.mm

အဝ်ႏ ဝီခီပီးဒီးယား ကို
အမိဉ်ꩻရော့ꩻသင်ꩻဒါႏ တောမ်ႏပအိုဝ်ႏဘာႏသာႏ တအဝ်ႏတဝ်းဒွိုန်းတဲင် ရောမ်ဖြုဲင်ꩻယိုကတူႏစဲဉ်ႏနဝ်ꩻ တဲမ်းသုင်ꩻအီဗာႏတောမ်ႏ ဘာႏသာႏလင် / လိတ် အလင်ဒျာႏသွူ။
.mm
ကေႏညာႏမိတ်ဆက်၁၉၇၇ ဖေဖော်ဝါရီ ၄
TLD အစွိုးအမျိုꩻခမ်းထီကိုဒ် အရန်းထိုဒိုမေင်း
အခေႏနေႏအဝ်ႏရုဲင်ꩻတသွိုးမွန်ဗန်နေက
မတ်ပုံတိဉ်သေတဝ်း
သပွန်သာသွုပ်ဆွိုက်ရေꩻတောမ်ႏ သတင်ꩻအချက်လျက် အနယ်ꩻပညာႏဝွန်ႏတန်ဌာႏန
ထူႏသုင်ꩻအင်းရေႏချက်Entities connected with  မျန်မာ
ထူႏသုင်ꩻမွေးThere are some functional sites in Myanmar under this domain although there has been relatively little Internet activity until recently, and much of that activity comes from foreign sites
မတ်ပုံတိဉ်ရဲးထွော့ချက်ဖိုင်ႏသေတဝ်း
တယ်ႏဆို့ꩻအပွိုင်ပုင်ႏRegistrations are at third level beneath second-level categories
ဝဲက်သုဲက်nic.mm

.mm နဝ်ꩻ ထွာဒျာႏ မျန်မာခမ်းထီတာႏ ခမ်းထီကိုဒ် အရန်းထို ဒိုမေင်း တဗာႏဒျာႏသွူ။[၁] ဝွေꩻယို အွဉ်ႏထွော့စလွေꩻဒျာႏ ၁၉၉၇ ဗာႏကိုသွူ။ ခလားကတွိုႏ ၁၉၈၉ ဗာႏ မျန်မာခမ်းထီတာႏ ISO 3166 alpha-2 ကိုဒ်နဝ်ꩻ ထွာဒျာႏ BU လဲ့ ခမ်းထီကိုဒ် အရန်းထိုဒီုမေင်းယို တအွဉ်ႏထွော့ခါꩻတဝ်း .bu နဝ်ꩻသွူ။ ccTLD ကို ကထူႏသုင်ꩻခါꩻဒါႏ တောမ်ႏ MM ယို ဖေႏကဗွိုန်ကဲက်ညီႏဝင်ꩻတဲင် တွိုႏ ၂၀၁၁ ဗာႏ ဇွန်လာ ၁၂ နီꩻနဝ်ꩻ ပြောင်ꩻလုဲင်ႏလွေꩻခန်း မျန်မာခမ်းထီတာႏ ISO 3166-1 ကိုဒ်န‌ဝ်ꩻသွူ။

သမဲင်ꩻခြောင်ꩻ[မွဉ်းဖျင် | မွဉ်းဖျင်အရွီးခိုႏ]

၁၉၉၇ ဗာႏအကို မျန်မာခမ်းထီတာႏ အရီးသွတ်ꩻ ကဒပ်ꩻဆင်ဖေႏစဒါႏ အိဉ်တာနဲတ်လဲင်းနဝ်ꩻ ထွာဒျာႏ မျန်မာခမ်းထီကို ကအဝ်ႏဒါႏ ဩသတေးလျကုမ္ပဏီႏ Eagle Group သွူ။ ဗိတိသျကုမ္ပဏီႏ Digiserve နဝ်ꩻ .mm တာႏ စွဲးကမ်းလွေꩻဖေႏ DNS ဝန်ဆောင်မုထာꩻမာꩻသွူ။ .mm တာႏ DNS ယို Digiserve သာဗာနီဗာႏ ကထွာဒါႏ ns1.digiserve.com တောမ်ႏ ns2.digiserve.com ခွုမ်ဖေႏဒျာႏနဝ်ꩻသွူ။ တွိုႏ ၁၉၉၉ ဗာႏနဝ်ꩻ မျန်မာခမ်းအစိုႏရ ပေ့ꩻသိမ်ꩻထိုꩻခန်းဒျာႏ Eagle Group ဝန်ဆောင်မုထာꩻမာꩻဖုံႏသွူ။ နဝ်ꩻထွူတွော့ꩻ သာဗာနဝ်ꩻနီဗာႏ နမ်းခြောင်ꩻအနေႏ ပြောင်ꩻလုဲင်ႏလွေꩻလုဲင်ႏ .com.mm, .net.mm, .edu.mm တောမ်ႏ org.mm သီး SOA authority ကထွာဒါႏ မျန်မာလိတ်တွိုက်တောမ်ႏစေးနန်းဝွန်ႏတန်ဌာႏန အမိဉ်ꩻသာဗာနီဗာႏ ကထွာဒါႏ ရန်ႏတကုန်ႏအခြေစိုက် ns0.mpt.net.mm တောမ်ႏ ns1.mpt.net.mm ယိုနီဗာႏနဝ်ꩻသွူ။

၂၀၀၂ ဗာႏ ဖေဖော်ဝါရီလာနဝ်ꩻ DigiServe အမိဉ်ꩻစနိစ်သာဗာဖုံႏယို ရုဲင်ꩻတသွိုးဒီမိုကရေသီအရေꩻသားဖုံႏ ဒိုဖောက်ထူႏလꩻထိုꩻထွူ www.gov.mm ပါတောမ်ႏ .mm ဒိုမေင်းသုဲက်အလင် တဖူꩻရဲဉ်ႏဖုံႏယို သော့ꩻလွေꩻလုဲင်ႏ ယံကအွဉ်ႏစွꩻဖေႏချာ ကျောင်ꩻသားအွဉ်ငါခေါင်းဆောင် မင်းကိုနိုင် ကရိုꩻဒါႏ ကွီကော့ꩻလိတ်ယာႏယို သော့ꩻလꩻလွေꩻစွဉ်ႏ ဝဲက်သုဲက်တဗာႏစီႏထျꩻ ညလꩻ(၃)နီꩻ နုဲင်းနဝ်ꩻသွူ။ တွိုႏ ၂၀၀၅ ဗာႏ အစဝ်းခိင်ႏနဝ်ꩻ MPT ထူႏလꩻလွေꩻချာခန်း .mm ထိန်ꩻချုတ်မုꩻဖုံႏတဲင် Digiserve အမိဉ်ꩻသာဗာဖုံႏလဲ့ ပြောင်ꩻလုဲင်ႏသော့ꩻလွေꩻတေား MPT နမ်းပဲင်ႏသာဗာဖုံႏသွူ။

မျန်မာခမ်းထီကို စီꩻပွာꩻရေꩻထာꩻမာꩻတန်ဖုံႏအနေႏ .net.mm တောမ်ႏ .com.mm ဒိုမေင်းဖုံႏယို ဒင်ႏကွီလျှောက်စွဉ်ႏ ထူႏလꩻနွောင်ꩻဒျာႏ မျန်မာတယ်လီပို့ (ကရီးခါ ပဂံႏသုဲက်ဗာတဲတ်) မွေးတဝ်းလဲ့ မျန်မာသွုပ်ဆွိုက်ရေꩻ သီးထျꩻသွူ။ အဝ်ႏကုဲင် .edu.mm, .org.mm, .gov.mm ဒိုမေင်းဖုံႏနဝ်ꩻ အွဉ်ႏထွော့ခါꩻဒျာႏ အစိုႏရသုင်ꩻအနေႏသွူ။ မျန်မာတယ်လီပို့ယိုလဲ့ အစိုႏရ ပေ့ꩻချာယင်းဒျာႏနဝ်ꩻသွူ။

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. IANA .mm whois information, accessed January 2011