သီႏလ၅-ပါꩻအကျိုꩻအပဲစ်
"သီႏလ၅ပါꩻ အပဲစ်အကျိုꩻ ဆုမ္မꩻသွံပေါက်"။ (၁) ပါဏာတိပါတ်- မာꩻသီသက် လွစ်တောဝ်းဖန်ငတ်ꩻရျာꩻ၊ မီႏကံကိဉ်ႏသျောင်ႏ- ဒုက္ခအောင်ႏ ဆောင်ႏဖေႏချံꩻသာႏတဲ့၊ မာꩻသီတောဝ်းလဲ့ အကျိုꩻတဲ့၊ မေတ္တာႏတောင်ႏလဲ့ တင်ꩻလှဲတဲ့၊ ထီꩻသင်ꩻနောဝ်ꩻလဲ့ ရက်နီတဲ့။ (၂) အဒိန္နာဒါနာ- ဝင်ꩻဥစ္စာႏ တခွန်ꩻဒါႏတောဝ်းတဲ့၊ မီႏတခွန်ꩻလဲ့ ဆပ်ဗာႏတဲ့၊ ငတ်ꩻရျာꩻဇာတ်လဲ့ ကင်ꩻတောဝ်းတဲ့၊ နီးခန်ထွာလဲ့ ဖြော်ဗာႏတဲ့၊ လွစ်တောဝ်းနောဝ်ꩻလဲ့ အမန်ႏတဲ့၊ ယံသျောင်ႏဝင်ꩻနော သူႏတောႏဩ။ (၃) ကာမေသုကျင်ꩻ- မီႏမာꩻယွင်ꩻ ကင်ꩻတောဝ်းထွာလဲ့ လိုꩻမူႏတဲ့၊ ငတ်ꩻရျာꩻနောဝ်ꩻလဲ့ ဇာတ်ပေါင်ꩻတဲ့။ (၄) မုသာဝါဒ- ဝစန ယံသျောင်ႏလွဝင်ꩻတဲ့၊ မီႏဒေါ့ꩻလဲဉ်ဗာႏ ငဝ်းမုသာꩻ၊ ဖြောင်းလာꩻနွုမ်ꩻသေင်တဲ့၊ တွမ်ႏဒေါ့ꩻမွုန်းလဲ့ သျောင်ႏဝင်ꩻတဲ့၊ တယူႏဇနာႏ လွီးတွိုႏဗာႏ၊ မုသာႏအပဲစ်နော။ (၅) အွꩻဒေါဝ်သူႏရာႏ- အောဝ်ႏသို့ပြာႏ၊ ဗားယောင်ႏဒါႏနော ဇာတ်ပြောင်ꩻတော၊ တခေါတောဝ်းလဲ့ ငတ်ꩻရျာꩻတဲ့။ ကီယိုနောဝ်ꩻ သင်္သရာႏအတွက်နော၊ လောကယိုခါ အပဲစ်နောဝ်ꩻ ဝင်ꩻသက်မာꩻသီ- ကိဉ်ꩻစာꩻနီနမ်း၊ နီပိုနီလီꩻ ဝင်ꩻပီꩻထိုꩻ ဝင်ꩻတွဲႏနက်၊ ဝင်ꩻနိစ္စက် ဝင်ꩻရန်ႏသူႏ၊ နီသꩻဖူꩻမဟောဝ်၊ အဆင်ႏစွိုးနောဝ်ꩻ မေတ္တာႏလဲ့ခြော၊ သွꩻဖောႏလဲ့ဆေ့ꩻ၊ ပစ္စေꩻလဲ့တချ၊ လိုꩻငလူꩻင၊ မေတ္တာႏတမျတောဝ်း၊ တခွန်ꩻဝင်ꩻထာꩻ-မေတ္တာႏသုမ်ꩻကုဲ၊ တင်ꩻလှဲငမ်းသျောင်ႏ၊ မူႏမောင်ႏလွꩻထီႏ၊ အေႏဆီႏပီဗိုန်၊ ခွန်ဘေꩻလောက၊ မုက္ချမော့ꩻဗာႏ၊ ချံꩻသာႏငထောဝ်း၊ ကာမေသုကျင်ꩻ-မာႏယွင်ꩻလွဉ်ꩻကျူႏ၊ နီအိန်ႏသူႏလဲ့ ကိဉ်ꩻစာꩻတဲ့နော၊ ခေါတောဝ်းနံႏပါတ်၊ မငက်ရန်ႏဘေꩻ၊ ယူႏတွေꩻသွော့စဲင်းင်း၊ ခါႏထဲင်းမိဉ်ꩻပုက်၊ မုသာႏလဲဉ်အံႏ-အဝင်ꩻပစ္စေꩻ၊ လွေꩻမှဲꩻလဲ့ခါ၊ လိုꩻအာလွꩻထီႏ၊ စီႏရင်ႏခွုမ်မာꩻ၊ တအောင်ႏဗာႏတောဝ်း၊ နွုမ်ꩻထောဝ်းသီးဟွေး၊ သူႏရာႏဒေါဝ်ထီ-မီႏမွန်ꩻတဲင်ခါ၊ သွꩻအာထိုꩻဆဲဉ်ႏ၊ တမဲဉ်ႏတောဝ်းတင်ꩻလှဲ၊ အိန္တရေႏကုဲသုမ်ꩻ၊ စွိုးတွုန်ဆေ့ꩻခြော၊ ရွဉ်သုမ်ꩻနော။ (အအဲဉ်ႏပဲစ်ꩻနော-ခွုင်းယိုဩ)။[၁][၂][၃]