နောင်တောင်ꩻ ဗုဒ္ဓကောလိပ်

နောင်တောင်ꩻဗုဒ္ဓကေားလေက် ယိုအောဝ်ႏလွေꩻဒျာႏ ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသကို ဝေင်ꩻဟိုပုံꩻဆကွဉ်ႏထင်ꩻ ထမ်းဖရာꩻပေါက် ကောင်ပူႏပေႏလောင်းနုဲင်းနဝ်ꩻသွူ။

ဗွေႏဗွန် ရာဇိန္ဒသီရိ ကျောင်ꩻနောင်တောင်ꩻအွဉ်ငါ ပါတွမ်ႏ ဟိုပုံꩻဝေင်ꩻနယ်ႏ ဆရာႏတကာႏ ဗွေႏသံဃာႏ ပုဂ္ဂိုလ်ႏတန်သီႏ တယ်ႏစလွေꩻ ၁၃၇၂ ဗာႏ ဒဲဉ်ကံလာလောင်း ၈ နီꩻ (၂၉/၁/၂၁၀ ) မွူးနီꩻ ဗုဒ္ဓဟူꩻနီꩻ ဝေင်ꩻနယ်ႏ ပအိုဝ်ႏလိတ်လုဲင်ꩻစွစ်ꩻလီတာႏ ဥက္ကဋ္ဌ ရန်ႏကင်ꩻကျောင်ꩻ ဗွေႏဆရာႏတောႏ ဘဒ္ဒန္တ ပဏ္ဍိတ မဟာႏထေရ်ႏ တွမ်ႏ ဟိုပုံꩻဝေင်ꩻနယ်ႏ သံႏဃာႏနာယက ဥက္ကဋ္ဌ တုံခမ်ꩻကျောင်ꩻဆရာႏတောႏ ဗွေႏဗွန်အာလောက သီးထျꩻ ဆန္ဒခံႏထူႏဩဝါဒ ထွူတဲင် ဖြေꩻစလွေꩻခန်းဟံႏ တယ်ႏအီကျောင်ꩻ ဗုဒ္ဓကေားလေက် အတွက်တာႏနဝ်ꩻသွူ။ ၁၃၇၆ −နေင်ႏ တင်ꩻကျွစ်လာဆန်ꩻ ၇ နီꩻ (၃၀.၉. ၂၀၁၄ မွူးနီꩻ အင်္ဂါႏ မွူးယာခိုး နားရီႏ ၁၂ အခိန်ႏတိတိနဝ်ꩻ ချꩻပန္နက်အွတ်ꩻရွီးသွူ၊ ၁၃၇၇ နေင်ႏ ဒုတိယဝါႏဆိုႏဆန်ꩻ ၂ နီꩻ (၁၈.၇.၂၀၁၅ ) မွူးနီꩻ စနေႏ မွူးရောဝ်ꩻခိုႏ (၈.၃၀) အခိန်ႏနဝ်ꩻ ဝေင်ꩻနယ်ႏ ပအိုဝ်ႏလိတ်လုဲင်ꩻစွစ်ꩻလီတာႏ ဥက္ကဋ္ဌ ရန်ႏကင်ꩻကျောင်ꩻ ဗွေႏဆရာႏတောႏ ဘဒ္ဒန္တ ပဏ္ဍိတ မဟာႏထေရ်ႏ ဟိုပုံꩻဝေင်ꩻနယ်ႏ သံဃာႏ နာယက ဥက္ကဋ္ဌ တုံခမ်ꩻကျောင်ꩻဆရာႏတောႏ ဗွေႏဗွန်အာလောက သီးတွမ်ႏ ဟိုပုံꩻဝေင်ꩻ ကျောင်ꩻနင်းပုဂ္ဂိုလ်ႏသီးဖုံႏ ကျွꩻလွဉ်ဖေႏအာႏခန်း ကျောင်ꩻတသာထင်ႏပွယ်ꩻနုဲင်းနဝ်ꩻသွူ။

ရေႏရွယ်ႏချက် တွမ်ႏ ထာꩻမာꩻ

နီပအိုဝ်ႏဒေႏသကို သာႏသနာႏဖေႏကလေထဲင်းထဲင်းယင်းထွူတဲင် ပရိယတ္တိ ကဖြေႏထွူလဲဉ်းဗွေႏရဟန်ꩻသီႏ တွမ်ႏ တထွူတောဝ်ႏဒွိုင်း ထန်ႏတရတ်ထိုꩻဒါႏ ဗွေႏသီႏဖုံႏယို ဖေႏကတွမ်ႏထွာကုဲင်မွော့ အပျင်ႏတဲင် လောကီꩻ လောကုတ် ၂ ဘာႏသာႏ ကဝါႏသနာႏဒါႏ ဗွေႏပုဂ္ဂိုလ်ႏသီး ခင်ႏလမ်ႏသွဉ်ထူႏအီ ဖေႏကထွာသွော့ꩻ ခင်ႏလမ်ႏလဲ့ဖေႏကထွာနုဲင်းနဝ်ꩻလဲ့မွေးမွေးသွူ။

နောင်တောင်ꩻဗုဒ္ဓကေားလိပ်ဖေႏကထွာနွောင်ꩻရေꩻအတာႏ လွယ်တင်း ဗွေႏဆရာႏတောႏ ဘဒ္ဒန္တနိမ္မလ၊ ဗွေႏအာလောက −ပင်လဲမ်ꩻ ( M.A ) သီးရိလင်္ကာႏ ဗွေႏပညာဓဇ− အွံအား ( M.A ) သီရိလင်္ကာႏ ) ဗွေႏသူရိယ နောင်တောင်ꩻ အွဉ်ငါထူႏတာႏဝွန်ႏဖေႏတဲင် တယ်ႏစဗွောင်လွေꩻခန်း နောင်တောင်ꩻ ဗုဒ္ဓကေားလိတ် နုဲင်းနဝ်ꩻသွူ။ ၁၃၇၇ /၂၀၁၅ ဗွောင်စနေင်ႏတွင်ꩻ ဗွေႏရဟန်ꩻ သံဃာႏသီႏအောဝ်ႏအပါꩻပေါင်ꩻ ၃၀ ပါꩻ သွူ။

ဟံႏအလူႏတကာႏ ကျောင်ꩻနောင်တောင်ꩻ ဗုဒ္ဓကောလိပ် ဟံႏယာႏအလူႏတကာႏနဝ်ꩻ ထွာဒျာႏ ဝေင်ꩻရန်ႏတကုန်းကို ကအောဝ်ႏအုံဒါႏ ပါရမီစွမ်ႏအင် ကုမ္ပဏီႏ သီး မိသားစု လူႏညီꩻဟံႏကွင်ꩻ ၄ ကွင်ꩻ ၊ ဟိုပုံꩻဝေင်ꩻကို ကအောဝ်ႏအုံဒါႏ ဖြားခွန်ကျော်အုံး +ဒေါ်နန်ႏခမ်ꩻရွဉ် သီး တလမ်းလွုမ်း လူႏညီꩻဟံႏကွက် ၂ ကွက်၊ တောင်ႏကီꩻဝေင်ꩻကို ကအောဝ်ႏအုံဒါႏ ဗိုလ်မူးခွန်မြတ် သီး မိသားစု ဟံႏကွက် ၁ ကွက် ၊ ဟိုပုံꩻဝေင် စီႏမံႏကိန်ꩻ ရွုမ်ꩻသာႏ ကထွာဒါႏ ဦခင်မောင်ဌေး +ဒေါ်နန်းခိုင်ဆင့် သီး မိသားစု ၁ ကွက် ၊ ဟိုပုံꩻ စီမံႏကိန်ꩻကို ကအောဝ်းအုံဒါႏ တပ်ကြပ်ကြီး ကိုရီစိုး မိသားစု ဟံႏတကွက် ၊ ဗိုလ်မှုးချုပ် အောင်သူဉီး = ဗိုလ်ကြီးသူဇာအေး (ငြိမ်း) သီး ဟံႏတကွက် ၊ တောင်ကြီး မင်္ဂလာဦးရပ်ကွက်နေ ဦးစံလှ+ ဒေါ်နန်းဗဲ့သီး ရွဉ် အသိန်း ၁၀ ဟိုပုံꩻမြို့ဉီးရပ်ကွက်တသာ ကိုအောဝ်ႏအုံဒါႏ ဖြားခွန်ကျော်အုန်း + မွိုးခံꩻရွဉ် ဖြားခွန်လှကျော် + နင်ႏမွိုးဟွမ် နင်ႏမွိုးနု ဖြာခွန်ထွက်ဘ + နင်ႏချစ်စိန် ဖြးခွန်မောင်သိန်း + နင်ႏမွိုးမောက် ၊ ကျောက်တန်ꩻဒုံကို ကအောဝ်ႏအုံဒါႏ ဖြားခွန်မောင်ဟိန်း ၊ ဟိုပုံဝေင်ꩻကို ကအောဝ်ႏအုံဒါႏ ကိုမောင် + မနောင်ႏငယ် သီးစုပေါင်ꩻ လူႏညီး ဟံႏကွက် ၆ ပါတွမ်ꩻ နွတ်မွူးနီꩻသာꩻသား လူႏ ညီꩻဟံႏကွက် ၃၀ သေထွꩻလွဉ်ꩻဗာနုဲင်းနဝ်ꩻသွူ။