အလောင်ꩻသုမေဓာႏ

အလောင်ꩻသုမေႏဓာႏ အဝ်ႏ(ဘဒ္ဒကပ်)ကမ္ဘာႏယို မဉ်ႏတွက်ချာ၊ လစ်ꩻအသင်္ခေႏလွိုငါ ကမ္ဘာႏပေါင်ꩻ၊ တသိန်ႏလွိုနောင်လောင်ꩻ နဝ်ꩻတခီႏ၊ အမရ ဝတီႏ ဝေင်ꩻဌာႏန၊ အမဉ်ꩻသုမေဓ ပုဏ္ဏာꩻပို၊ ဖါတွမ်ႏမွိုးယို ခွိုꩻယံငါႏ၊ မဉ်ႏတွက်ချာဗာႏ နွုတ်ꩻဆက်တွင်ꩻ၊ ဝင်ꩻသဲ့ꩻသွမ်ꩻခွင်ꩻ တအဲဉ် ထဝ်း၊ ခွိုꩻတာႏသဲ့ꩻငဝ်း လွစ်အဝ်ႏဗာႏ၊ ယောင်ꩻရေꩻမွေးငါႏ ထွားကွို့ꩻဒွုမ်၊ အလိုပ်ꩻမာꩻခွုမ် မမာꩻဗာႏ၊ သွဉ်လွုမ်ꩻပညာႏ ပေႏတင်ႏ လွုမ်ꩻ၊ မွိုးဖါကုဲင်သွုမ်ꩻ အဝ်ႏပေႏခါ၊ အမတ်ဖြားခါ အီလွဉ်နယ်၊ ကျမ်ꩻပသီႏအယ် ကတဲမ်းခါꩻ၊ ခံꩻရွဉ်ပတ္တမျာꩻ ပုလယ်ꩻဖုံႏ၊ အဝ်ႏဗွေ သော့ꩻပြုံႏ အခန်ꩻယို၊ ဗွောင်နယ်အွဉ်ဟို “ယိုမင်ꩻသာꩻ၊ ခွုင်းယိုနဝ်ꩻရာꩻ သီမွိုးအွဉ်ႏ၊ တခွုင်းယိုစွဉ်ႏ သီဖါပဲင်ႏ၊ မွိုးဖြားဖါဖြားကဆဲင်ႏ တခွုင်းယို”၊ နွုတ်ꩻဆက်ခွိုꩻယို အဥစ္စာႏ၊ ဒေါ့ꩻနယ်ခရာႏ ထွူတဲင်ခါ၊ “မာꩻနုဲင်းမုဲင်ꩻဟာ ယိုဖုံႏနဝ်ꩻ”၊ ဒေါ့ꩻထွူယဝ်းသဝ်ꩻ တွိုႏနဝ်ꩻခါႏ၊ သုမေဓာႏလောင်ꩻလျာႏ ယူႏနုဲင်းယို - “ဖါဖြားစနဝ်ꩻ ထိုမ်ႏဥစ္စာႏ၊ ရောမ်သေꩻလဲဉ်းဒျာႏ တခြိုꩻအာ၊ ထွိုင်ႏသီလွေꩻငါ စွုမ်ႏဖြာꩻဖြာꩻ၊ တဗီႏတပျာꩻ မထူႏလွ၊ တွိုႏခွေ ယိုဟ ယံထူႏနွောင်ꩻ၊ အကျောင်ꩻအခြောင်ꩻ ထိုမ်ႏကမꩻ”၊ ခွန်စဝ်းအထျꩻ လဝ်းယုံယုံ၊ ထွဉ်ႏဒုံတွမ်ႏထုံ ဆောႏဝေင်ꩻကို၊ လိုꩻပေါင်ꩻအာ ယို ဝွေꩻဖေႏလူႏ၊ ဝွေꩻနမ်းဗုဲင်ထူႏ ရသေ့ꩻထွာ၊ အတွင်ꩻနဝ်ꩻခါ သုမေႏဓာႏ၊ အကျောင်ꩻခရာႏ နုဲင်းယိုသွူ။ ဘုရာꩻငတ်ꩻဆူႏ ကပွင်ꩻသော့ꩻ၊ ကမ္ဘာႏယိုဒေါ့ꩻ မဉ်ႏတွက်ချာ၊ တသိန်ႏကမ္ဘာ လွိုတသိန်ꩻ၊ အခေတ်အကိန်ꩻ တွင်ႏကာႏလ၊ ဝေင်ꩻအမရ ကဟဲ့ꩻဖန်၊ သꩻပျောႏဟွုန်ယံ အဝ်ႏဖိုဗာႏ၊ ဆီမျိုꩻငဝ်းဒျာႏ မယေန်ဖို၊ အအံႏအွꩻယို လွိုင်ႏမွေးငါႏ၊ ဆင်ငဝ်းသင်ႏဒျာႏ သေ ငဝ်းပါ၊ ထုံတန်’ငွီႏဗွာ တွမ်ႏရထာꩻ၊ အဝ်ႏသင်ႏနီꩻနာꩻ တသေႏနား၊ စုဲင်တဲးစုဲင်ဝါး အွꩻအံႏလွ၊ တမာနယ်က အအွꩻအံႏ၊ ဝေင်ꩻနဝ်ꩻစုံႏ လင်ႏ ဥယျာဉ်ႏယံ၊ တွမ်ႏထီနောင်တန် တရေꩻမွေး၊ ခွုင်းကလိုႏကွေး ကာႏမဂုဏ်ႏ၊ အဝ်ႏဗွေပြဲ့ꩻစုံႏ လွစ်ဒေါ့ꩻဗာႏ၊ နွုတ်ꩻပါꩻရတနာႏ သမ်းပါက၊ လိုꩻမျိုꩻစွုမ်ႏလွ အုံညီꩻဝင်ꩻ၊ သေန်ႏလူꩻဝေင်ꩻရင်ꩻ စွုမ်ႏမွေးငါႏ၊ ဘုန်ꩻကံႏသားတာႏ ခင်ႏလမ်းအုံ။ အမရဝေင်ꩻလုံ အကိုခါႏ၊ ကုဋေႏအာငါႏ ကအဝ်ႏသေꩻ၊ စွုမ်ႏနီꩻသုံꩻလွေꩻ ဥစ္စာႏဗွူ၊ ပေႏတင်ႏကျမ်ꩻသွူ ရွစ်ဖတ်ဒါႏ၊ ဝေဒမန္တ ရာႏ ဒါႏအိုမ်လꩻ၊ သိုမ်ဘုံႏရွစ်ဗꩻ ကြောင်းလို့ထံ၊ မူႏခိုကျမ်ꩻတန် လက္ခဏာႏ၊ အမဉ်ꩻအဝ်ႏဒါႏ ပုရာဏ်ကျမ်ꩻ၊ ပုဏ္ဏာꩻနမ်းရင်ꩻ အထာꩻ ဒါႏ၊ ဝေဒပညာႏ ပူႏဇောႏအီ၊ တဖဲ့ꩻဖြွဉ်ကီ ဒါႏလို့ကြောင်း၊ အမဉ်ꩻနဝ်ꩻကောင်း သုမေႏဓာႏ၊ ပုဏ္ဏာꩻတန်ဒျာႏ အဝ်ႏအုံသွူ။ ယိုနဝ်ꩻ အွိုးဟွေး သာရိပုတ္တရာႏ၊ လောင်ꩻသုမေႏဓာႏ ခွေအဝ်ႏထွာ၊ ပျသာဒ်လောင်းခြာ အဝ်ႏအုံလင်ꩻ၊ ထာꩻယေန်အတွင်ꩻ ခွေသꩻကို၊ ယူႏဖိုနုဲင်းယို တောင်ꩻခါꩻနော၊ ကွုတ်ဖျင်တောတော အုံသန္ဓေႏ၊ ဆင်ꩻရယ်ꩻအမွေႏ မာꩻထွာအီ၊ လꩻနမ်းထွူသီ ကုဲင်ခွုန်ꩻ ဗာႏ၊ နဝ်ꩻတဲ့ယပ်ꩻငါႏ ဆင်ꩻရယ်ꩻမွေး၊ သီလိန်းလွုမ်ꩻကွေး နဝ်ꩻတမျိုꩻ၊ ယပ်ꩻခုဲင်ႏငါႏရိုꩻ ဆင်ꩻရယ်ꩻမန်ႏ၊ ထာꩻဖြားမျိုꩻတံႏ ကနိက် စက်၊ နဝ်ꩻတဲ့ယူႏပက် မွေးငါႏရင်ꩻ၊ သုမေဓာႏတွင် ခွေနဝ်ꩻခါ၊ သန္ဓေႏတဲႏထွာ တွမ်ႏထာꩻဖြား၊ ဆာဗာႏနဝ်ꩻစား ပေါႏအဝ်ႏလဲ့၊ ဖြား’သီ ကင်ꩻထဲ့ ကငိမ်ꩻရျူႏ၊ ယံလꩻထိုမ်ႏထူႏ မွေးငါႏလဲဉ်း။ အသားသီသေင် အဝ်ႏဗွေဒါႏ၊ ခွေနမ်းခန္ဓာႏ အဝ်ႏဗွေတေင်၊ ထွာထာꩻနွုမ်ꩻသေင် လွစ်လိုႏလꩻ၊ စွဉ်ꩻထိုꩻထွူမꩻ မဉ်ႏလွေꩻ ဗာႏ၊ ရဟဝ်မွေးငါႏ ယူႏနုဲင်းနဝ်ꩻ၊ ဘဝသွတ်ꩻသဝ်ꩻ လွစ်ထန်ႏဒါႏ၊ အဝ်ႏသံႏသရာႏ တွင်ꩻအကို၊ အကျင်ꩻမျိုꩻယို အဝ်ႏဗာႏရင်ꩻ၊ အဲဉ် ထဝ်းမျိုꩻသင်ꩻ အဝ်ႏဗာႏဗာႏ၊ ယံလွစ်သံႏသရာႏ ကျင်ꩻစားယို၊ ထိုမ်ႏမွေးတွမ်အွို ယိုတလဲင်ႏ။ မွေးငါႏဒျာႏရင်ꩻ ဟဝ်ယူႏငါႏ၊ ဆင်ꩻရယ်ꩻအဝ်ႏဗာႏ အမန်ႏလဲ့၊ ချမ်ꩻသာႏနဝ်ꩻတဲ့ အဝ်ႏဗာႏဗာႏ၊ ဘဝအတာႏ မဉ်ႏအဝ်ႏလဲ့၊ ဘဝငိမ်ꩻငဲ့ ခမ်းနိဗ္ဗာန်ႏ၊ အဝ်ႏဗာႏအမန်ႏ တသစ်တဝ်း၊ ဥပမာႏငဝ်း ထဲင်းတမျိုꩻ၊ အလျားကရိုꩻ ပေါႏအဝ်ႏလဲ့၊ အခွꩻနဝ်ꩻတဲ့ အဝ်ႏဗာႏ ဗာႏ၊ ဖြား’ဆာ’သီဗာႏ မေႏသိုမ်မျိုꩻ၊ ပေါႏအဝ်ႏကရိုꩻ ငိမ်ꩻနွောင်ꩻဒျာႏ၊ နိဗ္ဗာန်ႏအတာႏ လိုႏထိုမ်ႏဝင်ꩻ၊ အကုသိုလ်ႏရင်ꩻ မဉ်ႏအဝ်ႏလဲ့၊ ကုသိုလ်ႏနဝ်ꩻလဲ့ အဝ်ႏဗာႏဗာႏ၊ အကွုတ်အဝ်ႏဗာႏ ပေါႏရိုꩻလဲ့၊ အကွုတ်ဖြတ်ꩻထဲ့ တရာꩻမျတ်၊ အဝ်ႏလိုႏထိုမ်ႏကျပ် ငါႏနဝ်ꩻသွူ။ ခွဉ်ႏတန်တဗော့ꩻ နမ်းတဗာႏ၊ ပါꩻခိုနဝ်ꩻဒျာႏ ထီႏသွူနောင်၊ အထျꩻအသောင် သမ်းလွေꩻတဝ်း၊ နောင်ပဲစ်အဲဉ်ထဝ်း ဝွေꩻပဲစ် ဒျာႏ၊ ခွိုင်ꩻဥပမာႏ ဗိုန်ပီရော့ꩻ၊ ကိလေႏတဗော့ꩻ ပသေအီ၊ အမတနောင်ထီ အဝ်ႏငါႏငါႏ၊ တလွေꩻတဝ်းဒျာႏ အပဲစ်နဝ်ꩻ၊ ချုပ်ဖေ့လို့ သဝ်ꩻ မျတ်နိဗ္ဗာန်ႏ၊ ပဲစ်တင်ႏဗာႏခံႏ တမွေးတဝ်း၊ ကောတလွေꩻတဝ်း သတ္တဝါႏ၊ ဝွေꩻသီးပဲစ်ဒျာႏ နဝ်ꩻတန်သွူ။ ရန်ႏသူႏဖုံႏနဝ်ꩻ အဝ်ႏဝဲင်ꩻခူ၊ ပါꩻခိုနဝ်ꩻသွူ အီႏလွင်းတာႏ၊ တဖူꩻအဝ်ႏဒျာႏ တလွင်းတဝ်း၊ အပဲစ်အဲဉ်ထဝ်း တဖူꩻယို၊ ထွာဒျာႏ ပါꩻခို အပဲစ်တွိုင်ꩻ၊ ပမာႏပုံႏခွိုင်ꩻ တဲက်နယ်ဗာႏ၊ ကရိုꩻကိလေႏသာႏ အဝ်ႏပေ့ꩻခါꩻ၊ ယံကငိမ်ꩻတာႏ အီႏထောင်စူꩻ၊ ကရိုꩻတဖူꩻ အဝ်ႏ ဒျာႏ၊ တထောင်တဝ်းဒျာႏ ပါꩻမုဲင်ꩻပဲစ်၊ မဉ်ႏဒေါ့ꩻဆဲစ်နဲစ် ပဲစ်တင်ႏစူꩻ၊ ကရိုꩻတဖူꩻ တမွေးတဝ်း၊ ကေားတထောင်တဝ်း သတ္တဝါႏ၊ ဝွေꩻ သီးပဲစ်ဒျာႏ နုဲင်းနဝ်ꩻသွူ။ ထဲင်းဖျင်တဗာႏ မဉ်ႏတွိုင်ꩻငါ၊ တဝ်မွေးဆော့ဆာ ပါꩻတဖြာꩻ၊ ကအီႏလိုမ်ꩻလာꩻ ဖေႏဆရာႏ၊ အဝ်ႏသွူငါႏငါႏ လိုမ်ꩻလာꩻ တဝ်း၊ ဆရာႏအဲဉ်ထဝ်း အပဲစ်ရင်ꩻ၊ ထွဉ်ႏတဝ်းဒျာႏဝင်ꩻ ဝွေꩻတန်ဒျာႏ၊ အပဲစ်အဝ်ႏဒျာႏ ဝွေꩻအလောင်း၊ ကိလေႏသာႏထောင်း ကဆာ အွူ၊ နိက်စက်ဝဲင်ꩻခူ တဝ်မွေးငါႏ၊ ထိုမ်ႏတဝ်းဆရာႏ အီႏလိုမ်ꩻလာꩻ၊ ဆရာꩻသမာꩻ ပဲစ်အဲဉ်ထဝ်း၊ ကေားတထွဉ်ႏတဝ်း အပဲစ်ဒျာႏ။ ပါꩻခိုတဖြာꩻ အငွဉ်ꩻလောင်း၊ ရန်ႏသူႏဖုံႏကောင်း စွိုင်အွဉ်ႏပယ်၊ နွုမ်ꩻသေင်မွေးအယ် ထာꩻသားသီ၊ စေလွတ်ꩻမွိုင်အီ ချမ်ꩻ ချမ်ꩻသာႏ၊ နမ်းတွမ်ႏနမ်းဒျာႏ ကမဉ်ထွာ၊ လွေꩻထိုꩻမွိုင်ဟာ အဝ်ႏလꩻဒျာႏ၊ ဗိုန်ပီဥပမာႏ နဝ်ꩻနေနေ၊ အသေင်မျိုꩻတေင်ဗွေ နမ်းခန္ဓာႏ၊ နေးဒွုမ်စွဉ်ꩻခွါႏ ဟဝ်လွေꩻသွူ။ ခွုင်းတဲင်မူႏခို လိုꩻပေါင်ꩻဖုံႏ၊ အွဉ်ဝင်ꩻစွဉ်ꩻပြုံႏ ခွဉ်ႏတန်ထွောင်း၊ စွဉ်ꩻထွူထိုꩻကြောင်း မထွားချာ၊ ဗိုန်ပီနဝ်ꩻဟာ ဥပမာႏ၊ အဝွေႏဗွေဒါႏ ခန္ဓာႏနမ်း၊ စွဉ်ꩻထိုꩻအွဉ်ႏခန်း အီႏလွေꩻသွူ၊ နဝ်ꩻမꩻနင်းဟွူ ဥပမာႏ၊ ဖြင်းလွဉ်ꩻမွေးငါႏ ထီယွိုင်းသော့ꩻ၊ ဖြီပေႏတဗော့ꩻ အဗွေႏဖုံႏ၊ နေးဒွုမ်စွဉ်ꩻပြုံႏ အွဉ်ႏကုဲင်သေꩻ၊ ခွိုင်ꩻတဲက်တွိုင်ꩻလွေꩻ နုဲင်းနဝ်ꩻအွို၊ ကွတ်ꩻပေါက်ꩻအအို ထီရီႏသေႏ၊ နီနမ်းကာႏယေႏ ပီ ဖြီနဝ်ꩻ၊ နေးဒွုမ်အွဉ်ႏသဝ်ꩻ လွေꩻထိုꩻနꩻ၊ စွဉ်ꩻထိုꩻအွဉ်ႏချꩻ အီႏလွေꩻသွူ။ မဉ်ႏအွဉ်ႏနယ်ထဲင်း ဥပမာႏ၊ ငိုꩻထွိုက်ဘဏ္ဍာႏ ထူႏအီပါ၊ ပါꩻတဖြာꩻခါ လွေꩻတဖူꩻ၊ တနꩻခွဲးစူꩻ တခွန်စိုန်၊ မဲ့ꩻအီႏရိမ်ဟိုမ် ငမ်းငါႏမွေး၊ ဝွေꩻယူႏကဝ်းစွေး နဝ်ꩻအတာႏ၊ တခွန်စွဉ်ꩻခွါႏ လဲ့ꩻထိုꩻညာꩻ၊ ခန္ဓာႏတရာꩻ ဗိုန်ပီစိုန်၊ ကုသိုလ်ႏရိမ်ဟိုမ် ငမ်းနဝ်ꩻမꩻ၊ ပယ်ႏ ထိုꩻအွဉ်ႏချꩻ နမ်းယိုခါ၊ အီႏလွေꩻငါငါ တခါႏခါႏ။ သာရိပုတ္တရာႏ ခွေနဝ်ꩻခါ၊ သုမေႏဓာႏအဝ်ႏထွာ နဝ်ꩻအတွင်ꩻ၊ ကရိုꩻထွူလင်ꩻ နုဲင်းဆꩻချာ၊ စဉ်ꩻစာꩻထွူခါ ခွုင်းဥစ္စာႏ၊ အရျာꩻ မကာႏ ကုဋေႏပေါင်ꩻ၊ အဲဉ်ထဝ်းလိုꩻပေါင်ꩻ စွဉ်ꩻလူႏထွူ၊ လွေꩻထေ့စွဉ်ႏသွူ ဟိ-ဝန္တာႏ၊ ဗော့ꩻတွမ်ႏနဝ်ꩻဒျာႏ ဓမ္မိက၊ ကောင်မဉ်ꩻနာႏမ နဝ်ꩻအလောင်း၊ နဲစ်လောႏမာꩻဆောင်း အုံသော့ꩻတာႏ၊ ကျောင်ꩻသꩻသေင်ႏလာႏ တဖြုံႏသွူ၊ နဝ်ꩻမꩻနင်းဟွူ ကျောင်ꩻနဝ်ꩻရာꩻ၊ အပဲစ် ငတ်ꩻပါꩻ ယံကင်ꩻခွါႏ၊ သွစ်ꩻပါꩻအင်္ဂါႏ သမဏ၊ ရဟန်ꩻသုခ ယံပြဲ့ꩻစုံႏ၊ အဘိညာဉ်ႏဖုံႏ သမာႏပတ်၊ ကျိုꩻစာꩻမာꩻကျပ် ဝိပဿ်-တာႏ။ အပဲစ်ကွတ်ꩻပါꩻ အဝ်ႏဗွို့ꩻဒါႏ၊ လိုꩻသီးအတာႏ ခွမ်ꩻလာꩻယို၊ စွဉ်ꩻခန်းကျောင်ꩻနဝ်ꩻကို နဝ်ꩻအတွင်ꩻ၊ တဆီနီပါꩻရင်ꩻ ဂုဏ်ႏ အဝ်ႏဒါႏ၊ သင်္ကန်ꩻသဝ်ႏယာႏ ရုံႏဗုဲင်ထွူ၊ သွစ်ꩻပါꩻပဲစ်သွူ ကအဝ်ႏရော်ꩻ၊ ကျောင်ꩻသꩻသေင်ႏလာႏနော်ꩻ ပယ်ႏစွဉ်ꩻခွါႏ၊ ဆီပါꩻအင်္ဂါႏ ကဗွေလꩻ၊ သေင်ႏမွူးအထျꩻ လွေꩻထေ့တော၊ ဝင်ꩻကဆို့ꩻနေးနော ဗွူတွမ်ႏဟူ၊ အဝ်ႏနဝ်ꩻထွိုင်ႏထွူ ကထွာဒါႏ၊ ဒဲဉ်ဟန်ႏဩဇာႏ ပယ်ႏလို့ထံ၊ အကျိုꩻအာတန် အဝ်ႏလွိုႏလွိုႏ၊ ထိုမ်ႏတွမ်ထူႏတွိုႏ သေင်ႏရောင်ႏရာႏ၊ သုံꩻဆောင်ႏခန်းဒျာႏ နုဲင်းနဝ်ꩻသွူ။ ကျောင်ꩻပေႏနဝ်ꩻကို ထွိုင်ႏတခါႏ၊ (သေင်ႏမွူးထျꩻဒျာႏ-ကျောင်ꩻမွေးမွေး တမွေးတဝ်းဒွုမ်)၊ အုံလင်ꩻခါႏခါႏ ကျွꩻချာငါ၊ ဣရိယာႏပုထ်ခါ နဝ်ꩻသိုမ်မျိုꩻ၊ အားထုတ်ကကျိုꩻ ဝီရိယ၊ နွုတ်ꩻနီꩻကာႏလ အတွင်ꩻခါႏ၊ တွိုႏလꩻဖျော်ဗာႏ သမာႏပတ်၊ အဘိညာဉ်ႏ မျတ် နုဲင်းနဝ်ꩻသွူ။ သုမေႏဓာႏသုခမိန်၊ တွမ်ႏနမ်းစူတဲင် ကမာꩻကျောင်ꩻ၊ တဲးတဲးအခြောင်ꩻ အဝ်ႏနုဲင်းယို၊ ဘုရာꩻအလောင်ꩻ ကတွိုႏသော့ꩻ၊ ဟိ-ဝန္တာႏရော့ꩻ ဓမ္မိက၊ သဲစ်ကထန်ႏစ ခွန်သိကျာꩻ၊ ထွဉ်ႏရီးသေꩻခါꩻ ဝိသုကျုံႏ၊ အွိုးသူꩻလိုꩻဘုံႏ သုမေဓ၊ ရေသ့ꩻဘဝ ကအီႏထွာ၊ အွိုး ခမ်းတခြာႏ ဟိ-ဝန္တာႏ၊ အုံသော့ꩻခရာႏ ကျောင်ꩻပေႏယို၊ ဖန်ဆင်ꩻမာꩻဖို ရိုꩻဗာႏလဲ့၊ ဘုံꩻကံႏယင်တဲ့ ဟော်ꩻချာဗာႏ၊ ငဝ်းထူႏဝါႏစာႏ နုဲင်း အစ။ သင်္ကျံႏအပဲစ် အဝ်ႏငတ်ꩻပါꩻ၊ ကျမ်ꩻလွဉ်ꩻငါႏထာꩻ ဟံႏတွောင်းတဝ်း၊ သေင်ႏဒေါ့ꩻသော့ꩻရဝ်း အဖဲ့ꩻကို၊ ထာꩻပုံသျုက်ဖုံႏယို အဝ်ႏဟိုပ်ꩻခါꩻ၊ အဲဉ်ႏလွဉ်ꩻငါႏထာꩻ နဝ်ꩻတစား၊ လုဲင်းလွဉ်ꩻငါႏမား နဝ်ꩻတမျိုꩻ၊ အပဲစ်ကရိုꩻ နုဲင်းယိုဒျာႏ၊ မွေးဟဝ်မဲဉ်ႏငါႏ ဟံႏမဉ်ႏ ကျမ်ꩻ၊ ကောထောင်သားရင်ꩻ ခင်ႏဖုံႏဆာ၊ ဒူႏဒီႏယော့ꩻအာ သꩻစွူတဝ်း၊ ကမ္မဋ္ဌာန်ꩻကုဲင်စဝ်း ကွပ်နဝ်ꩻမꩻ၊ ဟံႏပနဲဉ်ႏတွောင်းမꩻ တရာꩻ ထွာ၊ ဟံႏတွောင်းတဝ်းထွာ ပဲစ်တပါꩻ၊ အဝ်ႏလိုႏတောင်ꩻခါꩻ နုဲင်းနဝ်ꩻနော။ အမော့ဖဲ့ꩻယို အထာႏဝ၊ အွိုးသူꩻဖဲ့ꩻက သေင်ႏမဉ်ႏဒေါ့ꩻ၊ မဉ်ႏတဖေင်ꩻစွော့ꩻ ကောကထောင်၊ ကတူႏကတောင် ကုဲင်းဗာႏဒါႏ၊ နဝ်ꩻမꩻရိုꩻဗာႏ ယိုတမျိုꩻ၊ အပဲစ်ထွာထိုꩻ ထဲင်းတစား၊ မီꩻသွီႏထာꩻပုံ ကဟိုပ်ꩻခါꩻ၊ သင်္ကျံႏနဝ်ꩻရာꩻ လွေꩻပုဂ္ဂိုလ်ႏ၊ ထာꩻခေ့ꩻခိန်ႏတွိုႏ ရူးစ ဒါႏ၊ ကုဲင်းထင်းယမ်းဗာႏ မဲ့ꩻသီထိုꩻ၊ ဝွေꩻသီးအဲင်ႏလိုꩻ မော့ꩻဒုက္ခ၊ နဝ်ꩻမꩻတတိယ ဒေါ့ꩻထဲင်းဗာႏ၊ အပဲစ်ထွာဒါႏ နုဲင်းနဝ်ꩻသွူ။ နဝ်ꩻမꩻနင်းဟွူ အအဲဉ်ႏစား၊ ဆေ့ꩻငါႏတဲးဝါး အွဉ်ႏတသောင်ꩻ၊ တထာနောလောင်ꩻ ကောထောင်ဒါႏ၊ မဉ်ႏတခြို့ꩻဒါႏ စူခင်ႏ ထို့၊ ဆွတ်ꩻလဲ့ပꩻလို့ ကုဲင်းထွာဒါႏ၊ နဝ်ꩻမꩻရိုꩻဗာႏ ပဲစ်တမျိုꩻ၊ လုဲင်းငါႏလွဉ်ꩻရိုꩻ စင်္ကျံႏကို၊ ကောထောင်သားယို အသွုန်ႏသꩻ၊ မစွူငိမ်ꩻ လꩻ အာႏရုံႏကို၊ လုဲင်းလွဉ်ꩻငါႏယို ပဲစ်တပါꩻ၊ စုခြွဉ်းငတ်ꩻပါꩻ နုဲင်းနဝ်ꩻသွူ။ နဝ်ꩻမꩻထဲင်းဖျင် ငါတခန်ꩻ၊ သမဏရဟန်ꩻ သွစ်ꩻသုခ၊ ရီးသွတ်ꩻအစ တမျိုꩻဒျာႏ၊ ဗွူဟူ-ဥစ္စာႏ သိမ်ꩻဗာႏတဝ်း၊ အပဲစ်အဲဉ် ထဝ်း ကထိုမ်ႏသောမ်ꩻ၊ သုံꩻဗာႏနောလောင်ꩻ သွမ်ꩻငိမ်ꩻခွꩻ၊ တေက်ꩻနျꩻအံႏနွောင်ꩻ ခမ်းသားပို၊ ဝင်ꩻခြွိုင်းခြိုꩻယို ခွန်ထူႏထိုꩻ၊ ခိုးလျား နန်းစိုꩻ ကင်ꩻညာꩻခွါႏ၊ ခြွိုင်းခြိုꩻဝိဟာႏ တထဲ့ꩻတဝ်း၊ ဝင်ꩻစိုန်ခန်းယဝ်း ဘေꩻကင်ꩻအီ၊ ရော်ꩻရယ်ꩻတဝ်းနီ ခွန်အမတ်၊ လစ်ꩻဖဲ့ꩻအရပ် ရဲးဆီꩻကင်ꩻ၊ ယိုဖုံႏဗွေလင်ꩻ သွစ်ꩻအင်္ဂါႏ၊ ရဟန်ꩻသီးတာႏ လꩻသုခ။