ဝေင်ꩻပဂိုꩻ

ဝေင်ꩻပဂိုꩻ
ဝေင်ꩻ
ပဲခူးမြို့, Bago, ဍုင်ဗဂေါ
ဝေင်ꩻပဂိုꩻ မျန်မာခမ်းထီကို ဝေင်ꩻပဂိုꩻ
ကိုဩဒိနိတ်: 17°20′12″N 96°28′47″E
ခမ်းထီ	မျန်မာ
တွိုင်ꩻဒေႏသတန်	ပဂိုꩻတွိုင်ꩻဒေႏသတန်
ခရဲင်ႏ	ပဂိုꩻခရဲင်ႏ
ဝေင်ꩻနယ်ႏ	ဝေင်ꩻနယ်ႏပဂိုꩻ
ထိုထဲင်းပင်ႏလယ်ႏ ထီခိုႏဆꩻကီ	၁၃ ပေ (၄ မီတာ)
လိုꩻဖြာꩻခြွဉ်း (၂၀၁၄)
• ဝေင်ꩻကို	၂၅၄,၄၂၄
• ခမ်းရင်ꩻသားလိုꩻမျိုꩻ	မန်း၊ မဲင်ꩻ, စောက်ꩻ, ဖြဝ်ꩻ
• ဘာႏသာႏ	ဗုဒ္ဓဘာႏသာႏ
အခိန်ႏအွိုင်ꩻ	မျန်မာအခိန်ႏအွိုင်ꩻ (UTC+6.30)

ဝေင်ꩻပဂိုꩻ (မန်း: ပဲခူးမြို့) (အဲင်းကလေတ်: Bago) နဝ်ꩻ ထွာဒျာႏ ပဂိုꩻတွိုင်ꩻဒေႏသတန် ဝေင်ꩻတန်ဒျာႏသွူ။ အဝ်ႏဒျာႏ မျန်မာခမ်းထီ အခဝ်ထာႏဝ ပဂိုꩻတွိုင်ꩻဒေႏသတန် ပဂိုꩻခရဲင်ႏ ဝေင်ꩻနယ်ႏပဂိုꩻကို ကအဝ်ႏဒါႏ ဝေင်ꩻတန်တဝေင်ꩻဒျာႏသွူ။ ဝေင်ꩻကိုနဝ်ꩻ တွိုင်ꩻ ခရဲင်ႏ ဝေင်ꩻနယ်ႏ အိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ ခရိစ်နေင်ႏ ၂၀၁၂ ဗာႏ စာႏရင်ꩻအလꩻ ဝေင်ꩻကိုနဝ်ꩻ လိုꩻဖြာꩻအဝ်ႏ ၂၅၄,၄၂၄ ဖြာꩻသွူ။

ပွိုင်းလဲင်ႏကရီးခါနဝ်ꩻ ထွာဒျာႏ မဲင်ꩻခွန်ဟော်ခမ်ꩻ ဟံသာဝတီ ကဟဲ့ꩻဒါႏအမိဉ်ꩻ ခွန်ခမ်းဝေင်ꩻတန်အနေႏ၊ တောမ်ႏ တွိုႏဆုဲင်ꩻ မန်းခွန်ဟော်ခမ်ꩻ လွဉ်တွိုက်ꩻသိမ်ꩻထိုꩻတဲင် ထွာထိုꩻမန်းခွန်ဟော်ခမ်ꩻ တပင်ရွှေထီး၊ ဘုရင့်နောင်၊ နန္ဒဘုရင် ခွန်ခမ်းဝေင်ꩻတန်ဖုံႏအနေႏတဲင် ထွာဒျာႏ ထင်ႏသျာꩻမွေးငါႏ ဝေင်ꩻတဝေင်ꩻဒျာႏသွူ။

အဝ်ႏဒျာႏ ဝေင်ꩻတန်ရန်ႏတကုင်ႏဖဲ့ꩻကွဉ်ႏထင်ꩻ အဝ်ႏရန်ႏတကုင်ႏ တောမ်ႏကာꩻနဝ်ꩻ ဗွော့ꩻညာꩻအဝ်ႏ မဲင်ႏ(၅၀)၊ တောမ်ႏမေႏရထာꩻတဖူꩻနဝ်ꩻ အဝ်ႏ(၄၈)မဲင်ႏသွူ။ အဝ်ႏဒျာႏ လောင်စီစျုကွဉ်ႏ ၉၆° ၂၉' တောမ်ႏ လတ်တီစျုထင်ꩻ ၁၇° ၁၉' အကိုနဝ်ꩻသွူ။ ပဂိုꩻဝေင်ꩻဧရိယာႏကိုနဝ်ꩻ ဝေင်ꩻစခါဖုံႏ အဝ်ႏသော့ꩻကနီဖြုံႏ ဗꩻတွိုႏဟန်ႏနီꩻ ဝေင်ꩻတန်ꩻတွိုင်ꩻဝေင်ꩻကူအခြောင်ဖုံႏ တင်ႏတင်ႏသျာꩻစဲင်းစဲ့ အဝ်ႏကုဲင်နေကနဝ်ꩻသွူ။

တင်ႏသျာꩻမိဉ်ꩻတန်ဒါႏ ခင်ႏလမ်းဖုံႏ

• ရွှေသာလျောင်းဖရာꩻ
• ရွှေမော်ဓောစေႏတီႏ
• ကမ္ဘောဇသာဒီ ဟော်နန်ꩻ
• ကလျာဏီသိမ်ႏ
• မဟာစေႏတီႏ
• ဟံသာဝတီဗုဒ္ဓဂါယာ
• ဟင်္သာႏကုင်ꩻဖရာꩻ
• စိန်သာလျောင်းဖရာꩻ
• ကျိုက်ပွန်ဖရာꩻ