ဝေင်ꩻကော့တောင်း

ဝေင်ꩻကော့တောင်း
ဝေင်ꩻ
ဝေင်ꩻကော့တောင်း မျန်မာခမ်းထီဟံႏပုင်ႏကို ဝေင်ꩻကော့တောင်း အဝ်ႏဒါႏခင်ႏလမ်း
ကိုဩဒိနိတ်: 9°59′N 98°33′E
ခမ်းထီ	မျန်မာ
တွိုင်ꩻဒေႏသတန်	တနိဉ်းတာယီတွိုင်ꩻဒေႏသတန်
ခရဲင်ႏ	ကော့တောင်းခရဲင်ႏ
ဝေင်ꩻနယ်ႏ	ဝေင်ꩻနယ်ႏကော့တောင်း
လိုꩻဖြာꩻခြွဉ်း (၂၀၁၄)	၅၇,၉၄၉
• ခမ်းရင်ꩻသားလိုꩻမျိုꩻ	မန်း၊ ထာဝယ်၊ စောက်ꩻ၊ မဲင်ꩻ၊ သလုံ၊ ရခဲင်ႏ၊ ခယ်ႏ၊ ထုဲင်ꩻ၊ ပသျှူး၊ မလေး၊ အေင်ဒိယ
• ဘာႏသာႏ	ဗုဒ္ဓဘာႏသာႏ
အခိန်ႏအွိုင်ꩻ	မျန်မာအခိန်ႏအွိုင်ꩻ (UTC+6.30)

ဝေင်ꩻကော့တောင်း (မန်း: ကော့သောင်းမြို့) (အိန်းကလေတ်: Myeik) (ထုဲင်ꩻ: เกาะสอง) နဝ်ꩻ ထွာဒျာႏ မျန်မာမ်းထီကို အခဝ်နဝ်သွတ်ꩻသွတ်ꩻ ပင်ႏလယ်ႏဖင်ႏ ထုဲင်ꩻ-မျန်မာခမ်းကူထျꩻ ဝေင်ꩻဒျာႏသွူ။ အဝ်ႏဒျာႏ မျန်မာခမ်းထီ အခဝ်နဝ်သွတ်ꩻ တနိဉ်းတာယီတွိုင်ꩻဒေႏသတန် အခဝ်နဝ်သွတ်ꩻ ကော့တောင်းခရဲင်ႏ ဝေင်ꩻနယ်ႏကော့တောင်းကို ကအဝ်ႏဒါႏ အန်ဒမန်ပင်ႏလယ်ႏ(ဗိဉ်းကလားပင်ႏလယ်ႏ)ထျꩻ ပင်ႏလယ်ႏသင်ဖော်ꩻတွူး ဝေင်ꩻတဝေင်ꩻဒျာႏသွူ။ ဝေင်ꩻကိုနဝ်ꩻ ခရဲင်ႏ၊ ဝေင်ꩻနယ်ႏ အိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ ခရိစ်နေင်ႏ ၂၀၁၄ ဗာႏ စာႏရင်ꩻအလꩻ လိုꩻဖြာꩻခြွဉ်းအဝ်ႏ ၅၇,၉၄၉ ဖြာꩻသွူ။ အဝ်ႏဒျာႏ မျန်မာခမ်းထီ အခဝ်နဝ်သွတ်ꩻ ဝိတိုရိယအငူ ပင်ႏလယ်ႏဖင်ႏထျꩻတဲင် တောမ်ႏထုဲင်ꩻခမ်းထီ ဝေင်ꩻရနောင်းနဝ်ꩻ သဘာဝခမ်းကူသီးအနေႏ ပါချန်ခြောင်ငွါ အဝ်ႏခါႏခါꩻဖေႏနဝ်ꩻသွူ။ ဝေင်ꩻဆꩻကွဉ်ႏဖဲ့ꩻ ပါချန်ခြောင်ငွါနဝ်ꩻ တန်လုဲင်းဒျာႏတဲင် သင်ဖော်တန်ဖုံႏလဲ့ နွို့အုံဆွိုးလꩻဒျာႏသွူ။

အဝ်ႏမျန်မာခမ်းထီ အခဝ်ထင်ꩻသွတ်ꩻသွတ်ꩻ ဝေင်ꩻပူတာအို ဗꩻတွိုႏအခဝ်နဝ်အသွတ်ꩻ ဝေင်ꩻကော့တောင်းယိုနဝ်ꩻ ဗွော့ꩻညာꩻအဝ်ႏ ၁၂၄၂ မဲင်ႏ (ကီလိုမီတာ ၂၀၀၀)တဲင် ကော့တောင်းတောမ်ႏ ဝေင်ꩻရန်ႏတကွုန်ႏနဝ်ꩻ ဗော့ꩻညာꩻအဝ်ႏ ၄၉၇ မဲင်ႏ (ကီလိုမီတာ ၈၀၀)ရပ်သွူ။ ဝေင်ꩻကော့တောင်းယို တောမ်ႏထုဲင်ꩻခမ်း ဝေင်ꩻရနောင်းနဝ်ꩻ အဝ်ႏခွဲႏတောႏလို့ဝင်ꩻတဲင် အဝ်ႏရနောင်းဖဲ့ꩻ မိဉ်ႏထွားလွေꩻ ကော့တောင်းဖဲ့ꩻနဝ်ꩻ ထီႏလွေꩻဗာႏ ပင်ႏလယ်ႏဖင်ႏ လမ်းဖုံႏ၊ သေင်ႏတခြာဖုံႏ ကအဝ်ႏဗိဉ်ႏဒါႏ ကောင်ရွေꩻဖုံႏနဝ်ꩻသွူ။ မိဉ်ႏတွိုႏဖျော် ဝေင်ꩻကော့တောင်းနဝ်ꩻ အီႏထီႏဗာႏ ဘုရင့်နောင်အငူ(Cape Bayin Naung) နဝ်ꩻသွူ။

ရပ်ကွက်

1. အောင်သုခရပ်ကွက်
2. ဘုရင့်နောင်ရပ်ကွက်
3. အဏ္ဏဝါရပ်ကွက်
4. အေးမြကန်သာရပ်ကွက်
5. သီရိမြိုင်ရပ်ကွက်
6. ရွှေဟင်္သာရပ်ကွက်
7. ရွှေဇင်ယော်ရပ်ကွက်
8. အေးရိပ်ငြိမ်ရပ်ကွက်
9. ရွှေပြည်သာရပ်ကွက်

ဓာတ်ပုင်ႏဖုံႏ

• 
  ပြည်တော်အေးစေႏတီႏတောႏ
• 
• 
  ဘုရင့်နောင်အ
• 
• 
  နားရီႏခြေင်ႏထွန်ႏ
• 
• 
  ကော့တောင်း-ဘုတ်ပြင်း တဖူꩻတန်
• 
  1199 ကောင်
• 
  1199 ကောင်နာ
• 
  ဘုရင့်နောင်ကုင်ꩻ
•