သိစ်တောင်းခြောင်
| သိစ်တောင်းခြောင် | |
|---|---|
 | |
| အမိဉ်ꩻလင်(ဖုံႏ) | သစ်တောင်းခြောင် |
| ခမ်းထီ | မျန်မာခမ်းထီ၊ ပဂိုꩻတွိုင်ꩻဒေႏသတန် |
| အချက်လျက်ဖုံႏ | |
| ထွတ်ꩻလင်ꩻစ | ဖြဝ်ꩻကောင်ရွေꩻ ဖောင်ႏလောင်ႏခြောင်၊ ဝေင်ꩻနယ်ႏပင်လောင်ꩻ ပအိုဝ်ႏဒေႏသ၊ ဖြဝ်ꩻခမ်းနယ်ႏခဝ်တွို့ꩻနဝ် |
| ထွတ်ꩻနွို့သော့ꩻ | မုတ္တမပင်ႏလယ်ႏကွေ့၊ အန်ဒမန်ပင်ႏလယ်ႏ ၀ m (၀ ft) units? 16°57′54″N 96°59′15″E / 16.96500°N 96.98750°Eကိုဩဒိနိတ်: 16°57′54″N 96°59′15″E / 16.96500°N 96.98750°E |
| အဒွောင်ႏအဆွာꩻ | ၄၂၀ ကီလိုမီတာ (၂၆၀ မိုင်) units? |
| ထွတ်ꩻလင်ꩻမုꩻ |
|
သိစ်တောင်းခြောင် (မန်း: စစ်တောင်းမြစ်) (အဲင်းကလေတ်: Sittaung River) နဝ်ꩻ မျန်မာခမ်းထီ ခြောင်တန်ဖုံႏအကို ထွာဒျာႏ အမုဲင်(၄) အဆွာꩻသွတ်ꩻခြောင်ဒျာႏသွူ။ အဝ်ႏဒျာႏ ဖြဝ်ꩻကောင်ရွေꩻကောင်ဆောင်ႏခြာ ထွတ်လင်ꩻစလွေꩻတဲင် ကာႏလင်ꩻလွေꩻ ပဂိုꩻတွိုင်ꩻဒေႏသတန်ထွူ ထွတ်နွို့သော့ꩻလွေꩻယင်း မုတ္တမကွေ့အကို အန်ဒမန်ပင်ႏလယ်ႏ(ကပ္ပလီပင်ႏလယ်ႏ)ကိုသွူ။ ထီခြောင်အဆွာꩻနဝ်ꩻ အဝ်ႏ ၂၆၁ မဲင်ႏ (၄၂၀ ကီလိုမီတာ)ရပ်တဲင် ကာႏလင်ꩻဒျာႏ ဖင်ႏတွို့ꩻ ပဂိုꩻကောင်ရွေꩻ၊ ခြောင်ဖင်ႏကွဉ်ႏ ဖြဝ်ꩻကောင်ရွေꩻဖုံႏအခါႏ ထာꩻပြင်ႏဒေႏသနဝ်ꩻသွူ။
သွေစိဉ်ခြောင်၊ တားပျခြောင်ဖုံႏလဲ့ အဝ်ႏထွတ်နွို့သော့ꩻလွေꩻ သိစ်တောင်းခြောင်ကိုသွူ။ မော်တော်စက်ဖုံႏ အဝ်ႏထွို့ꩻဝါးလွေꩻ သွေစိဉ်-မဒေါက်-ကွန်းသေက်-တေင်သယတ် ထီတဖူꩻရဲဉ်ႏဖုံႏလဲ့ အဝ်ႏနဝ်ꩻသွူ။ ကရီးခါ ကာꩻတဖူꩻတဖြွဉ်ဒွိုန်းခိန်ႏနဝ်ꩻ မဲင်ꩻခမ်းနယ်ႏတောမ်ႏ ပဂိုꩻတွိုင်ꩻအခါႏ သွုပ်ဆွိုက်ရေꩻတာႏ ထီတဖူꩻရဲဉ်ႏနဝ်ꩻ အရေꩻတန်မွေးနဝ်ꩻသွူ။ သိစ်တောင်းခြောင် ထူꩻချာꩻချက်နဝ်ꩻ ၂၅ မဲင်ႏ (၄၀ ကီလိုမီတာ) ထီတဖူꩻယို တနေင်ႏလွုမ်း ထူႏသုင်ꩻနွောင်ꩻတဲင် အဝ်ႏကုဲင် မဲင်ႏပေါင်ꩻ ၅၅ (၉၀ ကီလိုမီတာ) ထီတဖူꩻနဝ်ꩻ တနေင်ႏအကို ထူႏသုင်ꩻနွောင်ꩻဒျာႏ ၃ လာရပ်လွုမ်ꩻသွူ။ သိစ်တောင်းခြောင်ယို ပွိုးစွဉ်ႏထီထွတ်ꩻသန်တသုဲင်ငါႏ ဟံႏအေႏဖုံႏအဝ်ႏဆေ့ꩻတဲင် ဆို့ꩻရုဲင်ရေꩻတာႏ အယံတဗာႏ တစွဲးကမ်းဖေႏနွောင်ꩻတဝ်းသွူ။ ကွဲႏတွော့ꩻ အဝ်ႏပဂိုꩻကောင်ရွေꩻလောင်း ကထန်ႏဒါႏ သေင်ႏခြုံးဖုံႏယို အွဉ်ႏတခြွဉ်ႏလင်ꩻသော့ꩻအီ သိစ်တောင်းခြောင် အဝ်ႏနေနေသွူ။