လတ်ဗီယာခမ်းထီ

လတ်ဗီယာခမ်းထီ (အိန်းကလေတ်: Latvia, /ˈlætviə/ (listen) lat- VEE -ə, (တဝ်းတဲ့) /ˈlɑːtviə/ laht- VEE -ə) ယို တရာꩻဝင်ႏအမိဉ်ꩻအနေႏ အဝ်ႏဟဲ့ꩻဖန်ခါꩻ လတ်ဗီယာခမ်းနမ်းဗွေႏခမ်းထီ(Republic of Latvia) တဲင် အဝ်ႏဒျာႏ ဗယ်တစ်ဒေႏသ(Baltic region) ဥရောပတွိုက် အခဝ်ထင်ꩻကိုသွူ။ လတ်ဗီယာခမ်းယို ဗယ်တစ်ခမ်းထီဖုံႏအကို အဝ်ႏပါသော့ꩻ ခမ်းတခမ်းအနေႏတဲင် အဝ်ႏလွေꩻ ဖဲ့ꩻထင်ꩻဖဲ့ꩻနဝ်ꩻ အဲသတိုးနီးယားခမ်းထီ တောမ်ႏ ဖဲ့ꩻနဝ်ဖဲ့ꩻနဝ်ꩻ လိစ်တူယေးနီးယားခမ်းထီ ဖုံႏ အခါႏနဝ်ꩻသွူ။ ဖဲ့ꩻကွဉ်ႏဖဲ့ꩻနဝ်ꩻ ရသျားခမ်းထီ၊ ဖဲ့ꩻကွဉ်ႏနဝ်ဖဲ့ꩻနဝ်ꩻ ဗဲလာရုခမ်းထီ ဖုံႏ အကူအဝ်ႏရောင်ꩻလွေꩻသွူတဲင် ဖဲ့ꩻတွို့ꩻဖဲ့ꩻနဝ်ꩻ တောမ်ႏသွီဒိဉ်ခမ်းထီယို အကူအဝ်ႏခါႏတောမ်ႏ ပင်ႏလယ်ႏနဝ်ꩻသွူ။ လတ်ဗီယာခမ်းတန်ယို ခမ်းထီဟံႏနယ်ႏဧရိယာႏနဝ်ꩻ အဝ်ႏစတုရန်းမဲင်ႏ ၂၄,၉၃၈ မဲင်ႏ (၆၄,၅၈၉ စတုရန်းကီလိုမီတာ) သွူ။ လတ်ဗီယာခမ်းနဝ်ꩻ ၂၀၂၄ ဗာႏ စာႏရင်ꩻ(အရမ်ꩻ)အလꩻ ခမ်းထီကို လိုꩻဖြာꩻခြွဉ်းအဝ်ႏ (၁.၉)သန်းရပ်၊ နဝ်ꩻအကို (၆၃ %)နဝ်ꩻ ထွာဒျာႏ လတ်ဗီယာလိုꩻမျိုꩻ နဝ်ꩻသွူ။ ခမ်းထီတန် လိုꩻဖြာꩻခြွဉ်းအကို (၆၄ %) နဝ်ꩻ ကိုꩻကွယ်ႏယွုမ်းအံႏ ခရိယာန်ႏဘာႏသာႏနဝ်ꩻသွူ။ ခမ်းထီဝေင်ꩻတန်တောမ်ႏ အတန်သွတ်ꩻဝေင်ꩻနဝ်ꩻ ထွာဒျာႏ ဝေင်ꩻရီဂါ နဝ်ꩻသွူ။ လတ်ဗီယာခမ်းတန်ကို အဓိကနဝ်ꩻ ကဲဉ်းအာ ထွာဒျာႏ လတ်ဗီယာလိုꩻမျိုꩻတဲင် အဝ်ႏဒေါ့ꩻသုင်ꩻဒျာႏ လတ်ဗီယာဘာႏသာႏငဝ်းငွါ နဝ်ꩻသွူ။ ရသျားလိုꩻမျိုꩻဖုံႏတဲ့ အဝ်ႏအုံသော့ꩻ လတ်ဗီယာခမ်းကို အဝ်ႏတတွာလွေꩻ ခမ်းထီလိုꩻဖြာꩻခြွဉ်း လစ်ꩻပွန်းတပွန်းတဲင် အဝ်ႏ(၃၇ %)ရပ်၊ ဝွေꩻသီးနဝ်ꩻ အဝ်ႏဒေါ့ꩻသုင်ꩻအာ ရသျားဘာႏသာႏငဝ်းငွါ နုဲင်းအဓိကဘာႏသာႏအနေႏနဝ်ꩻသွူ။