ဝေယျာဝစ္စ
မာꩻဖေႏ လိုꩻဖြားလိုꩻတန် ဝွတ်ပတ်ဖုံႏ၊ မာꩻဖေႏလိုꩻဆာဝွတ်ပတ်ဖုံႏ၊ စွဲကိုမာꩻကို ဝင်ꩻကုသိုလ်ႏကိစ္စဖုံႏ-စတဲင် စားနဝ်ꩻဖုံႏနဝ်ꩻ ဟဲ့ꩻ"ဝေယျာဝစ္စ"နောဝ်ꩻသွူ။ "ဝွတ်ပတ်မာꩻကို"ကရိုꩻနဝ်ꩻ- ပုဂ္ဂိုလ်ႏ အသက်ဂုဏ်ႏသိက္ခာႏ ကတန်လဲဉ်းနီ ဖူဖီ၊ မွိုးဖါ၊ ဆရာႏ-စတဲင် ဝွေꩻဗွေႏသီးအတွက် ဆောင်ႏရွက်မာꩻဖေႏ ဝွတ်ပေႏဝွတ်တန်အမျိုꩻမျိုꩻဖုံႏ၊ လိုꩻဆာအတွက် ဆောင်ႏရွက်သုတ်သင်ႏ ဖေႏအံႏဖေႏအံꩻ၊ သူႏဖြွꩻလိုမ်ꩻလာꩻ မာꩻဖေႏအမျိုꩻမျိုꩻဖုံႏ၊ ကူႏညီႏစွဲးကိုဝင်ꩻ ကုသိုလ်ႏကိစ္စ၊ ထွာသျင်ႏလောင်ꩻတပဲ့ꩻ၊ စင်ꩻလောင်ꩻတပဲ့ꩻ၊ ဒွိုႏဒဲဉ်ဟန်ႏအိုသား၊ လွူးဒဲဉ်သား၊ ဖြားဆားတန်ပေႏ ကကူႏညီႏစွဲကိုဖေႏ ထာꩻမာꩻမျိုꩻမျိုꩻ။ ဖို့ꩻကိုဆျာ-ဗာကိုထ-စတဲင် ကကူႏညီႏစွဲကိုဒါႏ အပဲစ်တကင်ꩻတဝ်း အကုသိုလ်ႏထာꩻမာꩻ အမျိုꩻမျိုꩻဖုံႏနောဝ်ꩻ ထွာတဝ်း "ဝေယျာဝစ္စ"(ဝေယျာဝစ္စ မွေးတဝ်း)နောဝ်ꩻသွူ။ "အပစာယနတွမ်ႏ ဝေယျာဝစ္စ"ကွာႏဝင်ꩻ ၁။ လိုꩻသေႏလိုꩻဖြား လိုꩻတန်နဝ်ꩻ "အပစာယန"၊ ၂။ မာꩻဖေႏလိုꩻဖြားလိုꩻတန် ဝွတ်ပတ်နဝ်ꩻ "ဝေယျာဝစ္စ"ကွာႏလို့ဝင်ꩻ (ထူႏလို့ဝင်ꩻ)နုဲင်းနောဝ်ꩻသွူ။ "လင်္ကာႏ"၁။ ခေါက်ဝုဲင်ႏရိုႏသေႏ၊ သက်တန်ဗွေႏ၊ ဖန်ဖေႏ "ပစာယ"။ ၂။ ဝွတ်ပတ်မာꩻဖေႏ၊ သက်တန်ဗွေႏ၊ ဖန်ဖေႏ "ယျာဝစ္စ"။ "ဝေယျာဝစ္စကဗျာ" - ဆရာႏမွိုးဖါ - လိုꩻအာ သံႏဃာႏ ဂုဏ်ႏသက်တန်စား - လိုꩻဖြားအာဖြာꩻ နေးသꩻဗွာမျတ် - ဝွတ်ပတ်မာꩻဗာႏ ယျာဝစ္စ - ယံကျ ကုသိုလ်ႏအာ။ [၁][၂]