ကမဉ်လꩻငါႏနဝ်ꩻအဝ်ႏငတ်ꩻမျိုꩻ

ဣဋ္ဌသုတ် (လောကကိုယို လိုꩻကမဉ်လꩻငါႏနဝ်ꩻ အဝ်ႏငတ်ꩻမျိုꩻ)

အတွင်ꩻနဝ်ꩻခါ အနာႏထပိဏ်ႏသဌေꩻ ထင်ႏထေ့ဗွေႏဘုရာꩻ၊ ဝုဲင်ႏဗွေႏဘုရာꩻထွူ ဗွေႏဘုရာꩻဟော်ꩻဖေႏတရာꩻနုဲင်းယို-

• "ကျောင်ꩻတကာႏ-

1. လောကလိုꩻခမ်းယို လိုꩻကမဉ်လꩻငါႏ၊ ကနစ်သက်ငါႏ၊ ကကျွိုက်သꩻငါႏနဝ်ꩻ အဝ်ႏငတ်ꩻမျိုꩻ-

2. အာယု ဣဋ္ဌော လောကသ္မိံ- လောကကိုယို လိုꩻမဉ်လꩻ သက်ဆွာꩻလွဉ်းလွဉ်း။
3. ဝဏ္ဏော ဣဋ္ဌော လောကသ္မိံ- လောကကိုယို လိုꩻမဉ်တရေꩻထာꩻလွဉ်းလွဉ်း။။
4. သုခံ ဣဋ္ဌံ လောကသ္မိံ- လောကကိုလို လိုꩻမဉ်လꩻ ထာꩻချမ်ꩻသာႏလွဉ်းလွဉ်း။
5. ယသော ဣဋ္ဌော လောကသ္မိံ- လောကကိုယို လိုꩻမဉ်လꩻ အချွေႏအရံႏအာလွဉ်းလွဉ်း။။
6. သဂ္ဂါ ဣဋ္ဌာ လောကသ္မိံ- လောကကိုယို မဉ်ႏသီတနီꩻခါသူꩻ မဉ်တွိုႏလူꩻခမ်းလွဉ်းလွဉ်း။ နစ်သက်၊ ကျွိုက်သꩻ၊ လိုꩻကမဉ်လꩻနဝ်ꩻ အဝ်ႏငတ်ꩻမျိုꩻနုဲင်းနောဝ်ꩻသွူ။

• ကျောင်ꩻတကာႏဟွေး-

1. လောကကိုယို မီႏမဉ်လꩻသက်ထိုနဝ်ꩻ သက်ကထိုအီဒါႏ အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဉ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။
2. လောကကိုယို မီႏမဉ်တရေꩻနောဝ်ꩻ ကတရေꩻအီဒါႏ အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဉ်တရေꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။
3. လောကကိုယို မီႏမဉ်လꩻ ထာꩻချမ်ꩻသာႏနဝ်ꩻ ကချမ်ꩻသာႏအီအကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဉ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။
4. လောကကိုယို မီႏမဉ်လꩻ အဆွေႏအရံႏအာနောဝ်ꩻ အဆွေႏအရံႏ ကအာအီအကျင်ꩻနောဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဉ်လꩻခြေင်ဗော့ꩻသꩻကိုလွုမ်ꩻနဝ်ꩻ တလꩻနွောင်ꩻတဝ်း။
5. လောကိုယို မဉ်ႏသီတနီꩻခါ မီႏမဉ်တွိုႏထင်ႏလူꩻခမ်းနဝ်ꩻ ကတွိုႏထင်ႏအီဒါႏလူꩻခမ်း အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မီႏမဉ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။

လောကကိုယို အီႏလꩻဗာႏ နဝ်ꩻငတ်ꩻမျိုꩻနဝ်ꩻ တယိုꩻတဝ်း၊ မဉ်လꩻခြေင်ဗော့ꩻသꩻကို မဉ်ႏလꩻနွောင်ꩻယိုꩻယိုꩻနုဲင်းနဝ်ꩻနဝ်ꩻ လောကကိုယို မာꩻခရာႏထမုဲင်ꩻမုဲင်ꩻ အမျိုꩻလိုႏနဲ့၊ ကျင်ꩻခရာႏထမုဲင်ꩻမုဲင်ꩻ တလိုႏတဝ်း၊ ကွပ်ပွိုးနဝ်ꩻမꩻ ကျင်ꩻဗာႏ၊ ကျင်ꩻမꩻလꩻ၊ (မာꩻဗာႏကုသိုလ်ႏမꩻ)လꩻနွောင်ꩻနောဝ်ꩻသွူ"။