ဝေင်ꩻစျောက်ပဒေါင်း
| ဝေင်ꩻစျောက်ပဒေါင်း | |
|---|---|
| ဝေင်ꩻ | |
| မိဉ်ꩻလင်(ဖုံႏ): စကားဝါဟံႏ | |
  ဝေင်ꩻစျောက်ပဒေါင်း | |
| ကိုဩဒိနိတ်: 20°50′N 95°8′E / 20.833°N 95.133°E | |
| ခမ်းထီ |  မျန်မာခမ်းထီ |
| တွိုင်ꩻဒေႏသတန် |  မန်ႏတလေꩻတွိုင်ꩻဒေႏသတန် |
| ခရဲင်ႏ | ညောင်ဦးခရဲင်ႏ |
| ဝေင်ꩻနယ်ႏ | ဝေင်ꩻနယ်ႏစျောက်ပဒေါင်း |
| တယ်ႏထောင်ႏဒုံစျောက်ပဒေါင်း | ပဂံႏခွန်စိုး |
| ဝေင်ꩻစျောက်ပဒေါင်း | ၁၉၇၂ ဗာႏ ဩဂုတ်လာ ၃၁ နီꩻ [၁] |
| ထိုထဲင်းပင်ႏလယ်ႏ ထီခိုႏဆꩻကီ | ၃၈၅ မီတာ (၁၂၆၃ ပေ) |
| လိုꩻဖြာꩻခြွဉ်း (၂၀၁၄) | |
| • ဝေင်ꩻကို | ၄၂,၈၁၇ [၂] |
| • ကိုꩻကွဲႏ | ဗုဒ္ဓဘာႏသာႏ |
| အခိန်ႏအွိုင်ꩻ | မျန်မာအခိန်ႏအွိုင်ႏ MST (UTC+6.30) |
ဝေင်ꩻစျောက်ပဒေါင်း (မန်း: ကျောက်ပန်းတောင်းမြို့) (အဲင်းကလေတ်: Kyaukpadaung) နဝ်ꩻ အဝ်ႏဒျာႏ မျန်မာခမ်းထီအခဝ်ထာႏဝ မန်ႏတလေꩻတွိုင်ꩻဒေႏသတန် ညောင်ဦးခရဲင်ႏကို ကပါဒါႏ ဝေင်ꩻတဝေင်ꩻဒျာႏသွူ။ ဖဲ့ꩻတွို့ꩻနဝ်ꩻ မကွေးတွိုင်ꩻ ဝေင်ꩻနယ်ႏချောက်၊ ဧရာႏဝတီႏခြောင်၊ ဖဲ့ꩻထင်ꩻနဝ်ꩻ ပဂံႏ-ညောင်ဦးနယ်ႏ၊ ဖဲ့ꩻကွဉ်ႏနဝ်ꩻ ဝေင်ꩻနယ်ႏမလုဲင်၊ ဝေင်ꩻနယ်ႏမဲ့ထီလင်ꩻ၊ ဖဲ့ꩻနဝ်နဝ်ꩻ ဝေင်ꩻနယ်ႏနတ်မောက်၊ ဖဲ့ꩻတွို့ꩻနဝ်နဝ်ꩻ ယေနံဆျောင်း၊ မကွေးနယ်ႏဖုံႏ အဝ်ႏခူခါꩻနဝ်ꩻသွူ။ တောမ်ႏဝေင်ꩻမိဉ်းဆျန်နဝ်ꩻ ဗော့ꩻညာꩻအဝ်ႏ ၅၈ မဲင်ႏသွူ။ ဝေင်ꩻဧရိယာႏအအဲဉ်ႏအလုဲင်ႏနဝ်ꩻ အဝ်ႏစတုရန်းမဲင်ႏ ၂ မဲင်ႏရပ်တဲင် လိုꩻဖြာꩻခြွဉ်းနဝ်ꩻ ၁၉၅၃ ဗာႏ စာႏရင်ꩻနဝ်ꩻ အဝ်ႏ ၅၄၈၀ ဖြာꩻ၊ ၂၀၁၄ ဗာႏ စာႏရင်ꩻအလꩻနဝ်ꩻ အဝ်ႏ ၄၂,၈၁၇ ဖြာꩻနဝ်ꩻသွူ။ ဝေင်ꩻကိုနဝ်ꩻ ထွာဒျာႏ ဗုဒ္ဓဘာႏသာႏ မန်းလိုꩻမျိုꩻအဝ်ႏအုံသော့ꩻအာသွတ်ꩻနဝ်ꩻသွူ။
ကဲဉ်းအာနဝ်ꩻ ထွာဒျာႏ သွို့ꩻခြံထာꩻလိုပ်ꩻသားဒျာႏကဲဉ်းအာတဲင် ဝေင်ꩻနယ်ႏယိုနဝ်ꩻ တောင်းလျက်ꩻ(တောင်းလုဲင်)၊ ဗေဟံႏ၊ ထေင်၊ နမ်းမန်ꩻ၊ ဗာႏ၊ မောင်းကြဲင်ႏ၊ ဩဇာႏရာႏ၊ နဂါꩻမောက်ရာႏ တောမ်ႏ တနက်ခါꩻ မွန်းဖုံႏ ထန်ႏအာဒါႏ အရပ်ဒျာႏသွူ။ ဝေင်ꩻနဝ်ꩻအဝ်ႏလွေꩻ တဖူꩻဆွုမ်ႏကိုတဲင် ကာꩻတဖူꩻနဝ်ꩻ အဝ်ႏဆွိုက်တောမ်ႏ မန်ႏတလေꩻ-ရန်တကုင်ႏဖုံႏ၊ မဲ့ထီလင်ꩻ-ဖြဝ်ꩻခမ်းဖုံႏ၊ ပဂံႏ-ညောင်ဦးဖုံႏ၊ မကွေး-ချောက်ဖုံႏတဲင် ကွုန်ꩻဟွိုင်ꩻလွဉ်ဒါႏ ဝေင်ꩻတဝေင်ꩻဒျာႏနဝ်ꩻသွူ။
သမဲင်ꩻ
[မွဉ်းဖျင် | မွဉ်းဖျင်အရွီးခိုႏ]ဝေင်ꩻစျောက်ပဒေါင်းနဝ်ꩻ ပဂံႏခမ်း ခွန်အနောႏရထာႏ တယ်ႏဆို့ꩻခါꩻဒါႏ ဝေင်ꩻတဝေင်ꩻဒျာႏသွူ။ ဝေင်ꩻကိုနဝ်ꩻ အပေႏအတန်အဖွိုႏအထို အဝ်ႏဒါႏ ပေ(၆၀) ပေ(၇၀)ရပ် လုံးတူႏတန်ဖုံႏ ကဗိုန်ပီဒါႏ "ပန်းတောင်းပုင်ႏ" ဖုံႏ သမ်းအဝ်ႏလွေꩻဒျာႏ သဘာႏဝအတွိုင်ꩻတဲင် ထွားရေႏလွေꩻ လုံးတူႏဖုံႏနဝ်ꩻတဲင် ဝေင်ꩻမိဉ်ꩻတဲ့ ဖန်ဟဲ့ꩻလွေꩻ "ကျောက်ပန်းတောင်း" (စျောက်ပဒေါင်း) နုဲင်းနဝ်ꩻသွူ။ ယိုခါ လုံတူႏတန်လောင်း ယဟန်ႏနဝ်ꩻ အဝ်ႏတယ်ႏလူႏပူႏဇောႏလွေꩻ ဖရာꩻစေႏတီႏဖုံႏနဝ်ꩻသွူ။
မိဉ်ꩻတင်ႏသျာꩻဒါႏခင်ႏလမ်းဖုံႏ
[မွဉ်းဖျင် | မွဉ်းဖျင်အရွီးခိုႏ]
မိဉ်ꩻတန်တင်ႏသျာꩻဒါႏ ဖရာႏစေႏတီႏဖုံႏနဝ်ꩻ ထွာဒျာႏ ဖရာꩻမြရွေဂူ တောမ်ႏ ဖရာꩻရွေတောင်ဦး၊ ဖရာꩻမြို့ဦး ဖုံႏဒျာႏသွူ။ ဝေင်ꩻဖဲ့ꩻကွဉ်ႏထင်ꩻ (၈)မဲင်ႏရပ်ကို ကအဝ်ႏဒါႏ ပုပ္ပါးကောင်ယိုလဲ့ မိဉ်ꩻတန်တင်ႏသျာꩻထွူတကာႏတဝ်း အထိုအဝ်ႏ ပေ ၄၉၈၁ ပေတဲင် တဖူꩻထင်ႏလယ်ႏကောင်စခန်ႏဖုံႏတဲ့အဝ်ႏနဝ်ꩻသွူ။ ပုပ္ပါးကောင်ယိုနဝ်ꩻ ထွာဒျာႏ မေႏကောင်(မီးတောင်)တဖြုံႏနဝ်ꩻသွူ။ မုန့်ပြားသလက်(တခိုးတပျာႏ)လဲ့ ကျောက်ပန်းတောင်းကိုနဝ်ꩻ တခိုႏမိဉ်ꩻတန်တမျိုꩻဒျာႏသွူ။ ကျောက်ပန်းတောင်း တောင်းလျက်တောမ်ႏ နွေႏကျော်ဖုံႏလဲ့ မိဉ်ႏတန်နေနေသွူ။[၃]