ဒုံလွယ်အွန်ႏ၊ ဝေင်ꩻနယ်ႏဟိုပုံꩻ
| လွယ်အွန်ႏ | |
|---|---|
| ဒုံ | |
| ဒုံလွယ်အွန်ႏ | |
 | |
  လွယ်အွန်ႏ | |
| ကိုဩဒိနိတ်: 20°49′41″N 97°08′16″E / 20.8281593322754°N 97.1378479003906°Eကိုဩဒိနိတ်: 20°49′41″N 97°08′16″E / 20.8281593322754°N 97.1378479003906°E | |
| ခမ်းထီ |  မျန်မာခမ်းထီ |
| ခမ်းနယ်ႏ |  ဖြဝ်ꩻခမ်းနယ်ႏ |
| ဒေႏသ |  ပအိုဝ်ႏဒေႏသ |
| ဝေင်ꩻနယ်ႏ | ဝေင်ꩻနယ်ႏဟိုပုံꩻ |
| အွိုင်ႏ | အွိုင်ႏလွယ်အွန်ႏ |
| ဧရိယာႏ | |
| • ခြွဉ်း | ၄.၃ စတုရန်းမဲင်ႏ (၁၁.၂ စတုရန်းကီလိုမီတာ) |
| ထိုထဲင်းပင်ႏလယ်ႏ ထီခိုႏဆꩻကီ | ၄၁၃၀ ပေ (၁၂၆၀ မီတာ) |
| လိုꩻဖြာꩻခြွဉ်း | ၆၅၀ |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6.30) |
ဒုံလွယ်အွန်ႏ (အိန်းကလေက် : Lwe Oon ၊ မန်း : လွယ်အွန့်ရွာ ) ယိုနဝ်ꩻ အဝ်ႏဒျာႏ ဖြဝ်ꩻခမ်းနယ်ႏ (အခဝ်နဝ်) ၊ မျင်ꩻမိုရ်ႏခမ်း ၊ ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ ၊ ဝေင်ꩻနယ်ႏဟိုပုံꩻ၊ အွိုင်ႏလွယ်အွန်ႏကို ဒုံတဒုံဒျာႏသွူ။ ဒုံကအဝ်ႏဒါႏခင်ႏလမ်း ကိုဒ်နဝ်ꩻ ၂၀၀၉၃၆ ဒျာႏသွူ။ အဝ်ႏဒျာႏ ထိုထဲင်းပင်ႏလယ်ႏ ထီခိုႏဆꩻကီ ၄၁၃၀ ပေ (၁၂၆၀ မီတာ) ကိုသွူ။ ဒုံလွယ်အွန်ႏအကို လမ်းငင်းအဝ်ႏ ၁၈၀ လမ်း၊ လိုꩻဖြာꩻခြွဉ်းနဝ်ꩻ နေင်ႏ ၂၀၁၇ ဗာႏ မွူးကွို့ꩻနာꩻစာႏရင်ꩻအလꩻ အဝ်ႏ ၆၅၀ ဖြာꩻသွူ။[၁] ဖဲ့ꩻကွဉ်ႏနဝ်ꩻ မုဲင်းဟုဲင်း၊ ဒုံနောင်တောင်ꩻ၊ ဖဲ့ꩻကွဉ်ႏထင်ꩻနဝ်ꩻ ဒုံလွယ်စင်း(ကောင်ဗꩻကွဉ်ႏ)၊ ဖဲ့ꩻကွဉ်ႏနဝ်နဝ်ꩻ ဒုံသူမီႏ၊ ဝေင်ꩻဟိုပုံꩻ ဒုံတွုံခမ်ꩻထင်ꩻ(ကွံလွံꩻ)၊ ဖဲ့ꩻတွို့ꩻနဝ်ꩻ ဒုံဝါႏဆို့ꩻ၊ ဖဲ့ꩻထင်ꩻနဝ်ꩻ ဒုံစခွီ၊ ဒုံထီဗွာ၊ ဒုံထီဗွာဖုံႏ၊ ဖဲ့ꩻနဝ်နဝ်ꩻ ဒုံကန်တွောင်း၊ ဖဲ့ꩻတွို့ꩻနဝ်နဝ်ꩻ ဒုံတနွိုင်ထုံဖုံႏ အဝ်ႏခူရောင်ꩻနဝ်ꩻသွူ။
ဒုံလွယ်အွန်ႏနဝ်ꩻ အဝ်ႏဒျာႏ ဝေင်ꩻဟိုပုံꩻဖဲ့ꩻတွို့ꩻထင်ꩻ ကောင်လွယ်စင်းရွေꩻတောမ်ႏ ကောင်စျူရွေꩻခါႏ၊ ဒုံမော့ထင်ꩻနဝ်ꩻ ထီခြောင်ပေႏအဝ်ႏထွတ်ꩻလင်ꩻနဝ် ကာႏလွေꩻဒုံထျꩻတဲင် ထီထဲ့ပေႏလဲ့အဝ်ႏတဗာႏ၊ အသောင်နဝ်ꩻ ကောင်ရွေꩻဖုံႏ အဝ်ႏခူခါꩻဒျာႏသွူ။ ဒုံလွယ်အွန်ႏထျꩻ မိဉ်ꩻတန်တင်ႏသျာꩻဒါႏအခရာႏနဝ်ꩻ ထွာဒျာႏ ဗွေႏဗွန်ကျောင်ꩻစခါ ကျောင်ꩻဇေႏတဝွန်ႏလွယ်အွန်ႏ၊ ကောင်ဗွူဒီႏ၊ ကောင်လွယ်စင်း၊ ယွန်ꩻစိုးဖရာꩻစေႏတီႏစခါဖုံႏ၊ သေင်ႏတခြာထီဖူꩻဖုံႏဒျာႏသွူ။ အထိုသွတ်ꩻခင်ႏလမ်းနဝ်ꩻ အဝ်ႏဒျာႏ ဒုံဖဲ့ꩻကွဉ်ႏထင်ꩻ ထွာဒျာႏ ကောင်လွယ်စင်းတဲင် အဝ်ႏဒျာႏ ထိုထဲင်းပင်ႏလယ်ႏထီခိုႏဆꩻကီ ပေပေါင်ꩻ ၄၈၅၀ ပေ (၁၄၈၀ မီတာ)သွူ။ ကောင်လွယ်စင်းအသောင်ရင်ꩻနဝ်ꩻ သေင်ႏတနွိုင်ဖုံႏ အဝ်ႏလွိုင်ႏအာထွူတကာႏတဝ်း အဝ်ႏကောင်နာ ထွာလွေꩻ ရှူ့ခင်းဖုံႏလဲ့ သာႏယာႏမွေးငါႏသွူ။ ဒုံဖဲ့ꩻတွို့ꩻနဝ် ကအဝ်ႏဒါႏ ကောင်ဗွူဒီႏလဲ့ ထွာတင်ႏသျာႏအမုဲင်တဗာႏနေနေသွူ။ ကောင်နဝ်ꩻနဝ်ꩻ ထွာဒျာႏ သုဲင်ꩻကောင် ကောင်ကြေင်း၊ ကောင်နာနဝ်ꩻ ဖရာꩻစခါလဲ့အဝ်ႏ(ယိုခါနဝ်ꩻ ပျုပျင်ႏထွူလဲဉ်း) အဝ်ႏကောင်နာ ထွားထီႏသဲင်ꩻချာ ဒုံလွယ်အွန်ႏအသောင်ရင်ꩻရှူ့ခင်းတောမ်ႏ ဝေင်ꩻဟိုပုံꩻအသောင်အရင်ꩻဖုံႏသွူ။ ကောင်ဗွူဒီႏနဝ်ꩻ အဝ်ႏဒျာႏ ထိုထဲင်းပင်ႏလယ်ႏထီခိုႏဆꩻကီ ပေပေါင်ꩻ ၄၂၆၅ ပေ (၁၃၀၀ မီတာ)ကိုသွူ။
ဒုံလွယ်အွန်ႏသမဲင်ꩻ[မွဉ်းဖျင် | မွဉ်းဖျင်အရွီးခိုႏ]
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
- ↑ Place codes (Pcodes)။ Myanmar Information Management Unit (June 2020)။