သျင်ႏကျင်ꩻတောင်ꩻအီခရာႏ

ပရိက္ခရာႏ ၈-ပါꩻ

ကိုက် ဗုဲင် ပွိုင်ႏ ပိတ်၊ နꩻ ထီစဲတ်၊ မန်ႏရဲပ် ဒါပေႏတန်။ ၁/ သင်္ကန်ꩻကိုက် ၂/ သင်္ကန်ꩻဗုဲင် ၃/ သင်္ကန်ꩻပွိုင်ႏ ၄/ တပိတ် ၅/ နꩻကြော့ꩻ ၆/ ထီစဲတ် ၇/ နားမန်ꩻသူႏခင်ႏ ၈/ ထာꩻပေႏတန်။

သင်္ကန်ꩻ ၉-ဖွူꩻ

ကိုက် ဗုဲင် ပွိုင်ႏ ခမ်း၊ မဲ့ အုံ လမ်း၊ လောင်းနမ်း ပရိက္ခရာႏ။ ၁/ သံဃာဋိ ၂/ ဥတ္တရာသင်္က ၃/ အန္တရဝါသက ၄/ ခးမ္မီႏလော့ ဗုဲင်အီတာႏ ထီꩻခင်ႏဖါႏ ၅/ မဲ့ငါဒွုတ်ꩻ ၆/ ထာꩻဒါပေႏအုံလင်ꩻအီတာႏ ၇/ ထာꩻဒါတန်ခင်ႏလမ်းဗေင်ႏ ၈/ သင်္ကန်ꩻလောင်အီနမ်း သင်္ကန်ꩻဆဲင်ꩻပတ္တီး ကွောန်တပုတ်ꩻ ၉/ သင်္ကန်ꩻစွောင်ႏ။

ဓာတ် ၉-ပါꩻ

နဲးန္ထီ သွီႏယာႏ၊ ဗဲ့ꩻကသာႏ၊ ဆုတ်ꩻခီး ဆုတ်ꩻယာႏ၊ စွိုးဩဇာႏ၊ ကုတ်ꩻပါꩻဓာတ်တဲ့နေား။ ၁/ မွိုးနဲးန္ထီ ၂/ သွီႏ ၃/ ယာႏ ၄/ ဗဲ့ꩻ ၅/ ကသာႏ ၆/ ဆုတ်ꩻ ၇/ ဆုတ်ꩻခီး ၈/ အစွိုး ၉/ ဩဇာႏ။

တသီႏ ၅-ပါꩻ

ထော့ꩻပတ်ခိုႏကင်၊ နားမန်ꩻယင်၊ တမူစင်တောင်းလျက်ꩻ။ ၁/ သပ္ပိ-ထော့ꩻပတ်ဖိုးနဲးန္ထီ ၂/ နဝနီတ-ထော့ꩻပတ်ခိုႏ ၃/ တေလံ-အဗဲ့ꩻ ၄/ မဓု-တမူထီ ၅/ဖါဏိတံ-သကျာꩻတောင်းလျက်ꩻ။

ဘောဇန် ၅-ပါꩻ

တခိုးစဝ်ႏသဲင်၊ ဟန္တောမ်ႏဒဲန်၊ ပါထဲင်းတောမ်စိန္ထ။ ၁/ ဒဲန် ၂/ ထာꩻအမ်ႏဒါႏဟမ်ႏလောင်း ၃/ ထာꩻအမ်ႏဒါႏ ထီကို ၄/ တခိုးသဲင် ၅/ တခိုးစဝ်ႏ။

ကာလိက ၄-ပါꩻ

ယာဝ ယာမ၊ သတ္တာဟ၊ ယာဝဇီဝိကာ။ ၁/ ယာဝကာလိက-အမ်ႏဒါႏဗꩻမွူးထွူႏ (ဘောဇန်ငတ်ꩻပါꩻ) ၂/ ယာမကာလိက-အမ်ႏဒါႏတနီꩻ တဲႏအာႏရုင်ႏထန်ႏဟန္နီꩻ ဗꩻအာႏရုင်ႏထန်ႏမွူးရဝ်ꩻနီꩻ(ဖျောႏထီမျိုꩻ) ၃/ သတ္တာဟကာလိက-အမ်ႏဒါႏနွုတ်ꩻနီꩻ (တသီႏငတ်ꩻပါꩻ) ၄/ ယာဝဇီဝိက-အေင်ဖက္ခော်ခဲန္တသာႏ မေ့ဖုန်ႏဖက္ဗိုႏဇာတိဖိုလ်ႏ လိညင်ꩻကားစတသီႏမျိုꩻ။

ထာꩻသားယာႏဖုံႏယို အမ်ႏဒါႏတဝ်းဘုရာꩻဟော်ꩻ

လိုꩻ ထွီႏ သေ ဆင်၊ ကေပေႏတန်၊ ချင်ႏသေ့ꩻ ထမ် ဟမ်ႏ ရူး။ ဆုတ်ꩻဖြိုꩻယာႏဆွောန်ႏ၊ အသွီႏစွောန်ႏ၊ အမ္မောန်းယာႏဆီမျိုꩻ။ ၁/ လိုꩻ ၂/ ထွီႏ ၃/ သေ ၄/ဆင် ၅/ ကေပေႏ ၆/ ကေတန် ၇/ ချင်္သေ့ꩻ ၈/ ထမ် ၉/ ဟမ်ႏ(ထာꩻသားအုံဟမ်ႏကို) ၁၀/ ရူးယာႏဖုံႏယို အမ်ႏလꩻတဝ်းလာꩻလာꩻ၊ ထာꩻသားလင်ယာႏနဝ်ꩻ ဒိဋ္ဌ'သုတ'ပရိသင်္ကိတ မီႏလွောတ်နဝ်ꩻ အမ်ႏဒါႏဒျာႏ၊ ဒိဋ္ဌယာႏ-ထီႏဝင်ꩻမာꩻသီ၊ သုတယာႏ-ဟွုန်ဝင်ꩻမာꩻသီ၊ ပရိသင်္ကိတယာႏ-သံႏသယအဝ်ႏ လွိုးရဝင်ꩻမာꩻသီနေးမို့မို့။

ပရိဘောဂသိုမ္ပာꩻ

၁/ ထေယျပရိဘောဂ-မာꩻတဝ်းထာꩻမာꩻ (သီႏလအဲန္ထဝ်း) အမ်ႏခြေင်ဝင်ꩻထာꩻ၊ ထွာအမ်ႏတခုန္နေး၊ ၂/ ဣဏပရိဘောဂ-ယူႏတဝ်းတရာꩻ (ဆင်ႏချင်ႏတဝ်းပစ္စဝေက္ခဏာႏ) အမ်ႏခြေင်ဝင်ꩻထာꩻ၊ထွာအမ်ႏစွိုးနေး၊ ၃/ သာမိပရိဘောဂ-မာꩻထာꩻမာꩻ လꩻတရာꩻထွူမꩻ အမ်ႏဝင်ꩻထာꩻ၊ ထွာအဗွေႏအမ်ႏချာအထာꩻ။

ရဟန်ꩻသီးထာꩻမာꩻကိစ္စတာႏဝုန်ႏ ၂-ပါꩻ

၁/ ဂန္ထဓူရ-သွောန်လေက်ချꩻလေက် ၂/ ဝိပဿနာဓူရ-မာꩻတရာꩻ။

အဗြဟ္မစရိယတောမ်ႏဘိက္ခုနီဒူသကအထူꩻ

ပဲတ်မာႏမေထုနထွူမꩻ ယူႏလꩻယင်းတရာꩻ မီႏမဲန်ကမ်(အာယတိံ သံဝရသꩻအီႏအဝ်ႏ)မွေးနဝ်ꩻ လိင်ႏထိုꩻ(လုတ္ထိုꩻသင်္ကန်ꩻ ထူႏလိုꩻလမ်းခေါမ်ꩻလာꩻ)ထွူမꩻ ဗုဲင်ယင်း(ထူႏယင်းသရဏဂမ်သီလ)အဝ်ႏလꩻဒျာႏနေဒွိုန်း၊ မီႏပဲတ်မာႏလဲန်း ရဟန်ꩻမူႏနဝ်ꩻ လꩻဒွုမ်။

သာႏသနာႏ(ခေတ်) ၅-ပါꩻ

လꩻ ကျိုꩻ သွောန် ပုင်ႏ၊ ဝုဲင်ႏဓာတ်ပုင်ႏ။ ၁/ ပဋိဝေဓသာႏသနာႏ-လꩻတရာꩻခေတ် ၂/ ပဋိပတ္တိသာႏသနာႏ- ကျိုꩻစာꩻကမ်ကျင်ꩻ (ဝိပဿနာဓူရ)ခေတ် ၃/ ပရိယတ္တိသာႏသနာႏ-သွောန်အနယ်ꩻ(ဂန္ထဓူရ)ခေတ် ၄/ လိင်္ဂသာႏသနာႏ-အဝ်ႏလွုမ်ꩻအဗုဲင်သင်္ကန်ꩻခေတ် ၅/ ဓာတုသာႏသနာႏ-ကိုꩻကွယ်ႏဘုရာꩻဓာတ်တောႏမွေႏတောႏခေတ်။

သေခိယနွုတ်ꩻဆီငတ်ꩻယို မီႏဖနေးအစွိုꩻ အဝ်ႏလိတ်ꩻစွိုꩻ

သာရုပ်ဆဗ္ဗီ၊ ဘောသိုမ်ဆီ၊ ဆီသူတရာꩻ၊ သိုမ်ဥစ္စာ။ ၁/ သာရုပ္ပသိက္ခာပဒ (ဖေႏကဖုဲင်ႏထွား ဗုဲင်နယ်ꩻအုံနယ်ꩻစွိုꩻ-၂၆) ၂/ ဘောဇနပဋိသံယုတ္တသိက္ခာပဒ (အမ်ႏအွꩻဖဲ့ꩻအနယ်ꩻစွိုꩻ-၃၀) ၃/ ဓမ္မဒေသနာသိက္ခာပဒ (ဟော်ꩻတရာꩻဖဲ့ꩻအနယ်ꩻစွိုꩻ-၁၆) ၄/ ဥစ္စာရသိက္ခာပဒ (စွောန်ꩻအထွူꩻဖွီဖြ့ꩻအနယ်ꩻစွိုꩻ-၃)ရိုꩻတဲင် အဝ်ႏလိတ်ꩻစွိုꩻနဝ်ꩻသွူ။

ဆရာႏလိတ်ꩻပါꩻ

၁/ ပဗ္ဗဇ္ဇာစရိယ=ဆရာႏအွောန်ႏဗုဲင်ဖေႏနီသျင်ႏ ၂/ ဥပသမ္ပဒါစရိယ=ဆရာႏအွောန်ႏဗုဲင်ဖေႏနီစင်ꩻ ၃/ ဓမ္မာစရိယ=ဆရာႏသွောန်ဖေႏနီလေက် ၄/ နိဿယာစရိယ=ဆရာႏအုံနောင်မီႏခိုႏ။

တပဲ့ꩻလိတ်ꩻပါꩻ

၁/ ပဗ္ဗဇ္ဇာန္တေဝါသိက=နီအွောန်ႏဗုဲင်ခါꩻဖေႏသျင်ႏ ၂/ ဥပသမ္ပဒန္တေဝါသိက=နီအွောန်ႏဗုဲင်ခါꩻဖေႏစင်ꩻ ၃/ ဓမ္မန္တေဝါသိက=နီသွောန်ဖေႏအလေက် ၄/ နိဿယန္တေဝါသိက=လွောန်အိုင်္ငီꩻအာႏကွိုꩻနီ။

ဥပဇ္ဈာယ(ဗွေႏဗိုန်)အင်္ဂါႏ ၅-ပါꩻ

လꩻဝါႏတဆီ၊ နီမျိုꩻဝိဘင်း၊ ကမ္မာကမ္မ၊ ပရမတ္ထ၊ ဟော်ꩻပျꩻထွာဗွေႏဗိုန်။ ၁/ အဝါႏတဆီ ၂/ ဒါႏဗာႏဘိက္ခုဝိဘင်္ဂ ၃/ ဘိက္ခုနီဝိဘင်္ဂ ၄/ သေနာႏဗာႏ ကမ္ပေႏကမ်ႏတန်= ကမ္ပေႏကရိုꩻနဝ်ꩻ အနုမောႏဒနာႏတရာꩻ၊ ဝန်ႏပရိတ်၊ အွောန်ႏဗုဲင်သျင်ႏ၊ မာꩻဒါႏနပွယ်ꩻအမျိုꩻမျိုꩻ။ ကမ်ႏတန်ကရိုꩻနဝ်ꩻ- ဖတ်ကမ္မဝါစာႏ၊ ပျုဥပေါသထ(ထင်ႏသိမ်ႏ)၊ ပျုပဝါႏရဏာႏ(ထန်ႏဝါႏ)၊ ခင်ႏကထိနစီဝရ၊ ခမ်ႏရဟန်ꩻ(ပျုဥပသမ္ပဒကမ်ႏ)၊ ကုသံဃာဒိသေသ်အာပတ် (ဆောက်တဲႏပေါင်)စတဲင် ၅/ ဟော်ꩻနယ်ဒါႏဗာႏ ရုက်နာမ်ႏခန္ဓာႏ ပရမတ္ထတရာꩻလိတ်ꩻပါꩻ (သꩻ-စေတသိက-ရူပ-နိဗ္ဗာန)။

ခမ်ႏသျင်ꩻစင်ꩻလꩻတဝ်း (အဘဗ္ဗပုဂ္ဂလ)တဆီ ၁၁-ပါꩻ

ပဏ် ထေ တိ တိ၊ နန္တရိ၊ ဘိနိဒူ ဥဘော။ ၁/ ပဏ္ဍုက=လိုꩻမွူးထီး ၂/ ထေယျသံဝါသက=သျင်ႏတုꩻစင်ꩻတုꩻ (နမ်းတောမ်ႏနမ်းထူႏဗုဲင်ချာသင်္ကန်ꩻ)၊ ၃/ တိတ္ထိပက္ကန္တက=ထူႏထိုꩻဘာႏသာႏလင် ၄/ တိရစ္ဆာန=လူꩻတနမ်သင်ဗြဟ္မာႏ နဂါꩻကလုင်ႏဖုံႏပါ ၅/ မာတုဃာတက=လိုꩻမာꩻသီမွိုး ၆/ ပိတုဃာတက=လိုꩻမာꩻသီဖါ ၇/ အရဟန္တဃာတက=မာꩻသီရဟန်ꩻ(တာႏ) ၈/ လောဟိတုပ္ပါဒက=မာꩻထန်ႏဘုရာꩻသွီႏ ၉/ သံဃဘေဒက=လိုꩻမာꩻပꩻသံႏဃာႏဖုံႏ ၁၀/ ဘိက္ခုနီဒူသက=လိုꩻယားရဟန်ꩻမူႏ ၁၁/ ဉဘတောဗျဉ္ဇနက=လိုꩻမူႏခိုအင်္ဂါႏ နီမျိုꩻအဝ်ႏသား။

သေခိယသိက္ခာပဒ ခွုင်းယိုခွုင်းနဝ်ꩻ ဒပ္ပါတဝ်းဂဏန်ꩻခရာႏ

ခန္ဓကဝတ္တဖုံႏလဲ့ ပါသော့ꩻသေခိယကိုနဝ်ꩻမꩻ ဒပ္ပါတဝ်းဂဏန်ꩻ။

ပညာႏသျင်ႏကရိုꩻနဝ်ꩻ

အတ္တာနမေဝ ပဌမံ၊ ပဋိရူပေ နိဝေသယေ။ အထည မနုသာသေယျ၊ န ကိလိဿေယျ ပဏ္ဍိတော။ ပဏ္ဍိတော-ပဏ္ဍိတ်သီးယို၊ အတ္တာနံ-နမ်းယို၊ နိဝေသယေ-သွင်ꩻသော့ꩻ၊ ပဌမံ-ရီးဗာႏ၊ ပဋိရူပေ-ဂုဏ်ႏသင်ꩻရာꩻကို၊ အထ-ထွူမꩻ၊ အနုသာသေယျ-ကွဲးဒေါ့ꩻသွောန်၊ အညံ-လိုꩻလင်၊ နကိလိဿေယျ-နးမ္မီႏတဲ့ မာꩻတဒါႏတဝ်း အဝ်ႏဒေါ့ꩻစွောန်ႏပါꩻ ကရိုꩻဒါႏ လꩻထဲးင်္ဒျာႏဝင်ꩻငဝ်းသဲ့ꩻသောမ်ꩻတဲင် တောမ္မာႏခိုးလျားမွုးန္နမ်း။ (ဓမ္မပဒ၊ အတ္တဝဂ်၊ ဥပနန္ဒဝတ္ထု)။

အာႏရꩻခရာႏ သာႏမဏေႏမျတ်ဖုံႏ

၁/ သျင်ႏရာဟုလာႏ (ဘုရာꩻပို) ကွီအမွီႏဘုရာꩻထျꩻ၊ ဘုရာꩻဖေႏလောကုတ္တရာႏအမွီႏ၊ ၂/ သျင်ႏရေဝတ (သာရိပုတြာႏဖူး အပေႏသုတ်ꩻ၊ ငမ်းမွိုးဖါဟဲ့ꩻချာ လွေꩻအုံတနွိုင်တစေꩻ ၃/ သျင်ႏပဏ္ဍိတ (သာရိပုတြာႏတပဲ့ꩻ တုင်ꩻသောမ်ꩻခိင်ႏ ရီစောက်စဲက်ထာꩻထွူ သဲင်ꩻမာꩻတရာꩻ ဘုရာꩻပွေါးဖေႏကဲက် ၄/ သျင်ႏဒဗ္ဗ (အနုရုဒ္ဓါႏဖူး၊ အွောန္နဲဖေႏ အာဂန္တုခင်ႏလမ်း) သာႏသမဏေႏဖုံႏယို အသက်နွုတ်ꩻနေင်ႏ ထွာရဟန္တာႏဖုံႏသွူ။

အကပ်အင်္ဂါႏငတ်ꩻပါꩻ

၁/ အီထေ့တွိုႏယို ၂/ ကိုနီသောင်ꩻထာꩻ ၃/ စွဲးငါပေါ်စား ၄/ သိုမ်ပါꩻကပ်နယ် ၅/ နီတွဲꩻရပ်မ်ႏ ထွာရဟန်ꩻ ဝင်ꩻမီႏကပ္မꩻ သုင်ꩻဗာႏနေား။ ရဟန်ꩻအုံတသောင်ꩻ တကာႏအုံတသောင်ꩻအခါႏကို အကပ်ဥပစာႏ အဝ်ႏဗာႏတထာ၊ အာႏမန်ႏတန်သား စွဲးငါပေါစားကရိုꩻနဝ်ꩻ စွဲးမီႏတပေါတဝ်းနဝ်ꩻ အကပ္မျောက်တဝ်း၊ စွဲးကပေါစားနဝ်ꩻ တကာႏနီဖြာꩻသိုမ္ဖြာꩻ စွဲးကပ်ငီꩻဝင်ꩻလꩻဒျာႏ၊ သိုမ္ပါꩻကပ်နယ်ꩻကရိုꩻနဝ်ꩻ ၁/ ကပ်တွိုႏစူကိုလꩻ ၂/ ရဟန်ꩻခွုမ်ခါꩻခုင်ႏ တကာႏအွောန်ႏဒင်ႏခုင်ႏလောင်းလꩻ၊ ဒွူႏတောမ်ႏတပိတ် အွောန်ႏသော့ꩻတပိတ်ကိုလꩻ၊ ၃/ ဟတ္ထပါသကို ပဲက်ꩻနေးဝေါင်းနေး အွောန်ႏလင်ꩻသော့ꩻနေးစူကိုလꩻ၊ နီတွယ်ꩻရပ်ခမ်ႏကရိုꩻနဝ်ꩻ ၁/ ရပ်ခမ်ႏတောမ်ႏနီစူလꩻ ၂/ ရပ်ခမ်ႏတောမ်ႏနီသင်္ကန်ꩻ နီတပိတ် နီခုင်ႏလꩻဒျာႏနဝ်ꩻသွူ။ တောင်္ခါꩻ- ကပ်ထွူ ခွေါင်းစမ်ႏချာလꩻ၊ ထူႏချာလꩻဒျာႏ၊ အွောန်ႏခြုဲင်းချာငါလꩻ၊ လွောတ်ငါအသော့ꩻထဲင်္ငါလꩻဒျာႏ၊ ကပ်ထွူမွူးရဝ်ꩻခိုႏ မွူးယာသုင်ꩻယင်းလꩻ၊ ကပ်ထဲင်းခရာႏတလိုႏတဝ်း၊ မီႏကပ်ထွူလဲန်းနဝ်ꩻ သျင်ႏပေႏလွောန်အမ်ႏငီꩻခန်းတဲ့ လꩻဒျာႏ၊ ကွဲႏတွော့ꩻ သျင်ႏမီႏအီလွောန်ဒျာႏအဒဲန်ဟန်ႏနဝ်ꩻတဲး လꩻတဝ်း၊ မီႏလွေꩻထူႏလွောန်ယင်းအွိုးယိုအွိုးနဝ်ꩻနဝ်ꩻတဲ့ လꩻတဝ်း။

အကပ်ကုဲင်အင်္ဂါႏသူပါꩻ

ဖေႏ ရိမ် ချꩻ စွောန်ꩻ၊ ပြောင်ꩻလိင်ႏ သီထိုꩻ၊ သူပါꩻမျိုꩻ၊ အကပ်ကုဲင်ထိုꩻနေား။ ၁/စွောန္ထိုꩻ ၂/ ချꩻထိုꩻသိက္ခာႏ ၃/ ဖေႏထိုꩻပါꩻ ၄/ ပါꩻရိမ်ထိုꩻ ၅/ လွောန္ထိုꩻ ၆/ ဣတ္ထိပုရိသလိင်ႏပြောင်ꩻထိုꩻ။

မာꩻဥပသမ္ပဒကမ်ႏအင်္ဂါႏငတ်ꩻပါꩻ

ဝတ် ဉတ် သိမ်ႏ ကမ်ႏ၊ ပရိသံ၊ ခမ်ႏစင်ꩻအင်္ဂါႏ(ငတ်ꩻ)။ ၁/ ရဟန်ꩻလောင်ꩻအဝ်ႏဗာႏ ၂/ ရဟန်ꩻဖုံႏတဲ့သေဗာႏ ၃/ သိမ်ႏအဝ်ႏဗာႏ ၄/ ကမ္မဝါႏစာႏအဝ်ႏဗာႏ ၅/ ရဟန်ꩻပရိသတ်ငတ်ꩻပါꩻမာꩻကီ အဝ်ႏဗာႏ။

လင်းသိက္ခာႏအင်္ဂါႏသူပါꩻ

သꩻ ခေတ် ကာႏလ ပယောဂတောမ်ႏ၊ ပုဂ္ဂလ ဝိဇာ၊ ယိုသူပါꩻ၊ အလင်းအင်္ဂါႏနေား။ ၁/ သꩻမဲန်လင်းအဝ်ႏဗာႏ ၂/ ဒေါ့ꩻဗာႏငဝ်းဝင်္ကသေနာႏစား ၃/ "လင်းလဲန်း+အီႏလင်း"နုဲင်းနဝ်ꩻဒေါ့ꩻလꩻတဝ်းလင်းသွူ၊ ဒေါ့ꩻဗာႏပစ္စုပ္ပန်ႏ ငဝ်းယိုခါခဲ့ꩻ ၄/ နမ်းပါ ဖြောင်းပါဒေါ့ꩻဗာႏ ၅/ လင်းထေ့ဗာႏရဟန်ꩻသွီႏဟဝ်သားထျꩻ ၆/ ရဟန်ꩻနဝ်ꩻတဲ့ သေဗာႏ။ ဒင်ႏသိက္ခာႏပဉ္စ၊ အလင်းနဝ်ꩻသူအင်္ဂါႏ၊ ရဟန်ꩻလင်းထွူသိက္ခာႏ ထွာသျင်ႏ၊ သျင်ႏလင်းထွူသိက္ခာႏ ထွာလိုꩻလမ်း၊ သျင်ႏကွောန်ကꩻခေါမ်ꩻလာꩻ သိက္ခာႏအဲန်ထဝ်းဒုမ်။

မိစ္ဆာဒိဋ္ဌိကော ဟောတိကို "မိစ္ဆာဒိဋ္ဌိ"အလꩻ

ထူႏဗာႏ ၁/ အဟေတုကဒိဋ္ဌိ ၂/ အကြိယဒိဋ္ဌိ ၃/ နတ္ထိကဒိဋ္ဌိ အကျောင်ꩻ။ ဗုဒ္ဓဘာႏသာႏယို ကုသိုလ်ႏ အကုသိုလ်ႏအဝ်ႏ၊ မီႏရိုꩻအဲန်ထဝ်းနဝ်ꩻ ထွာလဲန်းမိစ္ဆာဒိဋ္ဌိ၊ သတ္တလောကသားယို ထွာသဝိညာဏက၊ သင်္ခါရလောကသားယို ထွာအသဝိညာဏက၊ မီႏရိုꩻ "မဲန်မာꩻထာꩻမုဲင်ꩻမာꩻ တထွာတဝ်းကုသိုလ်ႏ အကုသိုလ်ႏ၊ ထွားဗော့ꩻသေင်ႏဝါႏကောင်ဆောင်ႏ ကပြင်ꩻလူးလို့ဝင်ꩻနဝ်ꩻ" ထွာလဲန်းအကြိယမိစ္ဆာဒိဋ္ဌိ၊ မီႏရိုꩻ"ကုသိုလ်ႏ အကုသိုလ်ႏအဲန်ထဝ်း"နဝ်ꩻ ထွာလဲန်းနတ္ထိကမိစ္ဆာဒိဋ္ဌိ၊ တောမ်ႏကရိုꩻ အကုသိုလ်ႏသားခင်ႏလမ်း ဒုဂ္ဂတိအပါယဘူမိအဲန္ထဝ်း၊ ကုသိုလ်ႏသားခင်ႏလမ်း သုဂတိလူꩻနိဗ္ဗာန်ႏ အဲန္ထဝ်းနဝ်ꩻ ပီပီဝင်ꩻ။ နတ္ထိကမိစ္ဆာဒိဋ္ဌိသားသူꩻ ပိဋကတ်လေက်ကျမ်ꩻဂန်ႏ ဓမ္မက္ခန္ဓာႏဖုံႏ အဲန္ထဝ်း၊ မီႏထွားတောမ်ႏတရာꩻမဲ့နဝ်ꩻ ခေ့ꩻကရိတ်ꩻ ယေန်ကတိတ်ꩻ သူႏညော်တန်။ မီႏနုဲင်းအာစရိယဝါဒးနဝ်ꩻ မိစ္ဆာဒိဋ္ဌိအလꩻ မဲန်အွောန်ႏထူႏဒျာႏ သဿတဒိဋ္ဌိတောမ်ႏ ဥစ္ဆေဒဒိဋ္ဌိ၊ ရွောန်ခမ်ꩻဥစ္စာႏအာသားသူꩻ သဿတဒိဋ္ဌိအာ၊ ကုမ္မျူနိတ်ဝါဒသားသူꩻ ဥစ္ဆေဒဒိဋ္ဌိအာ။ သဿတဒိဋ္ဌိကရိုꩻနဝ်ꩻ သတ္တဝါႏအဝ်ႏ ယဝ်ꩻအဝ်ႏ ဝွေꩻနဝ်ꩻ အသီဒါႏတဝ်း၊ ရုက်ခြိုင်အဗာႏယိုမီႏကုဲင် ပြောင်ꩻလွေꩻယင်း ရုက်ခြိုင်အဗာႏလင်၊ အတ္တတဲ့ဟဲ့ꩻ၊ သတွတဲ့ဟဲ့ꩻ၊ ဝိညာဏ်တဲ့ဟဲ့ꩻ၊ ရုက်ခြိုင်ယို ဗိုန္နုဲင်းလမ်း၊ မဲ့နားနေ့ꩻဖူဖြောင်းနမ်းဖုံႏနဝ်ꩻ ဗိုန္နုဲင်း တခါꩻပေါက်၊ ဝါဒနဝ်ꩻ သဿတိဒိဋ္ဌိဝါဒသွူ။ ဥစ္ဆေဒဒိဋ္ဌိကရိုꩻနဝ်ꩻ သတ္တဝါႏယို ဗိုန္နုဲင်းသေင်ႏမွူး၊ အမီႏသီထိုꩻထွူ ထွူထိုꩻခန်းဒျာႏ၊ တကွုတ်ငါထဲင်းတဝ်း၊ မာꩻထာꩻဟဝ်တဲ့ စိုးယိုလုမ်ꩻ၊ မာꩻထာꩻကုဲင်တဲ့ စိုးယိုလုမ်ꩻ၊ သီထွူကွုတ်ငါထဲင်းတဝ်းဝါဒနဝ်ꩻ ဟဲ့ꩻဥစ္ဆေဒဒိဋ္ဌိဝါဒသွူ။ ဝါဒယိုနီမျိုꩻသားနဝ်ꩻ ဟဝ်ငမ်းတန်၊ ပွိုးမုဲင်ꩻနဲးတဲင် ပွိုးကုသိုလ်ႏအကုသိုလ်ႏအဲန္ထဝ်း၊ ကုသိုလ်ႏအကုသိုလ်ႏအကျိုꩻ အီႏလွေꩻခမ္ဗာႏစိုးငါကရိုꩻနဝ်ꩻ တအဲန္ထဝ်း၊ မဲန်မာꩻတမုဲင်ꩻမာꩻလꩻလို့နဝ်ꩻမꩻ ဟဝ်ငမ်းတန်၊ အာစရိယဝါဒအလꩻ မဲန်အွောန္ထူႏဒျာႏ သဿတတောမ်ႏ ဥစ္ဆေဒ ဒိဋ္ဌိနီမျိုꩻနဝ်ꩻ။