩻခွင်ꩻဖေႏ ယံလွစ်ကင်ꩻ၊ ကံႏတန်သွံတန်ꩻ ဒုစရဲက်၊ ကာႏယအပဲစ် ဝစီႏကံႏ၊ မနော်ꩻသွံဆင်ႏ လဲဉ်းညာꩻယန်၊ ဆီပါꩻကံႏတန် ကင်ꩻညာꩻခြူႏ၊ သီကလွဉ်လူႏ ပစ္စယ၊ တင်ႏတန်ဒါႏန သော့ꩻဟူဗွာ (ထထီႏလဲ့ပါ တောင်းလုဲင်ထောင်ꩻ၊ နံႏသာႏဖယောင်ꩻ မေႏတေန်ꩻလီး၊ ဝုဲင်ႏငါအွဉ်ရီး ရိုႏသေႏဗာႏ) အမျိုꩻပေါင်ꩻအာ ရဲဉ်ꩻသော့ꩻငီꩻ၊ စွုံႏလင်ႏဖြီꩻစီꩻ အွဉ်ႏတံꩻငါ၊ အုံလင်ꩻဆွတ်ချာ ရိုႏသေႏဗာႏ၊ အကျိုꩻကုသလာႏ လꩻဒိဋ္ဌ၊ ယိုခါဘဝ လꩻထင်ႏသျာꩻ၊ ဥစ္စာႏစီꩻပွာ ခြွေတဒွဉ် ၊ လꩻခံꩻလꩻရွဉ် ဥစ္စာႏလွိုင်ႏ၊ ဖြေꩻစာလꩻကွိုင်ႏ ပရိဘော၊ မီႏသံးပြောင်ꩻတော ထင်ႏလူꩻဒုံ၊ ဟော်နန်ꩻထင်ႏအုံ စံႏစာꩻပျောႏ၊ ဆုဲင်ꩻချာညီႏတောႏ ဖူႏကနင်၊ မီႏသံးပွင်ꩻချင် ခွဲမော့ꩻဗာႏ၊ ခမ်းဟောဝ်ဝေင်ꩻသာႏ နိရောဓ၊ သာႏသာႏယွယွ လꩻအမန်ႏ၊ ခမ်းဟောဝ်နိဗ္ဗာန်ႏ ယံလꩻနော၊ ပိုလီꩻတဗူႏ ခိုမူႏသီးယာဟွေး ---။[၁][၂]
၇။ သာႏဓု၊ သာႏဓု၊ သာႏဓု၊ ဟဝ်မွေးငါႏ၊ ကလူႏတန်ꩻဗာႏ ဟန်ႏနီꩻယို၊ သက်လဲ့ယံထို ဘွုံꩻယံကီꩻ၊ တယ်ႏစဟန်ႏနီꩻ မာꩻတငါ၊ ရေႏတွိုင်ꩻယံထွာ ငါတွိုင်ꩻလꩻ၊ ကုသိုလ်ႏမꩻစꩻ ကံႏဟဝ်စွဲ၊ စံႏစာꩻကားပဲ ကုသိုလ်ႏကျိုꩻ၊ ဆုဲင်ꩻချာထင်ႏစိုꩻ ဝေင်ꩻမွန်းပျောႏ၊ စေꩻစိန်ႏနန်ꩻတောႏ ဟော်ဆောင်အာ၊ ပီႏနယ်ꩻယော လဲင်ꩻအွန်အန်၊ ခွန်လူꩻတနံ သီကျာꩻဖုံႏ၊ အအူအဒုံႏ လဲင်ꩻတလွိုး၊ ယောင်ꩻဆင်ꩻစွူဖြိုး နင်ꩻလူꩻဖုံႏ၊ ပဉ်စွိုးပဉ်ပြုံႏ ကပျောႏရောင်၊ သက်တန်ꩻလို့လွဉ် လင်ꩻလိုခမ်း၊ ဘုရာꩻအနမ်း သံးသဲင်ꩻကျုံႏ၊ သင်္ဃန်ꩻဗုဲင်ရွုံႏ နွို့တငါ၊ ဖိုလ်ႏမဂ်ဝေင်ꩻထာ ခမ်းနိဗ္ဗာန်ႏ၊ ယံလꩻမန်ႏမန်ႏ ပိုလီꩻသီးယာဟွေး---။ ။