မာတိကာသို့ ခုန်သွားရန်

ဝေင်ꩻမဲ့ထီလင်ꩻ

အဝ်ႏ ဝီခီပီးဒီးယား ကို
ဝေင်ꩻမဲ့ထီလင်ꩻ
Meiktila
ဝေင်ꩻ
ဝေင်ꩻမဲ့ထီလင်ꩻ သည် မျန်မာခမ်းထီ တွင် တည်ရှိသည်
ဝေင်ꩻမဲ့ထီလင်ꩻ
ဝေင်ꩻမဲ့ထီလင်ꩻ
မျန်မာခမ်းထီဟံႏပွုံႏကို ဝေင်ꩻမဲ့ထီလင်ꩻ
ကိုဩဒိနိတ်: 20°53′0″N 95°53′0″E / 20.88333°N 95.88333°E / 20.88333; 95.88333
ခမ်းထီ မျန်မာခမ်းထီ
တွိုင်ꩻဒေႏသတန်မန်ႏတလေꩻတွိုင်ꩻဒေႏသတန်
ခရဲင်ႏမဲ့ထီလင်ꩻခရဲင်ႏ
ဝေင်ꩻနယ်ႏဝေင်ꩻနယ်ႏမဲ့ထီလင်ꩻ
ထိုထဲင်းပင်ႏလယ်ႏ ထီခိုႏဆꩻကီ[၁]၂၉၂ မီတာ (၉၅၈ ပေ)
လိုꩻဖြာꩻခြွဉ်း (၂၀၂၁)
 • ခြွဉ်း၁၇၇,၄၄၂
 • လိုꩻမျိုꩻမန်းဖြဝ်ꩻစောက်ꩻ
 • ထာꩻကိုꩻကွဲႏထေရဝါဒဗုဒ္ဓဘာႏသာႏ၊ ခရိယာန်ႏ၊ ဟေင်ဒူ၊ အစ်သာလမ်
အခိန်ႏအွိုင်ꩻမျန်မာအခိန်ႏအွိုင်ꩻ (UTC+6:30)

ဝေင်ꩻမဲ့ထီလင်ꩻ (မန်း: မိတ္ထီလာမြို့) (အဲင်းကလေတ်: Meiktila) မေတ်ထီလာနဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ မန်ႏတလေꩻတွိုင်ꩻဒေႏသတန် ဝေင်ꩻနယ်ႏမဲ့ထီလင်ꩻကို ကပါဒါႏ ဝေင်ꩻတဝေင်ꩻဒျာႏတဲင် အဝ်ႏဒျာႏ နောင်မဲ့ထီလင်ꩻဖင်ႏထျꩻနဝ်ꩻသွူ။ ရန်ႏတကုင်ႏ-မန်ႏတလေꩻ တဖူꩻတန်အမွိုင်နဝ်ꩻ ဖောက်ဒိုကာႏလွေꩻ ဝေင်ꩻမဲ့ထီလင်ꩻထျꩻတဲင် ဝေင်ꩻထျꩻနဝ်ꩻ ရန်ႏတကုင်ႏ-မန်ႏတလေꩻ တဖူꩻတန်၊ ပဂံႏ-တောင်ႏကီꩻ တဖူꩻတန်၊ မကွေး-ကျောက်ပတောင်း-တောင်ႏကီꩻ တဖူꩻတန် တောမ်ႏ မဲ့ထီလင်ꩻ-မဉ်းခြံ တဖူꩻရဲဉ်ႏ တဖူꩻဆွုမ်ႏဖုံႏ အဝ်ႏတဲင် မျန်မာခမ်းထီ အခဝ်ထာႏဝကို ကွုန်ဟွိုင်ꩻဒါႏ ဝေင်ꩻတဝေင်ꩻဒျာႏသွူ။ ဝေင်ꩻမဲ့ထီလင်ꩻကိုနဝ်ꩻ ခရဲင်ႏ၊ ဝေင်ꩻနယ်ႏ တောမ်ႏ အစိုႏရ အိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ မန်း၊ ဖြဝ်ꩻ၊ စောက်ꩻ စတဲင် လိုꩻမျိုꩻဖုံႏ အဝ်ႏအုံသော့ꩻနဝ်ꩻသွူ။ ၂၀၂၁ ဗာႏ စာႏရင်ꩻအလꩻ လိုꩻဖြာꩻခြွဉ်းအဝ်ႏ ၁၇၇,၄၄၂ ဖြာꩻသွူ။[၂]

ဝေင်ꩻမဲ့ထီလင်ꩻကိုနဝ်ꩻ ရပ်ကွက်အဝ်ႏ (၁၄)ရပ်ကွက် လမ်းငင်းအဝ်ႏ (၃,၇၃၀)ဗာႏတဲင် ၁၉၆၃ ဗာႏ စာႏရင်ꩻအလꩻ လိုꩻဖြာꩻခြွဉ်းအဝ်ႏ ၂၅,၈၉၁ ဖြာꩻသွူ။ ဝေင်ꩻမဲ့ထီလင်ꩻကိုနဝ်ꩻ ခရဲင်ႏအိုပ်ချုပ်ရေꩻရွုမ်ꩻဖုံႏ၊ လိုပ်လုဲင်းဆို့ꩻရုဲင်ရေꩻ၊ ဟံႏစာႏရင်ꩻ၊ အခွန်ႏတောႏ၊ သေင်ႏတခြာ၊ သမဝါယမ၊ ယယ်ꩻ၊ တဖူꩻထာꩻမာꩻတန်၊ ဆည်ရောင်ꩻ စတဲင် ခရဲင်ႏဌာႏနရွုမ်ꩻဖုံႏ အဝ်ႏဆို့ꩻသော့ꩻတဲင် အစိုႏရရွုမ်ꩻဖုံႏနဝ်ꩻ အဝ်ႏအာ ဝေင်ꩻအခဝ်တွို့ꩻကိုသွူ။ ဝေင်ꩻမဲ့ထီလင်ꩻထျꩻနဝ်ꩻ စဲ့ꩻတပ်မတောႏ စဲ့ꩻသင်ဖော်ꩻကျောင်ႏကွင်ꩻအဝ်ႏတဲင် စဲ့ꩻတပ်မတောႏတပ်ပေါင်ꩻစုဖုံႏ၊ တပ်မတောႏဌာႏနချုတ်ရွုမ်ꩻဖုံႏ၊ တပ်မတောႏစဲ့ꩻသီးယုင်ဖုံႏလဲ့ အဝ်ႏနေနေသွူ။ ဝေင်ꩻထျꩻမိဉ်ꩻကတန်ဒါႏ နောင်မဲ့ထီလင်ꩻနဝ်ꩻ အဝ်ႏဒျာႏ ဝေင်ꩻဖဲ့ꩻနဝ်အရပ်ကိုသွူ။[၃]

ဟံႏပထဝီႏ[မွဉ်းဖျင် | မွဉ်းဖျင်အရွီးခိုႏ]

မဉ်းဝံကုင်ꩻနဝ်ꩻ အဝ်ႏဒျာႏ ပေ(၈၀၀)လောင်းသွူ။ တောမ်ႏဝေင်ꩻရန်ႏတကုင်ႏနဝ်ꩻ ကာꩻတဖူꩻအနေႏ ဗော့ꩻညာꩻအဝ်ႏ (၃၃၈)မဲင်ႏ၊ တောမ်ႏဝေင်ꩻမန်ႏတလေꩻနဝ်ꩻ ဗော့ꩻညာꩻအဝ်ႏ (၉၅)မဲင်ႏသွူ။ တောမ်ႏဝေင်ꩻတာသီယို မေႏရထာꩻတဖူꩻအနေႏ ဗော့ꩻညာꩻအဝ်ႏ ၁၄ မဲင်ႏသွူ။ ရန်ႏတကုင်ႏ-မန်ႏတလေꩻ ကာꩻတဖူꩻတန်၊ ဖြဝ်ꩻခမ်း-ရေနံချောင်း တဖူꩻတန်၊ မကွေး-ကျောက်ပတောင်း-တောင်ႏကီꩻ တဖူꩻတန် တောမ်ႏ မဲ့ထီလင်ꩻ-မဉ်းခြံ မေႏရထာꩻ တဖူꩻ တဖူꩻဆွုမ်ႏဖုံႏ အဝ်ႏတဲင် မျန်မာခမ်းထီ အခဝ်ထာႏဝကို ကွုန်ဟွိုင်ꩻဒါႏ ဝေင်ꩻတဝေင်ꩻဒျာႏသွူ။

ပညာႏရေꩻ[မွဉ်းဖျင် | မွဉ်းဖျင်အရွီးခိုႏ]

ဝေင်ꩻမဲ့ထီလင်ꩻကိုနဝ်ꩻ အစိုႏရ အခေႏခံႏပညာႏ အရန်းထိုကျောင်ꩻနဝ်ႏ အဝ်ႏတယ်ႏအမုဲင်(၁) ဗꩻအမုဲင်(၆)သွူ။ အစိုႏရ အရန်းထိုပညာႏ ကေားလေက် တက္ကသိုလ်ႏကျောင်ꩻဖုံႏနဝ်ꩻ-

  • မဲ့ထီလင်ꩻတက္ကသိုလ်ႏ
  • မဲ့ထီလင်ꩻ စီꩻပွာꩻရေꩻတက္ကသိုလ်ႏ
  • ကွန်ပျူတာတက္ကသိုလ်ႏ
  • အနယ်ပညာႏတက္ကသိုလ်ႏ
  • မျန်မာလေကြောင်းတောမ်ႏ အာကာသပညာႏ တက္ကသိုလ်ႏ
  • ပညာႏရေꩻကေားလေက်
  • သူနာပြုသွဉ်တန်ကျောင်ꩻ ဖုံႏ အဝ်ႏနဝ်ꩻသွူ။

ဖရာꩻစေႏတီႏဖုံႏ[မွဉ်းဖျင် | မွဉ်းဖျင်အရွီးခိုႏ]

  • နဂါꩻရုင်ႏဘုရာꩻ
  • အန္တကူဘုရာꩻထီကဲဉ်
  • စည်းခုံကြီးဘုရာꩻ
  • ထီꩻသိုမ်ရန်းဘုရာꩻ
  • ရွှေမြင်တင်ဘုရာꩻ
  • ဖောင်တော်ဦꩻဘုရာꩻ

[၄]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. GoogleEarth
  2. Population of Cities in Myanmar (2021)
  3. Min Lwin။ "Junta Orders Major Air Force Base Relocated"၊ The Irrawaddy News၊ 2008-12-01။ 
  4. မြန်မာ့စွယ်စုံကျမ်း၊ အတွဲ(၉)