ဝေင်ꩻမလုဲင်
| ဝေင်ꩻမလုဲင် (ပန်းလုဲင်) | |
|---|---|
| ဝေင်ꩻ | |
  ဝေင်ꩻမလုဲင် | |
| ကိုဩဒိနိတ်: 21°6′0″N 95°39′0″E / 21.10000°N 95.65000°E | |
| ခမ်းထီ |  မျန်မာခမ်းထီ |
| တွိုင်ꩻဒေႏသတန် |  မန်ႏတလေꩻတွိုင်ꩻဒေႏသတန် |
| ခရဲင်ႏ | မဲ့ထီလင်ꩻခရဲင်ႏ |
| ဝေင်ꩻနယ်ႏ | ဝေင်ꩻနယ်ႏမလုဲင် |
| ထိုထဲင်းပင်ႏလယ်ႏ ထီခိုႏဆꩻကီ[၁] | ၃၀၀ မီတာ (၁၀၀၀ ပေ) |
| လိုꩻဖြာꩻခြွဉ်း (၂၀၁၄)[၂] | |
| • ခြွဉ်း | ၁၃၉,၃၆၈ |
| • လိုꩻမျိုꩻ | မန်း၊ အိန္ဒိယ၊ ခယ်ႏ |
| • ထာꩻကိုꩻကွဲႏ | ထေရဝါဒဗုဒ္ဓဘာႏသာႏ |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6:30) |
ဝေင်ꩻမလုဲင် (မန်း: မလှိုင်မြို့) (အဲင်းကလေတ်: Mahlaing) နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ မန္တလေꩻတွိုင်ꩻဒေႏသတန် ဝေင်ꩻနယ်ႏမလုဲင်ကို ကပါဒါႏ ဝေင်ꩻနယ်ႏရွုမ်ꩻ အဝ်ႏသော့ꩻဒါႏ ဝေင်ꩻတဝေင်ꩻဒျာႏသွူ။ အဝ်ႏဒျာႏ ဝေင်ꩻမဲ့ထီလင်ꩻ ဖဲ့ꩻတွို့ꩻထင်ꩻ တာသီ-မဉ်းခြံ ရထာꩻတဖူꩻတောမ်ႏ ကာꩻတဖူꩻတန်လောင်းနဝ်ꩻသွူ။ မေႏရထာꩻတဖူꩻအလꩻ တောမ်ႏဝေင်ꩻမဲ့ထီလင်ꩻနဝ်ꩻ ဗော့ꩻညာꩻအဝ်ႏ (၂၂)မဲင်ႏသွူ။ ဝေင်ꩻနယ်ႏမလုဲင် ဟံႏနယ်ႏအအဲဉ်ႏအလုဲင်းဧရိယာႏနဝ်ꩻ အဝ်ႏစတုရန်းမဲင်ႏ ၄၃၁ မဲင်ႏသွူ။ ခရိစ်နေင်ႏ ၁၉၅၆ ဗာႏ မွူးကွို့ꩻနာꩻစာႏရင်ꩻအလꩻ လိုꩻဖြာꩻခြွဉ်းအဝ်ႏ ၈၉၁၇ဝ ဖြာꩻတဲင် ၂၀၁၄ ဗာႏ စာႏရင်ꩻအလꩻ လိုꩻဖြာꩻခြွဉ်းအဝ်ႏ ၁၃၉,၃၆၈ ဖြာꩻသွူ။ ဝေင်ꩻကိုနဝ်ꩻ ဝေင်ꩻနယ်ႏအိုပ်ချုတ်ရေꩻရွုမ်ꩻဖုံႏ အစိုႏရရွုမ်ꩻဖုံႏ အဝ်ႏနဝ်ꩻသွူ။
ဝေင်ꩻမလုဲင်ယို အဝ်ႏဒင်ႏလွေꩻ မေႏရထာꩻတဖူꩻ၊ ကာꩻတဖူꩻလောင်းတဲင် အဖြေꩻအစာကူꩻကားဖုံႏလဲ့ ဟဝ်မွေးသွူ။ ဝေင်ꩻကိုနဝ်ꩻ ဆေꩻငတ်ꩻနီꩻတလဲင်ႏ ဆေꩻအဝ်ႏတဲင် ဗော့ꩻရာꩻဒုံဆောင်ႏကို ကွန်ႏသားဖုံႏ လွဉ်ဖြေꩻစာသော့ꩻနဝ်ꩻသွူ။ ကဲဉ်းအာ အဝ်ႏလိုပ်ꩻဆို့ꩻရုဲင်အာ ဖုဲင်ဖုံႏတဲင် ဖုဲင်စက်ယုင်ႏဖုံႏတဲ့အဝ်ႏ နမ်းမန်ꩻစက်ယုင်ႏဖုံႏတဲ့အဝ်ႏသွူ။ ဖွိုင်ꩻဟံႏဝန်ႏဟံႏဖုံႏလဲ့ အဝ်ႏခွုမ်မာꩻနေနေတဲ့ အဓိကထာꩻမာꩻတဲ့ အဝ်ႏခွုမ်မာꩻအာဒျာႏ ဆို့ꩻရုဲင်ꩻရေꩻသွူ။ ဝေင်ꩻမလုဲင်ကို မဉ်ꩻကတန်ဒါႏ ဖရာꩻရွှေမုဋ္ဌောလဲ့ အဝ်ႏမာꩻလွေꩻ ပွယ်ꩻစေန်ႏပွယ်ꩻဖရာꩻ စွုမ်ႏနေင်ႏနေင်ႏနဝ်ꩻသွူ။ "မလုဲင်"ကဟဲ့ꩻဒါႏ ငဝ်းငွါဝေါဟာရနဝ်ꩻ အဝ်ႏဒျာႏ "ပန်းလုဲင်"ငဝ်းငွါကို ခေတ်အလꩻ ပြောင်ꩻထွာလွဉ်ဒျာႏနဝ်ꩻသွူ။ [၃]
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ GoogleEarth
- ↑ Provisional Results Census 26 August 2014 FINAL (PDF)၊ ပြည်သူ့အင်အားဦးစီးဌာန၊ 26 August 2014၊ p. ၂၉၊ 12 September 2014 တွင် မူရင်း (PDF) အား မော်ကွန်းတင်ပြီး၊ February 26, 2015 တွင် ပြန်စစ်ပြီး
- ↑ မြန်မာ့စွယ်စုံကျမ်း၊ အတွဲ(၈)