ပရိတ်တန်

အဝ်ႏ ဝီခီပီးဒီးယား ကို
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ပရိတ်တန် ၁၁သုတ်နဝ်ꩻ လောကီꩻအန္တရာယ်ႏဖုံႏ ယံကကင်ꩻညာꩻ၊ လောကုတ္တရာꩻဖုံႏယံကတိုꩻပွါꩻအီ ရေႏရောႏနုဲင်းနဝ်ꩻတဲင် ရဟန်ꩻပညာႏသျိ တွမ်ႏ လိုꩻလမ်းပညာႏဒါႏစခါသီးနဝ်ꩻ ထေထန်ႏသွူလိတ်ယာႏ ပိဋကတ်ကျမ်ꩻကန်ႏကိုတဲင် တဲမ်းဖောႏစီႏရင်ႏခါꩻဖေႏဒျာႏနဝ်ꩻသွူ။ နီနာꩻဗုဒ္ဓဘာႏသာႏခွိုꩻနွယ်ႏသီးနဝ်ꩻ မီႏတွိုႏ သာႏရေꩻ၊ နာႏရေꩻ ကိစဏ္ဍဖုံႏ၊ မင်္ဂလာႏဆောင်ႏ၊ ဗုဲင်စင်ꩻဗုဲင်သျင်ႏ၊ ထင်ႏလမ်းတသာဖုံႏ၊ နေင်ႏတသာကူꩻအခိန်ႏအခါꩻဖုံႏ၊ မသာႏမယာႏပွဲꩻဖုံႏ မီႏအဝ်ႏလွဉ်နဝ်ꩻ ဗွေႏရဟန်ꩻသင်္ဃာႏသီး ရွစ်ဖတ်ဖေႏလွဒျာႏနဝ်ꩻသွူ။ မီႏရွစ်ဖတ်လဲ့ ရွစ်ဖတ်နေးအဝ်ႏအမျိုꩻမျိုꩻနဝ်ꩻသွူ။ ယလဲင်ႏလဲင်ႏနဝ်ꩻ တဲႏအထျꩻဗꩻအနာတဲင် သုတ်တန် ၁၁သုတ်လွုမ်းလွုမ်း ရွစ်ဖတ်လို့စွဉ်ႏတဲ့အဝ်ႏ၊ ယလဲင်ႏယလဲင်ႏနဝ်ꩻ အခေႏအနေႏအလꩻ  ရွစ်ဖတ်လယ်ႏကွို့ꩻ သုတ်တသုတ် ကသင်ꩻခဝ်းရာꩻ ကလွောက်ꩻဖက်ရာꩻတွမ်ႏ ပွဲꩻကိစ္စဖုံႏလွုမ်ꩻတဲ့ အဝ်ႏနဝ်ꩻသွူ။

ပရိတ်တန် အရွီးအခိုႏ[မွဉ်းဖျင် | မွဉ်းဖျင်အရွီးခိုႏ]

‍မိဉ်ႏထွားစဲစ်ဆေꩻ ပရိတ်တန် ၁၁-သုတ် အရွီးအခိုႏဖုံႏနဝ်ꩻ အီႏထီႏမော့ꩻဗာႏ နုဲင်းဆ့ꩻလ့ယိုအတွိုင်ꩻသွူ။

  • ၁။ မင်္ဂလသုတ် - ခုဒ္ဒကနိကာယ်၊ ခုဒ္ဒကပါဌပါႏဠိတောႏတွမ်ႏ သုတ္တနိပါတ်ပါႏဠိတောႏ။
  • ၂။ ရတနာႏသုတ် - ခုဒ္ဒကနိကာယ်၊ ခုဒ္ဒကပါဌပါႏဠိတောႏတွမ်ႏ သုတ္တနိပါတ်ပါႏဠိတောႏ။
  • ၃။ မေတ္တာႏသုတ် - ခုဒ္ဒကနိကာယ်၊ ခုဒ္ဒကပါဌပါႏဠိတောႏတွမ်ႏ သုတ္တနိပါတ်ပါႏဠိတောႏ။
  • ၄။ ခန္ဓာႏသုတ် - ဝိနယပိဋကစူလဝဂ္ဂပါဠိ၊ အင်္ဂုတ္တရနိကာယ၊ တိကနိပါတပါဠိ၊ တိကနိပါတ်။
  • ၅။ မောရသုတ် - ခုဒ္ဒကနိကာယ၊ ဇာတက ပါဠိ၊ ဧကကနိပါတ်။
  • ၆။ ဝဋ္ဋသုတ် - ခုဒ္ဒကနိကာယ၊ စရိယာပိဋက ပါဠိ၊ ဇာတကပါဠိ၊ ဧကကနိပါတ်။
  • ၇။ ဓဇဂ္ဂသုတ် - သံယုတ္တနိကာယ၊ သတ္တသံယုတ်။
  • ၈။ အာဋာနာဋိယသုတ် - ဒီယနိကာယ၊ ပါထိ ကဝဂ္ဂ ပါဠိ။
  • ၉။ အင်္ဂုလိမာလသုတ် - မဇ္ဇျိမနိကာယ၊ မဇ္ဇျိမနိကာယ၊ မဇ္ဇျိမ ပဏ္ဏာသ ပါဠိ။
  • ၁၀။ ဗောဇ္စျင်္ဂသုတ် - သံယုတ္တနိကာယ၊ ဗောဇ္စျင်္ဂ သံယုတ်။
  • ၁၁။ ပုဗ္ဗဏှသုတ် - အင်္ဂုတ္တရနိကာယ၊ တိကနိပါတ် ပါဠိ စတဲင် အဝ်ႏပါသော့ꩻဒျာႏအကျောင်ꩻ အဝ်ႏထီႏဗာႏသွူ။

ရွစ်ပရိတ်တန်တဲင် ပါႏရမီႏ(၁၀)ပါꩻ ဗွေအီပွုံႏ[မွဉ်းဖျင် | မွဉ်းဖျင်အရွီးခိုႏ]

အီႏရွစ်ဟော်ꩻပရိတ်သား အဝ်ႏလိုႏချက်[မွဉ်းဖျင် | မွဉ်းဖျင်အရွီးခိုႏ]

ကအီႏရွစ်ဖတ်ဒါႏ ပရိတ်ဒေႏသနာႏတောႏသားဖုံႏနဝ်ꩻ အဝ်ႏလိုႏလွောက်ꩻနာႏငါႏ နုဲင်းဆ့ꩻလ့ယိုအတွိုင်ꩻသွူ။

  • ၁။ လူးကြောင်းကြောင်းသွော့ထီ။
  • ၂။ ကွဉ်ကꩻသွော့ ခွမ်ꩻလာꩻကြောင်းကြောင်း၊ အတသာတဝ်းတယဝ်း ပဆူႏကြောင်းကြောင်းထွူမ့ꩻ ရွစ်ဖတ်သွော့။
  • ၃။ အံႏကွို့ꩻငါႏမွုန်းဒဲဉ်ဟန်ႏ။
  • ၄။ အသောင်အရင်ꩻဖုံႏ ယံကတိန်ႏနားဗာႏမွုန်းတဲင် အဝ်ႏလိုႏဖျင်ဆင်ကျိုႏခါꩻရီးငါႏသွူ။

နဝ်ꩻထွူတကာႏတဝ်း ရွစ်ဖတ်ပါႏဠိတောႏလဲ့ ဖြွောင်ႏဗာႏ၊ ယွုမ်းအံႏမုꩻအဝ်ႏဗာႏ၊ သေနာႏဗာႏ အနက်အဓိပ္ပါယ်ႏ၊ ကောနာႏပရိတ်တရာꩻတောႏပရိတ်သတ်သီးအလောင်းလဲ့ အွဉ်ႏမတ္တောႏဂရုဏာႏတရာꩻတဲင် မဲဉ်လ့ꩻဗာႏတဝ်း လာဘ်လာဘသွူ။

ကောနာႏပရိတ်တရာꩻတောႏသား အဝ်ႏလိုႏချက်[မွဉ်းဖျင် | မွဉ်းဖျင်အရွီးခိုႏ]

ကောနာႏပရိတ်တရာꩻတောႏသား ကလိုႏအပ်ဒါႏ အင်္ဂါႏသွံပါꩻနဝ်ꩻ -

  • (၁) ရိုႏရိုႏသေႏသေႏ၊ ကေႏကေႏညိုႏညိုႏတွော့ꩻ နာႏသွော့။
  • (၂) ပယ်ႏခွါႏထိုꩻဗာႏ ထာꩻယူႏမာႏ မိစ္ဆာႏဒိဋ္ဌိဝါႏဒဖုံႏ။
  • (၃) နာႏစဲင်းစဲင်းတွော့ꩻ မတ်တောင်ꩻခါꩻသွော့။

မိဉ်ႏလွောက်ꩻနာႏ လိုႏအပ်ချက်နုဲင်းယိုဖုံႏမ့ꩻ နာႏပရိတ်တရာꩻတောႏလဲ့ အကျိုꩻအီႏလ့ꩻဗွေသွူ။

မွူးနီꩻအလွောက်ꩻ ရွစ်ဟော်ꩻနယ်ꩻ[မွဉ်းဖျင် | မွဉ်းဖျင်အရွီးခိုႏ]

  1. တနင်ꩻနွေႏ - တယ်ႏ သမန္တာ ဗ့ꩻလွေꩻ မင်္ဂလသုတ်
  2. တနင်ꩻလာႏ - ရတနာႏသုတ်
  3. အင်္ဂါႏ - မေတ္တာႏသုတ်
  4. ဗုဒ္ဓဟူꩻ - ခန္ဓာႏသုတ်မောရသုတ်တွမ်ႏ ဝဋ္ဋသုတ်
  5. ကျာႏသပတေꩻ - ဓဇဂ္ဂသုတ်
  6. သောကျာႏ - အာဋာနာဋိယသုတ်
  7. စနေႏ - အင်္ဂုလိမာလသုတ်ဗောဇ္စျင်္ဂသုတ်တွမ်ႏ ပုဗ္ဗနသုတ်

[၁]

အဓိပ္ပာယ်ႏ[မွဉ်းဖျင် | မွဉ်းဖျင်အရွီးခိုႏ]

ပရိတ်ကရိုꩻနဝ်ꩻ အဝ်ႏအွိုး ပရိတ္တကရိုꩻဒါႏ ပါႏဠိငဝ်းယာႏကို လွဉ်ဒျာႏနဝ်ꩻသွူ။ မဉ်ႏဒေါ့ꩻပအိုဝ်ႏဗာႏနေးတဲ့ ကာႏကွယ်ႏဖေႏ၊ ရဲကမ်းဖေႏ အဓိပ္ပာယ်ႏလွေꩻနုဲင်းနဝ်ꩻသွူ။ မီႏသျင်ꩻနယ်ဗာႏအလုဲင်း မီခြုဲင်းနယ်ဗာႏအဆွာꩻလဲ့ ဗွေႏမျတ်ဘုရာꩻ ကဟော်ꩻကျာꩻဒါႏ သုတ်တောႏယိုဖုံႏနဝ်ꩻ ထွာဒျာႏ ကာႏကွယ်ႏအီဖေႏ ဗွေႏဖရာꩻတပဲ့ꩻတပန်ꩻ ရဟန်ꩻသံႏဃာႏတောႏသီး ဘေꩻရန်ႏအန္တရာယ်ႏဖုံႏ၊ တထွာသင်ꩻတဝ်းလဲ့ ယံကထွာမွိုန်း တမော့ꩻသင်ꩻတဝ်းလဲ့ ယံကမော့ꩻမွိုန်းအတာႏ ရဲကမ်းအီခရာႏ အန္တရာယ်ႏကင်ꩻဂါႏထာႏဖုံႏဒျာႏနဝ်ꩻသွူ။ ဗွေႏမျတ်ဘုရာꩻ ကဟော်ꩻကျာꩻသေꩻခါꩻဒါႏ ဘေꩻရန်ႏအန္တရာယ်ႏကင်ꩻ သုတ်တောႏဖုံႏအကို ပညာႏဒါႏပညာႏသျိပုဂ္ဂိုလ်ႏသီးဖုံႏ ထေခွဲထန်ႏဖချာယင်းတဲင် သတ်မတ်သုတန် ၁၁သုတ်တွော့ꩻ အွဉ်ႏနီသွဉ်းသီး ဗုဒ္ဓဘာႏသာႏ သာႏသနာႏခွိုꩻသွုပ်သီး ရွစ်ဖတ်ထိန်ꩻတီခါꩻယင်းနဝ်ꩻသွူ။

ပရိတ်တန် ၁၁ သုတ်[မွဉ်းဖျင် | မွဉ်းဖျင်အရွီးခိုႏ]

ဗွေႏမျတ်ဘုရာꩻ ကဟော်ꩻသေꩻခါꩻဒါႏ ပိဋကတ် ကျမ်ꩻကန်ႏကို ဘေႏရန်ႏအန္တရာယ်ႏကင်ꩻဂါႏထာႏကထွာဒါႏ သုတ်တန် ၁၁ သုတ်ဖုံႏနဝ်ꩻ -

  1. မင်္ဂလသုတ်
  2. ရတနသုတ်
  3. မေတ္တသုတ်
  4. ခန္ဓသုတ်
  5. မောရသုတ်
  6. ဝဋ္ဋသုတ်
  7. ဓဇဂ္ဂသုတ်
  8. အာဋာနာဋိယသုတ်
  9. အင်္ဂုလိမာလသုတ်
  10. ဗောဇ္ဈင်္ဂသုတ်
  11. ပုဗ္ဗဏှသုတ် ဖုံႏဒျာႏနဝ်ꩻသွူ။

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဓမ္မခေါင်းလောင်း အိတ်ဆောင်ဝတ်ရွတ်စဉ် - ၄