သျင်ႏစင်ꩻရဟန်ꩻ ဟောဝ်ဆင်ႏချင်ႏဝင်ꩻတရာꩻ ဆီပါꩻ
ပဗ္ဗဇိတအဘိဏှသုတ်
- ၁။ "နမ်းတောမ်ႏ ခြွိုင်းခြိုꩻ နီမျိုꩻနီဗာႏ၊ ကုဲပြင်ꩻဗူႏဗန်ႏ ဖောက်ပြန်ႏအောဝ်ႏထွာ"၊ သျင်ႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၂။ "လွူးနမ်းသက်ရင်ꩻ လိစ်ꩻတန်ꩻပစ္စယာႏ၊ စပ်ဆွိုင်ꩻလင်ꩻဒျာႏ တကာႏအမျာꩻ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၃။ "လွေꩻသဲင်ꩻတဲးဝါး ဖုဲႏထွားဟဝ်ငါႏ၊ နမ်းဖြောင်းဣန္ဒြေႏ ယေန်ႏကေႏမꩻ ထွာ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၄။ "နမ်းကံကျင်ꩻလွ သီႏလသိက္ခာႏ၊ ကြောင်းစင်သေႏချာႏ အဝ်ႏဒါႏနေဟာ-?"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၅။ "ဗိုန်ပီကံကျင်ꩻ သွꩻချင်ꩻသဟာႏ၊ ရီလွဉ်တယောဝ်း ကြဲတောဝ်းသီႏလာꩻ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၆။ "လို့စင်ပဲင်ꩻရက် နိစ်သက်ခရာႏ၊ မွန်တောမ်ႏသီခါႏ ဖဗာႏခွုန်ꩻချာ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၇။ "ဟောဝ်-ကုဲ နီပါꩻ ကမာꩻခါꩻဗာႏ၊ ကံႏကျိုꩻမွီႏတာႏ ခံႏဗာႏခွုန်ꩻချာ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၈။ "လို့ထွူခီင်ႏကို ခွေယိုအတာႏ၊ လို့နုဲးမုဲꩻဒါႏ ခီင်ႏခါႏဖုံႏအာ"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၉။ "ယေန်ငီမ်ꩻရာꩻကို ခွေယိုလူမ်ꩻဒျာႏ၊ တဖြာꩻဖြာꩻဒျာႏ ပျောႏဒါႏနေဟာ-?"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
- ၁ဝ။ "ဆုဲꩻသုတ်ꩻခီင်ႏခါ မဲ့ငါဗန်တာႏ၊ တရာꩻမဂ်ဖိုလ်ႏ ခွေတွိုႏနေဟာ-?"၊ သျငႏ ရဟန်ꩻဗွေႏ သေႏသေႏခီင်ႏခါႏ၊ ဆင်ႏချင်ႏလွ ဓမ္မ ယိုတပါꩻ။
= တဖေင်ꩻနမ်းချာ ယံထွာမွုန်းတာႏ၊ နေးသတိဉာဏ်ႏ ဆင်ႏချင်ႏထွာထွာ၊ အကျိုꩻတရာꩻ စူမ်ꩻပါꩻအာတာႏ၊ ဆင်ႏချင်ႏလွ ဓမ္မ ယိုဆီပါꩻ။ [၁] [၂]