ဝဋ္ဋသုတ်

‍‍ဝဋ္ဋသုတ်ယိုနဝ်ꩻ ဟော်ꩻကျာꩻနယ်ချာ ဝဋ္ဋဝါးရွို့ပေႏဇာတ်တောႏကိုဒျာႏသွူ။ ဝဋ္ဋသုတ်ကိုယိုနဝ်ꩻ နီဗွေႏမျတ်ဘုရာꩻ ဟော်ꩻကျာꩻဖေႏ ရဲအီ ခမ်းတန်အန္တရာယ်ႏ (၄)မျိုꩻ ဂါႏထာႏတောႏသွူ။

‍‍‍‍‍‍‍‍ဝဋ္ဋသုတ် ဘုရာꩻလောင်ꩻဝါးရွို့တရာꩻတောႏ အသက်သေႏနဝ်ꩻ - အွိုးမွိုးနန်းစခါ နီဗွေႏဘုရာꩻပဉ်စဝ်း အစိုးအလက်ထက်အယံꩻတွင်ꩻ တွိုႏတနီꩻတဲင်ခါ နီဗွေႏဘုရာꩻဟဲ့ꩻပါတွမ်ႏ ရဟန်ꩻဖုံႏ ကျွꩻလွေꩻခန်း အရညခမ်းတခြာ လွေꩻထီႏခန်းတမုဲင်ꩻနဲတဲ့ လွေꩻထီႏခန်းမေႏဖုံႏ အဝ်ႏခိုးခမ်းတခြာ မေႏကထွိုင်ႏခိုးတခြာနုဲင်းနဝ်ꩻတွော့ꩻ ပုထုဇဉ်ႏရဟန်ꩻသီးဖုံႏနဝ်ꩻ အီႏထိုꩻလဲ့ꩻတောအလောင်ႏအလင်တဲ့ ကွပ်ပွိုးစွဉ်ႏတဖုဲင်ႏတဝ်းတဲင်တွော့ꩻ ပွစ်ဝါႏ ထူႏထွူမေႏတွော့ꩻ မုဲင်းသေခါꩻခန်း ဝွေꩻဗွေႏသီးဆ့ꩻငါ။ မေႏဖေႏနေးကတွိုႏလွဉ်ဗာႏမွုန်း ဗွေႏဘုရာꩻအထျꩻငါ ရဟန်ꩻသံႏဃာႏသီးအဆꩻငါတွော့ꩻ မုဲင်းသေꩻခါꩻနေး အဝ်ႏနဝ်ꩻတဲင်တွော့ꩻ ရဟန်ꩻတပါꩻနဝ်ꩻ ဖေႏသတိꩻ နီဗွေႏသီးနဝ်ꩻ အုံသွူဟံႏလောင်းတဲ့ တထီႏတဝ်းကောင်မျင်ꩻမိုရ်ႏ အုံသွူနီဗွေႏဘုရာꩻအထျꩻလဲ့ တထီႏတဝ်း နီဗွေႏဘုရာꩻ အဘွုံꩻတံꩻခိုꩻ တအာႏကွိုꩻတဝ်း နီဗွေႏဘုရာꩻပဉ်စဝ်း ထွိုင်ႏဒေါ့ꩻလဝ်းနုဲင်းနဝ်ꩻတဲင်တွော့ꩻ ရဟန်ꩻသီးဖုံႏနဝ်ꩻ ကျွꩻလွေꩻရောင်ခန်း နီဗွေႏဘုရာꩻပဉ်စဝ်းအထျꩻ  အဝ်ႏနဝ်ꩻတွော့ꩻ နီဗွေႏဘုရာꩻတဲ့ကျွꩻငါ ထွားသွူမေႏတဲင်တွော့ꩻ မေႏကအဝ်ႏခိုးဒါႏတခြာတန်နဝ်ꩻ အဝ်ႏတစိုးအုံတဆင်ႏ ပီနုဲင်းဝင်ꩻကထောက်ꩻတွမ်ႏထီ ထိုꩻမားထိုꩻခန်း ဖေ့ထိုꩻခန်းနဝ်ꩻသွူ။ အဝ်ႏနဝ်ꩻတဲင်တွော့ꩻ နီဗွေႏဘုရာꩻ တပဲ့ꩻတပန်ꩻ ရဟန်ꩻသံႏဃာႏသီးဖုံႏနဝꩻ အိုပ်ꩻလွဝင်ꩻတဖြာꩻတမျိုꩻမျိုꩻ ရိုꩻလွဝင်ꩻတဖြာꩻတစားစား နီဗွေႏဘုရာꩻနဝ်ꩻ ဘွုံႏတံꩻခိုꩻတန်ငါႏ ဒေါ့ꩻလွခန်းနုဲင်းနဝ်ꩻ။ အဝ်ႏနဝ်ꩻတဲင်တွော့ꩻ နီဗွေႏဘုရာꩻရိုꩻ မေႏကခိုးဒါႏတခြာ ကတွိုႏလွဉ်ဒါႏအရပ်ယို ကဖေ့ထိုꩻဒါႏနဝ်ꩻ ခွေဘုရာꩻပဉ်စဝ်း အဘွုံꩻတံꩻခိုꩻတမွေးတဝ်း။ ခွေအဝ်ႏထွာနေခါ ဝါးရွို့အလောင်ꩻ အယံꩻတွင်ꩻ ခွေနဝ်ꩻသံးအဝ်ႏပေႏနေသံးအဝ်ႏဆားနေကဒွိုန်း ဒေ့ꩻအဝ်ႏစွဉ်ႏတဲ့ ကျောင်ႏတဒါႏတဝ်း ခင်ႏအဝ်ႏစွဉ်ႏတဲ့ လွေꩻတဒါႏတဝ်း။ အဝ်ႏနဝ်ꩻတဲင်တွော့ꩻ ခွေနဝ်ꩻသံးအဝ်ႏသော့ꩻနေက ဝါးရွို့အပွီကို ဒေ့ꩻတဲ့ သံးခုဲင်ႏဒေါ့ꩻတဝ်းဒွိုန်း၊ ခင်ႏတဲ့ သံးခုဲင်ႏဒေါ့ꩻတဝ်းဒွိုန်း။ မေႏထွိုင်ႏခိုးလွဉ်နဝ်ꩻတဲင်ခါ မွိုးဖါနီဖြာꩻတဲ့ထိုꩻနꩻထိုꩻလဲဉ်း ကွပ်ပွိုးနဝ်ꩻမ့ꩻ ဝါးရွို့ပေႏနဝ်ꩻနဝ်ꩻ အာႏကွိုꩻခရာႏ ထီႏတဝ်းဒွုမ်တမုဲင်ꩻမုဲင်ꩻတဲင်တွော့ꩻ အာႏကွိုꩻစွဉ်ႏသစ္စာႏ ပျုစွဉ်ႏသစ္စာႏ အပျုသစ္စာႏနေးမုဲင်ꩻနဲးတဲင် - ခွေယိုနဝ်ꩻ ဒေ့ꩻအဝ်ႏစွဉ်ႏတဲ့ ကျောင်ႏတဒါႏတဝ်း၊ ခင်ႏအဝ်ႏစွဉ်ႏတဲ့ လွေꩻတဒါႏတဝ်း၊ နီမွိုးနီဖါသီးနီဖြာꩻတဲ့ အွဉ်ႏကုဲင်ထိုꩻနꩻထိုꩻလဲဉ်းသွူခွေ ခွေငဝ်းယိုနဝ်ꩻ မိဉ်ႏမွေးမိဉ်ႏမဲဉ်ႏကရိုꩻစီးနဝ်ꩻတဲ့ မေႏယိုနဝ်ꩻ ယံဖေႏကထိုꩻမား၊ ယံဖေႏကဖေ့၊ ယံဖေႏကဆွတ်ချာသွော့နော ပျုခန်းသစ္စာႏနုဲင်းနဝ်ꩻ တဲႏစစွဉ်ႏနဝ်ꩻခါကာႏတဲင်တွော့ꩻ တယ်ႏစွဉ်ႏဝါးရွို့ပေႏပျုသစ္စာႏနဝ်ꩻမာꩻငါ တကမ္ဘာႏလွုမ်းလွုမ်း ကပတ္ထာယေ အထွောင်ꩻနဝ်ꩻကိုနဝ်ꩻ မေႏတခိုးဒါႏတဝ်းဒွုမ်။ ကွပ်ပွိုးတမုဲင်ꩻနဲတဲင် ကွပ်ပွိုးဝါးရွို့ပေႏနဝ်ꩻဟွဉ်ႏ  ဝွေꩻစဲꩻသေꩻခါꩻဗာႏ၊ ဝွေꩻပျုသေꩻခါꩻဗာႏ တွမ်ႏဝဋ္ဋသုတ်ပါႏဠိဂါႏထာႏတဲင်တွော့ꩻ ကပ္ပဋ္ဌာယိံ မဟာတေဇံ ပရိတ်ယို အဘွုံꩻတံꩻခိုꩻအကျိုꩻအာနုဘောႏကရိုꩻနဝ်ꩻ  ကမ္ဘာႏယို မိဉ်ႏသွတ်ꩻမိဉ်ႏဝုဲင်ꩻနဝ်ꩻမ့ꩻ ပရိတ်အတံꩻခိုꩻလို့တဲ့။ ကွပ်ပွိုးနဝ်ꩻမ့ꩻ ဝဋ္ဋသုတ်ရိnတ်တရာꩻတောႏယိုနဝ်ꩻ ရဲးအီနွောင်ꩻဒါႏ မေႏဘေꩻကစဖုံႏနဝ်ꩻသွူ။

ဝဋ္ဋသုတ် (ပါႏဠိတောႏ)

၁။ ပူရေန္တံ ဗောဓိသမ္ဘာရေ၊
     နိဗ္ဗတ္တံ ဝဋ္ဋဇာတိယံ။
     ယဿ တေဇေန ဒါဝဂ္ဂိ၊
     မဟာသတ္တံ ဝိဝဇ္ဇယိ။

၂။ ထေရဿ သာရိပုတ္တဿ၊
     လောကနာထေန ဘာသိတံ။
     ကပ္ပဋ္ဌာယိံ မဟာတေဇံ၊
     ပရိတ္တံ တံ ဘဏာမ ဟေ။

၃။ အတ္ထိ လောကေ သီလဂုဏော၊
     သစ္စံ သောစေယျ နုဒ္ဒယာ။
     တေန သစ္စေန ကာဟာမိ၊
     သစ္စကိရိယ မုတ္တမံ။

၄။ အာဝဇ္ဇေတွာ ဓမ္မဗလံ၊
     သရိတွာ ပုဗ္ဗကေ ဇိနေ။
     သစ္စဗလ မဝဿာယ၊
     သစ္စကိရိယ မကာသဟံ။

၅။ သန္တိ ပက္ခာ အပတနာ၊
     သန္တိ ပါဒါ အဝဉ္စနာ။
     မာတာ ပိတာ စ နိက္ခန္တာ၊
     ဇာတဝေဒ ပဋိက္ကမ။

၆။ သဟ သစ္စေ ကတေ မယှံ၊
     မဟာပဇ္ဇလိတော သိခီ။
     ဝဇ္ဇေသိ သောဠသ ကရီသာနိ၊
     ဥဒကံ ပတွာ ယထာ သိခီ။
     သစ္စေန မေ သမော နတ္ထိ၊
     ဧသာ မေ သစ္စပါရမီ။

     ဝဋ္ဋသုတ္တံ နိဋ္ဌိတံ။ ။