သာသနာလင်္ကာရ သာႏမဏေႏကျောႏကျောင်ꩻ

သာသနာလင်္ကာရ သာႏမဏေႏကျောႏကျောင်ꩻ ပေါႏပေါက်လွဉ်ဗာႏအကျောင်ꩻ

သာႏမဏေႏကျောႏကျောင်ꩻ လိတ်သွဉ်တွိုက်ယိုနဝ်ꩻအဝ်ႏဒျာႏ ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ၊ ဝေင်ꩻဟိုပုံꩻ တောင်ရပ်ကွက် ( လေးအိမ်ကုန်း) ဟံႏကွင်ꩻအမုဲင် ၂ ကို နေင်ႏပေါင်ꩻညဆွာꩻ ကအောဝ်ႏခါꩻဒါႏ မိုးကောင်းဘုရာꩻစေႏတီႏန၀်ꩻ၊ ဦႏဘရူးဝါးတဲႏလူႏရိုꩻနုဲင်းန၀်ꩻသွူ။ ဘုရာꩻစေႏတီႏပတ်တ၀ွိုင်ႏ ဟံႏအအဲန်ႏအလုဲင်းန၀်ꩻ အ၀်ႏတထာဝဧကနဝ်ꩻသွူ၊ ကအ၀်ႏကုဲင်ဒါႏ ဟံႏယာႏန၀်ꩻ ရပ်ကွတ်ကို ကအ၀်ႏဒါႏ ရပ်ကွက်သားလိုꩻဖြားသီးဖုံႏ ဖေႏကဆောက်တဲႏနွောင်ꩻသဉ်သွစ်ꩻ၊ ဖေႏကဗေင်ႏသော့ꩻနွောင်ꩻ ကျောင်ꩻန၀်ꩻ မဲဉ်ဆို့ꩻလူႏလွေꩻကျောင်ꩻဓမ္မာႏရုံႏတဖြုံႏတဲင် ထွိုင်ႏတွိုႏလွေꩻခန်ႏ၊ နေင်ႏ၁၃၇၂ ဗာႏန၀်ꩻ ဆို့ꩻလူႏလွေꩻမွေးခန်း ကျောင်ꩻဓမ္မာႏရုံႏတဖြုံႏသွူ။ ဆို့ꩻလူႏထွူန၀်ꩻ ဆျာꩻထီ အပ်လူႏခန်းဒျာႏ ၊ရန်ႏကင်ꩻဇောတိကာရာမ ဗွေႏဆဗွေႏဆရာတောႏ ဘဒ္ဒန္တ ပဏိတနဝ်ꩻသွူ၊ ဗွေႏဆ၇ာႏတောႏ ဆိုႏဖေႏထွူဝါႏတဝါႏတွော့ꩻ ၊သꩻမဲဉ်ဗွောင်လိတ်သွဉ်တွိုက် ၊ပေါႏပေါက်လွဉ်တဲင်၊ ဗွေႏဆရာႏတောႏန၀်ꩻ တကာႏမသီးကျောင်ꩻယိုန၀်ꩻ အီႏအွဉ်ႏထွာဗော့ꩻ လိုꩻဖြားဗေင်ႏကျောင်ꩻတာႏလွုမ်ꩻ အကျိုꩻတတန်ငါႏတ၀်း မီႏဗွောင်သော့ꩻပရိယတ္တိ လိတ်သွဉ်တွိုက်မꩻ အကျိုꩻအီႏတန်၊ အကျိုꩻအီႏအာသနဲ့ ဒေါ့ꩻဟော်ꩻဖေႏခန်း တကာႏသီး နုဲင်းန၀်ꩻသွူ။

န၀်ꩻတွော့ꩻ ဖေႏကဗွောင်နွောင်ꩻ လိတ်သွဉ်တွိုက်န၀်ꩻ ၊တွိုင်ႏပင်ႏခန်းတွမ်ႏ ဗွေႏဆရာႏတောႏ ဘဒ္ဒန္တရာဇိန္ဒသီရိ ကျောင်ꩻနောင်တောင်ꩻ၊ ဟိုပုံꩻနဝ်ꩻသွူ။ ဗွေႏဆရာႏတောႏကျောင်ꩻနောင်တောင်ꩻလဲ့ ၊ဖေႏကလꩻဗွေႏဗွန်သေႏချာႏ ၊ဗွေႏဗွန်ဒါႏန၀်ꩻ မဲ့ꩻကျိုꩻစာꩻဖေႏ အာႏမခံႏ ဝွန်ႏခံႏလွေꩻဖေႏခန်းနုဲင်းန၀်ꩻသွူ။ ဝွန်ႏခံႏထွူတွောꩻ၊ တွိုင်ႏပင်ႏဒေါ့ꩻရီတွမ်ႏ ဝေင်ꩻအောင်ဘန်ႏဗွေႏဆရာတောႏ ၊အောင်ချမ်းသာ သွဉ်လိတ်တွိုက်ကို ချလိတ်ဆရာႏတပါꩻကထွာဒါႏ ဘဒ္ဒန္တဝိစိတ္တာလင်္ကာရ နဝ်ꩻ အဆင်ႏပြေႏဒျာႏတဲင် ၊အီႏဗွောင်လွေꩻဖေႏ သာႏမဏေႏကျောႏကျောင်ꩻ သွဉ်လိတ်တွိုက်ကိစ္စယို အပ်လွေꩻခန်း၊ ဗွေႏဆရာဘဒ္ဒန္တဝိစိတ္တာလင်္ကာရ နဝ်ꩻသွူ။ နဝ်ꩻထွူတွော့ꩻ နေင်ႏ ၁၃၇၃− ဗာႏ၊ လာဝါႏဆိုႏဆန်ꩻ ၇ နီꩻ မွူးနီꩻ ကျာႏသပတေꩻနဝ်ꩻ ဘုရာꩻဝတ္တကဟံႏ တွမ်ႏကျောင်ꩻဆောင်ထီအုံႏစတဲင် သာသနိက သာႏသနာႏအနမ်းခြုံ အပွိုင်အပွုံႏဖုံႏယို အီႏအပ်လွေꩻပါ ဗွေႏဆရာဘဒ္ဒန္တဝိစိတ္တာလင်္ကာရ အတာႏစီႏရင်ႏမာꩻလွေꩻခန်းဒျာႏ ပွယ်ꩻအပ်ကျောင်ꩻတွော့ꩻ တွမ်ႏဝေင်ꩻကို ကအောဝ်ႏဒါႏ၊ ဗွေႏဆရာတောႏတန်သီး၊ ဗွေႏဆရာႏတောႏ အောင်ႏချမ်ꩻသာႏ လိတ်သွဉ်တွိုက် ဝေင်ꩻအောင်ဘန်း၊ ဗွေႏဆရာႏတောႏ ကျောင်ꩻအေးစေတီ ဝေင်ꩻတောင်ႏကီꩻ ၊ ဗွေႏဆရာႏတောႏ ကျောင်ꩻနမ်ႏဟူꩻ၊ ဝေင်ꩻနယ်ႏဟိုပုံꩻ တွမ်ႏကျောင်ꩻတကာႏတန်သီး အပ်လူႏ လွေꩻခန်းဒျာႏ ဗွေႏဆရာႏ ဘဒ္ဒတ္တဝိစိတ္တလင်္ကာရ နဝ်ꩻသွူ။

နေင်ႏ ၁၃၇၃ −ဗာႏ အကို ကဆိုႏဒါႏဝါႏနဝ်ꩻအောဝ်ႏလွေꩻအပါꩻပေါင်ꩻ ၄၂ ပါꩻ နဝ်ꩻသွူ၊ ထွိုင်ႏတွိုႏလွေꩻခန်ႏ ၁၃၈၁ ဗာႏအကိုနဝ်ꩻ ဝါႏဆိုႏသံဃာႏအောဝ်ႏလွေꩻခန်း အပါꩻပေါင်ꩻ ၁၈၀ နဝ်ꩻသွူ၊ ယိုခါနဝ်ꩻ သာႏမဏေႏကျောႏလွုမ်ꩻ တကာႏတောဝ်း၊ ပါဋိပထမပြန်ႏ ပွယ်ꩻရီလိတ်အတာႏလဲ့ꩻ အောဝ်ႏချꩻလွေꩻဖေႏပါလဲဉ်းသွူ လိတ်ဝါႏဖုံႏနဝ်ꩻသွူ။