လုံးဒါညီႏလာႏခံႏ

ရလလဖ ဖြောဝ်ꩻခမ်းလိုꩻမျိုꩻပေါင်ꩻစွုမ်ႏ လွစ်ထန်ႏရေꩻအစွိုꩻချွုတ်(အဗွာ)နောဝ်ꩻ ခရစ်နေင်ႏ ၁၉၇၅ဗာႏ လာဩဂုတ် (၂၃) နီꩻယိုအမျိုꩻသာꩻပွုံႏစံႏလက္ခဏာႏ ကပီဗွိုန်ဒါႏ စွိုးခွိုꩻအစွိုꩻချွုတ်ယို ယံကထွို့ꩻ ဗူႏနွောင်ꩻအတာႏ ထွို့ꩻဗူႏဆောင်းခန်း ယာႏယီႏကောႏမတီႏအစွိုꩻတစွိုꩻသွူ။

ခရစ်နေင်ႏ၁၉၇၆ဗာႏ၊ လာဇန်နဝါရီနောဝ်ꩻ၊ သီႏသဲင်ႏဝေင်ꩻနယ်ႏ၊ အွိုင်ႏနာသံ၊ ဒုံလုံးဒါဗွေႏဗွန် ကျောင်ꩻကိုမာꩻလွေꩻခန်း ညီႏလာႏခံႏသွူ။ ညီႏလာႏခံပွယ်ꩻကို အောဝ်ႏဖြောဝ်ꩻခမ်းလွစ်ထန်ႏရေꩻအစွိုꩻချွုတ် (ရလလဖ)နောဝ်ꩻ ပြောင်ꩻဖန်ဟဲ့ꩻတသာလုဲင်ႏ ပအိုဝ်ႏစွိုးခွိုးအစွိုꩻချွုတ်နုဲင်းနောဝ်ꩻသွူ။

လုံးဒါညီႏလာႏခံႏကို ဆွုံꩻဖျတ်ချက်ဖုံႏနောဝ်ꩻ

၁။ ယားကုဲင်လွေꩻ ရလလဖ ဗဟိုႏသဘာပတိစွိုꩻ

၂။ ပီအဲဉ်အို တွမ်ႏ ပီအဲဉ်အေ ပူꩻပေါင်ꩻဝင်ꩻ

၃။ ထွို့ꩻဗူႏလွေꩻ ပအိုဝ်ႏစွိုးခွိုꩻအစွိုꩻချွုတ်(PNO)

၄။ ထွို့ꩻဗူႏလွေꩻ ပအိုဝ်ႏစွိုးခွိုꩻတပ်မတောႏ(PNA)

၄။ ကရီးခါ စိန်ႏဌာႏနယို ယိုခါ ဟဲ့ꩻဖန်တသာသွုံꩻသော့ꩻလုဲင်ႏ ဖြားဗွာခမ်း။

၆။ ကရီးခါ မေႏဌာႏနယို ယိုခါ ဟဲ့ꩻဖန်တသာသွုံꩻသော့ꩻလုဲင်ႏ စန္တာႏခမ်း။

၇။ ကရီးခါ လုံးဌာႏနယို ယိုခါ ဟဲ့ꩻဖန်တသာသွုံꩻသော့ꩻလုဲင်ႏ သူရိယခမ်း။

၈။ ကရီးခါ ဆာႏဌာႏနယို ယိုခါ ဟဲ့ꩻဖန်တသာသွုံꩻသော့လုဲင်ႏ မျင်ႏမိုရ်ႏခမ်း။

၉။ ဖားအံ၊သထွုံႏ ၊ခြုတ်ꩻခြိက်ꩻစတဲင် ခမ်းဒွမ်ဒေႏသဖုံႏယို ဟဲ့ꩻဖန်လွေꩻ သုဝဏ္ဏခမ်း။

၁၀။ ဆွုံꩻဖျတ်အွဉ်ႏထွော့လွေꩻ ကလွိုက်ခါꩻဒါႏ ပီအဲဉ်အို(PNO)ဗဟိုႏကောႏမတီႏ (၁၆)ဖြာꩻ။

၁၁။ ဆွုံꩻဖျတ်အွဉ်ႏထွော့လွေꩻ ခမ်းသူခမ်း ဖေႏအပ်လွေꩻ ခမ်းဗွေႏတာႏဝွန်ႏ။

၁၂။ ပအိုဝ်ႏစွိုးခွိုꩻအလံႏယို သွုံꩻသွုပ်လွေꩻ ခမ်းပေါင်ꩻစွုမ်ႏ ပအိုဝ်ႏစွိုးခွိုꩻအလံႏတောႏ။

၁၃။ ပဒေႏသရာဇ်စနစ်တောႏလန်ႏရေꩻ ဒီသေန်ဗာ(ဒီဇင်ဘာ)(၁၁)နီꩻယို အွဉ်ႏထွော့လွေꩻ ပအိုဝ်ႏစွိုးခွိုꩻ တောႏလန်ႏရေꩻမွူးနီꩻ။

၁၄။သူႏရိယစန္တာႏလွူးဖွာꩻမွူးနီꩻဒဲဉ်သီႏဗွေနီꩻယိုအွဉ်ႏထွော့လွေꩻပအိုဝ်ႏစွိုးခွိုꩻမွူးနီꩻ(ပအိုဝ်ႏအမျိုꩻသာꩻမွူးနီꩻ)။

၁၅။ သက္ကရာဇ်နေင်ႏ ၁၃၃၇ဗာႏ ဖြားဗွားလှဖေကသီဒါႏ တောႏလင်ꩻလောင်း(၅)နီꩻယို အွဉ်ႏထွော့လွေꩻ ပအိုဝ်ႏအာႏဇာႏနီႏမွူးနီꩻ။

၁၆။ဆွုံꩻဖျတ်အွဉ်ႏထွော့ နွို့လွေꩻစွိုးခွိုꩻဒီမိုကရေစီတပ်ပေါင်ꩻဗူႏအစွိုꩻ (အမျိုးသားဒီမိုကရေစီတပ်ပေါင်းစု အဖွဲ့) စတဲင် အောဝ်ႏလွေꩻ (၁၆)ချက်သွူ။