ဖောင်ႏတောႏဦꩻ ဖရာꩻ (နောင်အင်းလေး)

ဖရာꩻဖောင်ႏတောႏဦꩻ
မျန်မာခမ်းထီ အွောန်ႏနယ် အဝ်ႏဒါႏခင်ႏလမ်း ဟံႏပုင်ႏ
အချက်အလျက်ဖိုင်ႏ
ကိုဩဒိနိတ်	20°28′28″N 96°53′25″E
ဘာႏသာႏရေꩻ ဆွိုက်စပ်မုꩻ	ဗုဒ္ဓဘာႏသာႏ
ခမ်းနယ်ႏ	ဖြဝ်ꩻခမ်းနယ်ႏ
ခမ်းထီ	မျန်မာခမ်းထီ
ဗိသုကာ
ထွူဖြီꩻစီꩻ	(သေတဝ်း)

နောင်ရွီႏကိုကအဝ်ႏဒါႏ ဖရာꩻဖောင်ႏတောႏဦꩻ အိဉ်းလေး(အင်းလေး)နဝ်ꩻ ထွာသွူ ကိုꩻကွဲႏယွုမ်းအံႏ ဘာႏသာႏရေꩻတာႏ ခင်ႏလမ်းတကာႏတဝ်း ထွို့ꩻငင်ႏဆွဲဆောင်နွောင်ꩻဒါႏ မျန်မာခမ်းကို လွေꩻတဖူꩻလယ်ႏထာꩻသား တောမ်ႏ ခမ်းလင် လယ်ႏတဖူꩻသားဖုံႏ ခင်ႏလမ်းတထွောင်းဒျာႏသွူ။

ဖရာꩻဖောင်ႏတောႏဦꩻ ကအဝ်ႏဒါႏကျောင်ꩻဆောင်

သမဲင်ꩻ

ဖောင်ႏတောႏဦꩻဖရာꩻသမဲင်ꩻနဝ်ꩻ အကွဲꩻထိုꩻဝင်ꩻနီစွိုးသွူ၊ ပထမ နဝ်ꩻ တယ်ႏစလွေꩻဒျာႏ သက္ကရစ်နေင်ႏ (၇၂၁) ကို ညောင်ရွှေ ဝေင်ꩻကတယ်ႏထောင်ႏဒါႏ စော်ဘွားကြီး ဆီဆိုင်ဖ စူကို အရိုꩻပေႏနဝ်ꩻသွူ၊

ကလို့ထိုꩻလွေꩻလဲဉ်း ဒါႏ နေင်ႏပေါင်ꩻ (၆၄၄) ကာꩻလ ယိုခါ (သန်းထောင် )ဖရာꩻဟံꩻကွင်ꩻကိုနဝ်ꩻထွာဒျာႏ ထာꩻအီႏ အောဝ်ႏဗွေဗိတ်ထံနေႏစွဉ်ႏဒျာႏနဝ်ꩻသွူ၊ ကွပ်ပွိုးစွဉ်ႏ ထာꩻအီႏ အောဝ်ႏပလို့သေꩻခါꩻတဲင် ဖရာꩻစေႏတီႏ ပရဝဏ်ႏကို ကအောဝ်ႏဒါႏ ထံးပေႏတဖြုံႏနဝ်ꩻလဲꩻ ထိုꩻမားခန်းဒျာႏနဝ်ꩻသွူ၊ တွိုႏတလဲင်ႏတွော့ꩻ အောဝ်ႏထမ်းအိုကို တဲင်ဗွေႏဖရာꩻ ဓေတ်တောႏ လေတဆောဝ်လွဉ်တဲင်၊ ကထွာဒါႏရပ်သာႏဖုံႏနဝ်ꩻလွေꩻအွဉ်ႏဟွိုန် ခွန်တန်စော်ဘွာႏ ဆီဆိုင်ဖနဝ်သွူ၊ ခွန်တန်ကထွိုင်ႏဟွိုန်ထွꩻသတင်ꩻနဝ်ꩻတဲင် တွမ်ႏ အလိုꩻတပဲ့ꩻ တပန်ꩻဖုံႏတွော့ꩻ၊ လွေꩻဖျိုးကြောင်းစင်ထိုꩻခန်း ထပ်းနဝ်ꩻသွူ၊ အောဝ်ႏနဝ်ꩻတွော့ꩻ ကထွိုင်ႏမွဉ်းဖျင် ဖျွစ်ဖျိုးကြောင်းစင် ထပ်အချိန်ႏတွင်ꩻနဝ်ꩻ မွော့ꩻပါခန်းဒျာႏ ဖရာꩻရုပ်ထုတောႏနဝ်ꩻငတ် ဆူႏနုဲင်းနဝ်ꩻသွူ၊

ဗွေႏရဟန္တာႏရုပ်ထုတောႏ

ဖရာꩻရုပ်ထုတော်ႏ ငတ်ဆူႏအကို ၂ ဆူႏနဝ်ꩻထွာဒျာႏ ဗွေႏရဟန္တာႏရုတ်ထုတောႏနဲင်ႏနဝ်ꩻသွူ၊ ဖꩻရာꩻရုတ်ထုတော် ၅ ဆူႏနဝ်ꩻ ဖန်ခန်းဒျာႏ ဖောင်ႏတောႏဦꩻ ဖရာꩻရုတ်ထုတောႏနဲင်ႏနဝ်ꩻသွူ။

ကဟဲ့ဖန်ဗာႏ ဖောင်ႏတောႏဦꩻ ဖရာꩻ အကျောင်ꩻ အခါႏရာႏ

တယ်ႏစလွေꩻ သက္ကရာစ်နေင်ႏ (၄၀၄) နေင်ꩻကို ပဂံႏ ခွန်တန်ကထွာဒါႏ (နရပတိ )ခွန်တန်ယို ကျွꩻလွဉ်လယ်ႏ ဒေသစာႏရီႏအချိန်ႏတဲင် အလောင်းစည်သူမင်း ယို သာႏသနာႏဖေႏကလေ ထွန်ꩻကာꩻရိုꩻပေႏနဝ်ꩻတဲင် ဇမ္ဗုဒိပ်ကျွန်ꩻအစွစ် တွမ်ႏ ဖြီꩻဖောင်ႏတဲင် ကျွꩻလယ်ႏခန်းနဝ်ꩻသွူ၊ ခွန်တန်ကလယ်ႏထာꩻအခိန်ႏတွင်ꩻကို တွိုႏရာꩻအရပ်နဝ်ꩻ ရပ်သားမွိုးဖါ သီး ဖေႏနေႏ ကကီႏညိုႏဗာႏတဲင် တယ်ႏလူႏဆို့ပါခန်ႏစေႏတီႏတောႏကောင်ႏမူꩻနဲင်ႏနဝ်ꩻသွူ၊ ကထွိုင်ႏတွိုးလွေꩻခန်း သီႏဟိုလ်ႏဝေင်ꩻတန်ကိုတဲင် သီႏဟိုလ်ခွန်တန်သီး တယ်ႏလူႏဖေႏခန်း တွမ်း သစ်ကနက် ( ပအိုဝ်ႏဟဲ့ သိန်ႏမုဲင်သေတောဝ်ႏ) ဖြီꩻဖောင်ႏတန် အောဝ်ႏသီႏဟိုလ် ကထွိုင်ႏကျွꩻသဲင်ꩻလွဉ်ချာနဝ်ꩻ တွိုႏလွေꩻခန်ႏ မလယ အရိုꩻဒါႏ ကျွစ်ꩻတန်ကိုတွော့ꩻ အိန္ဒိယခမ်း ဆꩻတွို့ဖဲ့ꩻ ကိုနဝ်ꩻ အလွီးဟေဝ်ငါႏ ကရမက် သီးမျိုꩻယို လွိုင်ႏကွိန်ꩻငါႏနဝ်ꩻသွူ၊ ခွန်တန်ကလꩻလွဉ်ဒါႏ သဲင်ႏမျိုꩻလွီးဟွံယို တယ်ႏလူႏလွေꩻခန်း ဖꩻရာꩻ ၅ ဆူႏ ထွူတဲင်၊ ကျွꩻသဲင်ꩻချာခန်းဒျာႏ ( နေပြည်တော်) နဲင်ႏနဝ်ꩻသွူ ၊ အောဝ်ႏနဝ်ꩻတွော့ စောဘွားခွန်တန် ဆီဆိုင်ဖနဝ်ꩻ ပင်ꩻသဲင်ꩻပူႏဇော်ႏခန်းဒျာႏဖရာꩻနဝ်ꩻတဲင် ဖန်ꩻတငါထိုꩻခန်းဒျာႏ ဖရာꩻဖောင်းတော်ႏဦꩻနုဲင်းနဝ်ꩻတဲင် ယိုခါအေဝ်ႏဟဲ့ꩻဖန်စူꩻခန်းဒျာႏ ဗွေႏမြတ်ဖရာꩻဖောင်ႏတောႏဦꩻ နုဲင်းနဝ်သွူ။