ဝေင်ꩻနယ်ႏစျောက်ပဒေါင်း
| ဝေင်ꩻနယ်ႏစျောက်ပဒေါင်း | |
|---|---|
| ဝေင်ꩻနယ်ႏ | |
 | |
 ညောင်ဦးခရဲင်ႏကို ဝေင်ꩻနယ်ႏစျောက်ပဒေါင်း ကအဝ်ႏဒါႏခင်ႏလမ်း(တနျာႏ) | |
  ဝေင်ꩻနယ်ႏစျောက်ပဒေါင်း | |
| ကိုဩဒိနိတ်: 20°50′N 95°08′E / 20.833°N 95.133°E | |
| ခမ်းထီ |  မျန်မာ |
| တွိုင်ꩻဒေႏသတန် |  မန်ႏတလေꩻတွိုင်ꩻဒေႏသတန် |
| ခရဲင်ႏ | ညောင်ဦးခရဲင်ႏ |
| ဧရိယာႏ | |
| • ခြွဉ်း | ၇၅၈.၃ စတုရန်းမဲင်ႏ (၁,၉၆၄.၁ စတုရန်းကီလိုမီတာ) |
| လိုꩻဖြာꩻခြွဉ်း (၂၀၁၄) | ၂၆၁,၈၀၀ [၁] |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6:30) |
ဝေင်ꩻနယ်ႏစျောက်ပဒေါင်း (မန်း: ကျောက်ပန်းတောင်းမြို့နယ်) (အဲင်းကလေတ်: Kyaukpadaung Township) နဝ်ꩻ အဝ်ႏဒျာႏ မျန်မာခမ်းထီ အခဝ်ထာႏဝ မန်ႏတလေꩻတွိုင်ꩻဒေႏသတန် ညောင်ဦးခရဲင်ႏကို ကအဝ်ႏပါသော့ꩻဒါႏ ဝေင်ꩻနယ်ႏတဖြုံႏဒျာႏသွူ။ ဝေင်ꩻနယ်ႏရွုမ်ꩻနဝ်ꩻ အဝ်ႏသော့ꩻဒျာႏ ဝေင်ꩻစျောက်ပဒေါင်းကိုသွူ။ ဝေင်ꩻနယ်ႏစျောက်ပဒေါင်းကိုနဝ်ꩻ ပုပ္ပါးဒေႏသ ပုပ္ပါးကောင်၊ မေႏကောင် တောမ်ႏ ဝေင်ꩻစျောက်ပဒေါင်းဖုံႏ အဝ်ႏပါသော့ꩻနဝ်ꩻသွူ။
ဖဲ့ꩻတွို့ꩻနဝ်ꩻ မကွေးတွိုင်ꩻ ဝေင်ꩻနယ်ႏချောက်၊ ဧရာႏဝတီႏခြောင်၊ ဖဲ့ꩻထင်ꩻနဝ်ꩻ ပဂံႏ-ညောင်ဦးနယ်ႏ၊ ဖဲ့ꩻကွဉ်ႏနဝ်ꩻ ဝေင်ꩻနယ်ႏမလုဲင်၊ ဝေင်ꩻနယ်ႏမဲ့ထီလင်ꩻ၊ ဖဲ့ꩻနဝ်နဝ်ꩻ ဝေင်ꩻနယ်ႏနတ်မောက်၊ ဖဲ့ꩻတွို့ꩻနဝ်နဝ်ꩻ ယေနံဆျောင်း၊ မကွေးနယ်ႏဖုံႏ အဝ်ႏခူခါꩻနဝ်ꩻသွူ။ တောမ်ႏဝေင်ꩻမိဉ်းဆျန်နဝ်ꩻ ဗော့ꩻညာꩻအဝ်ႏ ၅၈ မဲင်ႏသွူ။ ဝေင်ꩻနယ်ႏဧရိယာႏအအဲဉ်ႏအလုဲင်ႏနဝ်ꩻ အဝ်ႏစတုရန်းမဲင်ႏ ၇၅၈ မဲင်ႏရပ်တဲင် လိုꩻဖြာꩻခြွဉ်းနဝ်ꩻ ၂၀၁၄ ဗာႏ စာႏရင်ꩻအလꩻနဝ်ꩻ အဝ်ႏ ၂၆၁,၈၀၀ ဖြာꩻနဝ်ꩻသွူ။ ဝေင်ꩻကိုနဝ်ꩻ ထွာဒျာႏ ဗုဒ္ဓဘာႏသာႏ မန်းလိုꩻမျိုꩻအဝ်ႏအုံသော့ꩻအာသွတ်ꩻနဝ်ꩻသွူ။
ကဲဉ်းအာနဝ်ꩻ ထွာဒျာႏ သွို့ꩻခြံထာꩻလိုပ်ꩻသားဒျာႏကဲဉ်းအာတဲင် ဝေင်ꩻနယ်ႏယိုနဝ်ꩻ တောင်းလျက်ꩻ(တောင်းလုဲင်)၊ ဗေဟံႏ၊ ထေင်၊ နမ်းမန်ꩻ၊ ဗာႏ၊ မောင်းကြဲင်ႏ၊ ဩဇာႏရာႏ၊ နဂါꩻမောက်ရာႏ တောမ်ႏ တနက်ခါꩻ မွန်းဖုံႏ ထန်ႏအာဒါႏ အရပ်ဒျာႏသွူ။ ဝေင်ꩻနဝ်ꩻအဝ်ႏလွေꩻ တဖူꩻဆွုမ်ႏကိုတဲင် ကာꩻတဖူꩻနဝ်ꩻ အဝ်ႏဆွိုက်တောမ်ႏ မန်ႏတလေꩻ-ရန်တကုင်ႏဖုံႏ၊ မဲ့ထီလင်ꩻ-ဖြဝ်ꩻခမ်းဖုံႏ၊ ပဂံႏ-ညောင်ဦးဖုံႏ၊ မကွေး-ဆျောက်ဖုံႏတဲင် ကွုန်ꩻဟွိုင်ꩻလွဉ်ဒါႏ ဝေင်ꩻတဝေင်ꩻဒျာႏနဝ်ꩻသွူ။
မိဉ်ꩻတန်ထင်ႏသျာꩻဒါႏခင်ႏလမ်းဖုံႏ
[မွဉ်းဖျင် | မွဉ်းဖျင်အရွီးခိုႏ]
မိဉ်ꩻတန်တင်ႏသျာꩻဒါႏ ဖရာႏစေႏတီႏဖုံႏနဝ်ꩻ ထွာဒျာႏ ဖရာꩻမြရွေဂူ တောမ်ႏ ဖရာꩻရွေတောင်ဦး၊ ဖရာꩻမြို့ဦး ဖုံႏဒျာႏသွူ။ ဝေင်ꩻဖဲ့ꩻကွဉ်ႏထင်ꩻ (၈)မဲင်ႏရပ်ကို ကအဝ်ႏဒါႏ ပုပ္ပါးကောင်ယိုလဲ့ မိဉ်ꩻတန်တင်ႏသျာꩻထွူတကာႏတဝ်း အထိုအဝ်ႏ ပေ ၄၉၈၁ ပေတဲင် တဖူꩻထင်ႏလယ်ႏကောင်စခန်ႏဖုံႏတဲ့အဝ်ႏနဝ်ꩻသွူ။ ပုပ္ပါးကောင်ယိုနဝ်ꩻ ထွာဒျာႏ မေႏကောင်(မီးတောင်)တဖြုံႏနဝ်ꩻသွူ။ မုန့်ပြားသလက်(တခိုးတပျာႏ)လဲ့ စျောက်ပဒေါင်းကိုနဝ်ꩻ တခိုႏမိဉ်ꩻတန်တမျိုꩻဒျာႏသွူ။ စျောက်ပဒေါင်း တောင်းလျက်ꩻတောမ်ႏ နွေႏကျော်ဖုံႏလဲ့ မိဉ်ꩻတန်နေနေသွူ။[၂]
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ Provisional Results Census 26 August 2014 FINAL (PDF)၊ ပြည်သူ့အင်အားဦးစီးဌာန၊ 26 August 2014၊ p. ၂၉၊ 12 September 2014 တွင် မူရင်း (PDF) အား မော်ကွန်းတင်ပြီး၊ February 26, 2015 တွင် ပြန်စစ်ပြီး
- ↑ မြန်မာ့စွယ်စုံကျမ်း၊ အတွဲ(၂)