IOS

iOS (တဝ်းတဲ့) IOS (ကရီးခါဟဲ့ꩻ iPhone OS) အုဲင်အိုအဲတ် နဝ်ꩻ ထွာဒျာႏ တပန်ႏအီမိုဗုဲင်းစက်စနိစ် တမျိုꩻတဲင် အဲတ်ပဲ(Apple) တခြိုꩻတာႏ Apple Inc.ကုမ္ပဏီႏ ကထေခေါ်(သီးသန့်)ခါꩻဖေႏဒါႏ စနိစ်တမျိုꩻဒျာႏသွူ။ ပထမစွုပ် အုဲင်ဖိုန်းတာႏ iOS စက်စနိစ်နဝ်ꩻ ထေနယ်လွေꩻ ၂၀၀၇ ဗာႏ ဇန်နဝါရီလာကိုထွူ တွိုႏ ၂၀၀၇ ဗာႏ ဇွန်လာကိုနဝ်ꩻ ထေဖြေ့ꩻလီထူႏသုင်ꩻလွေꩻစွဉ်ႏနဝ်ꩻသွူ။ အဓိက iOS ဗားသိဉ်းဖုံႏနဝ်ꩻတဲ့ အဝ်ႏထေနယ်လွေꩻဖေႏ စွုမ်ႏနေင်ႏနေင်ႏ၊ ယိုခါကျာꩻ ဗားသိဉ်းအစွူနဝ်ꩻတဲ့ ထွာဒျာႏ iOS 18တဲင် ဗားသိဉ်း ၁၈ ယိုနဝ်ꩻ ထေခါꩻ ၂၀၂၄ ဗာႏ သဲပ်တဲမ်ဗာ ၁၆ နီꩻ နဝ်ꩻသွူ။ အုဲင်ဖိုန်း၊ iPod Touch၊ iPad၊ iOS ယို ကရီးခါမူလနဝ်ꩻ အဝ်ႏဟဲ့ꩻဖန်ခါꩻ iPhone OS နုဲင်းနဝ်ꩻလဲ့ တွိုႏ ၂၀၁၀ နဝ်ꩻ သော့ဝွဲးအပ်ပလီကေးသဉ်းအသွုပ်ဖုံႏတာႏ ဖေႏကထွာအီ တင်ႏသျာꩻထင်ႏထိုတာႏ ရေႏမိုးနုဲင်းနဝ်ꩻတဲင် ခြုဲင်းပြောင်ꩻထိုꩻ အမိဉ်ꩻနဝ်ꩻသွူ။