ဝေင်ꩻတပ်ကုန်း
| ဝေင်ꩻတပ်ကုန်း တပ်ကုန်းမြို့ | |
|---|---|
  ဝေင်ꩻတပ်ကုန်း | |
| ကိုဩဒိနိတ်: 20°7′N 96°13′E / 20.117°N 96.217°E | |
| ခမ်းထီ |  မျန်မာခမ်းထီ |
| ဟံႏနယ်ႏ |  နေပီဒေါ်ခမ်းခြွဉ်းဗူႏဟံႏနယ်ႏ |
| ခရဲင်ႏ | ဥတ္တရခရဲင်ႏ |
| ဝေင်ꩻနယ်ႏ | ဝေင်ꩻနယ်ႏတပ်ကုန်း |
| ထိုထဲင်းပင်ႏလယ်ႏ ထီခိုႏဆꩻကီ[၁] | ၁၅၄ မီတာ (၅၀၅ ပေ) |
| လိုꩻဖြာꩻခြွဉ်း | |
| • ခမ်းရင်ꩻသားလိုꩻမျိုꩻ | မန်း၊ |
| • ကိုႏကွဲႏ | ဗုဒ္ဓဘာႏသာႏ၊ |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+၆:၃၀) |
ဝေင်ꩻတပ်ကုန်း (မန်း: တပ်ကုန်းမြို့) နဝ်ꩻ အဝ်ႏဒျာႏ မျန်မာခမ်းထီအခဝ်ထာႏဝ နေပီဒေါ်ခမ်းခြွဉ်းဗူႏဟံႏနယ်ႏ ဥတ္တရခရဲင်ႏကို ကပါသော့ꩻဒါႏ ဝေင်ꩻနယ်ႏတပ်ကုန်း ဝေင်ꩻနယ်ႏအိုပ်ချုတ်ရေꩻရွုမ်ꩻဖုံႏ ကအဝ်ႏသော့ꩻဒါႏ ဝေင်ꩻတဝေင်ꩻဒျာႏသွူ။ "နေပီဒေါ်တပ်ကုန်း" နုဲင်းနဝ်ꩻလဲ့ အဝ်ႏဟဲ့ꩻနေနေသွူ။ အဓိကခွုမ်မာꩻဒျာႏ လုဲင်းခြံဆို့ꩻရုဲင်ရေꩻတောမ်ႏ လွူးမွေးရေꩻ ထာꩻမာꩻတန်ဖုံႏတဲင် သွုပ်ဆွိုက်ထာꩻမာꩻတန်ဖုံႏ ကထွာဒါႏ ဗွူစက်၊ နမ်းမန်ꩻစက်၊ ဒွိုႏဖိုးနဲဉ်းထီစက်ဖုံႏလဲ့ အဝ်ႏခွုမ်မာꩻနေနေသွူ။ ကွန်ႏသယ်ႏပွယ်ꩻစာꩻ ဖြေꩻစာရေꩻထာꩻမာꩻလဲ့ အဝ်ႏမာꩻနေနေတဲင် ဒေႏသကိုကထန်ႏဒါႏ ရာႏသီႏကွန်ႏဖုံႏယို အဝ်ႏမန်ႏတလေꩻ-မူသယ် အဝ်ႏဒင်ႏပသာလွေꩻ ခမ်းထန်ႏဖုံႏနဝ်ꩻသွူ။ ဝေင်ꩻကိုနဝ်ꩻ ထွာဒျာႏ ဗုဒ္ဓဘာႏသာႏ မန်းလိုꩻမျိုꩻ အဝ်ႏအုံသော့ꩻအာသွတ်ꩻတဲင် ဒုတိယတောမ်ႏတတိယနဝ်ꩻ ထွာဒျာႏ ခယ်ႏ၊ ကလာꩻဖုံႏနဝ်ꩻသွူ။
ဝေင်ꩻတပ်ကုန်းနဝ်ꩻ အဝ်ႏဒျာႏ လတ္တီစျုထင်ꩻ ၂၀° ၂၀' တောမ်ႏ လောင်စီစျုကွဉ်ႏ ၉၆° ၃၀' အခါႏတဲင် အဝ်ႏဒျာႏ ထိုထဲင်းပင်ႏလယ်ႏထီခိုႏဆꩻကီ ပေခြွဉ်း ၂၂၅၀ ပေလောင်းသွူ။ ဖဲ့ꩻကွဉ်ႏနဝ်ꩻ ဖြဝ်ꩻခမ်းနယ်ႏ ဝေင်ꩻနယ်ႏပင်လောင်ꩻ၊ ဖဲ့ꩻတွို့ꩻနဝ်ꩻ မကွေးတွိုင်ꩻ ဝေင်ꩻနယ်ႏတောင်တွီင်းစီး၊ ဖဲ့ꩻထင်ꩻနဝ်ꩻ မန်ႏတလေꩻတွိုင်ꩻ ဝေင်ꩻနယ်ႏယမဲးတိဉ်း၊ ဖဲ့ꩻနဝ်နဝ်ꩻ နေပီဒေါ် ဝေင်ꩻနယ်ႏပိဉ်းမနား တောမ်ႏ ဝေင်ꩻနယ်ႏလယ်ဝွေးဖုံႏ အဝ်ႏခူဆွိုက်စပ်ခါꩻနဝ်ꩻသွူ။ အဝ်ႏဒျာႏ ရန်ႏတကုင်ႏ-မန်ႏတလေꩻ ကာꩻတဖူꩻတန်(အလီꩻ)တောမ်ႏ မေႏရထာꩻတဖူꩻ လောင်းနဝ်ꩻသွူ။ အဝ်ႏဒျာႏ ဝေင်ꩻရန်ႏတကုင်ႏ ဖဲ့ꩻထင်ꩻ ကာꩻတဖူꩻမဲင်ႏတဲင်ႏ တယ်ႏအမုဲင် ၂၅၈/၂ ဗꩻတွိုႏ ၂၈၅/၅ တဲင် နဝ်ထင်ꩻအနား အဒွောင်ႏအဆွာꩻနဝ်ꩻ အဝ်ႏ ၂၇ မဲင်ႏ ၃ ဖာလုံနဝ်ꩻသွူ။
ဟံႏပထဝီႏအပွိုင်အပုင်ႏအနေႏ တပ်ကုန်းနယ်ႏနဝ်ꩻ လွိုင်ႏအာဒျာႏ ကောင်ဆောင်ႏထာꩻပူႏထာꩻအုံႏဖုံႏတဲင် ထာꩻပြင်ႏထာꩻတွောင်ႏနဝ်ꩻ အဝ်ႏဆေ့ꩻငါႏနဝ်ꩻမꩻ ထာꩻပြင်ꩻနဝ်ꩻ အဝ်ႏဒျာႏ ဝေင်ꩻနယ်ႏတဖြုံႏလွုမ်း ၅ ပွန်း ၁ ပွန်းလုမ်ꩻသွူ။ နယ်ႏခဝ်ကွဉ်ႏနဝ်ꩻ ဖြဝ်ꩻကောင်ရွေꩻဖုံႏ အဝ်ႏရဲးခါꩻတဲင် အထိုသွတ်ꩻကောင်ရွေꩻဖွိုႏထိုနဝ်ꩻ အဝ်ႏပေခြွဉ်း (၄၃၁၀)ပေရပ်သွူ။ ဖောင်ႏလောင်ႏခြောင်နဝ်ꩻ အဝ်ႏထွတ်ꩻလင်ꩻ ဖြဝ်ꩻခမ်းနယ်ႏတောမ်ႏ တပ်ကုန်း နယ်ႏကူခါႏတဲင် ဗိုန်ပီတောမ်ႏ နယ်ႏကူသီးနဝ်ꩻသွူ။[၂]