ဝေင်ꩻမွိုင်းလား
| ဝေင်ꩻမွိုင်းလား ဝဵင်းမိူင်းလႃး | |
|---|---|
| ဝေင်ꩻ | |
 | |
  ဝေင်ꩻမွိုင်းလား | |
| ကိုဩဒိနိတ်: 21°39′50″N 100°02′24″E / 21.66389°N 100.04000°Eကိုဩဒိနိတ်: 21°39′50″N 100°02′24″E / 21.66389°N 100.04000°E | |
| ခမ်းထီ | မျန်မာခမ်းထီ |
| ခမ်းနယ်ႏ | ဖြဝ်ꩻခမ်းနယ်ႏ |
| ခရဲင်ႏ | မွိုင်းလားခရဲင်ႏ |
| ဝေင်ꩻနယ်ႏ | ဝေင်ꩻနယ်ႏမွိုင်းလား |
| ထိုထဲင်းပင်ႏလယ်ႏ ထီခိုႏဆꩻကီ[၁] | ၂၁၀၀ ပေ (၆၄၀ မီတာ) |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6.30) |
ဝေင်ꩻမွိုင်းလား (အဲင်းကလေတ်: Mong La) (မန်း: မိုင်းလားမြို့) နဝ်ꩻ အဝ်ႏဒျာႏ မျန်မာခမ်းထီ၊ ဖြဝ်ꩻခမ်းနယ်ႏအခဝ်ကွဉ်ႏ၊ မွိုင်းလားခရဲင်ႏ၊ ဝေင်ꩻနယ်ႏမွိုင်းလားကို ကပါသော့ꩻဒါႏ မျန်မာ-ခယ်ႏခမ်းကူထျꩻ ဝေင်ꩻတဝေင်ꩻဒျာႏသွူ။ ဝေင်ꩻမွိုင်ꩻလားကိုနဝ်ꩻ အထူꩻဒေႏသ-၄ စွိုးခွိုꩻဒီမိုကရဲက်တစ်မဟာမိတ်တပ်မတောႏ-ဖြဝ်ꩻခမ်းနယ်ႏအခဝ်ကွဉ်ႏ(NDAA-ESS) စဲ့ꩻစူခွုမ်သားစွိုꩻ NDAAစဲ့ꩻဗဟိုႏဌာႏနချုတ်၊ ဒေႏသ၊ ခရဲင်ႏ၊ ဝေင်ꩻနယ်ႏအိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။ ဝေင်ꩻမွိုင်းလားကိုနဝ်ꩻ ဖြဝ်ꩻ၊ အာခါ၊ လားဟူ၊ ခယ်ႏ လိုꩻမျိုꩻ စတဲင် တောမ်ႏလိုꩻမျိုꩻလင်ဖုံႏအဝ်ႏအုံညီꩻ အဝ်ႏရဝ်းလွဝင်ꩻနဝ်ꩻသွူ။ ဝေင်ꩻမွိုင်းလား အကူအနားနဝ်ꩻ အဝ်ႏဒင်ႏအဝ်ႏရောင်ꩻလွေꩻ ခယ်ႏခမ်းကူ၊ အိုပ်ချုတ်ရေꩻအာႏဏာႏလဲ့ တအဝ်ႏသော့ꩻတဝ်း မျန်မာခမ်းထီတန်အစိုႏရစူကို အဝ်ႏသော့ꩻဒျာႏ ဖြဝ်ꩻခမ်းနယ်ႏ အထူꩻဒေႏသ-၄ NDAA-ESS စဲ့ꩻစူခွုမ်သားစွိုꩻ ထိန်ꩻချုတ်မုꩻဆꩻလ့ကိုသွူ။
မွိုင်းလားဒေႏသနဝ်ꩻ အဝ်ႏပါသော့ꩻဒျာႏ မျန်မာခမ်းထီကိုရိုꩻလဲ့ စီꩻပွာꩻရေꩻ ဖြေꩻစာကူꩻကားကွန်ႏဖုံႏ၊ တျာႏမေႏ၊ သွုပ်ဆွိုက်ရေꩻ ဖိုန်းအဉ်တာနဲက် တီဗီလဲင်း စတဲင် အရေꩻဖုံႏနဝ်ꩻ သွုပ်သံႏအာဒျာႏ တောမ်ႏခယ်ႏသွူ။ အဓိက ကထူႏသုင်ꩻဒါႏ ရွဉ်စေးဗီႏနဝ်ꩻတဲ့ သုင်ꩻအာဒျာႏ ရွဉ်ခယ်ႏ"ယွမ်"ဗီႏနဝ်ꩻသွူ။ မွိုင်းလားကိုနဝ်ꩻ ဟိုတယ်တန်ဖုံႏ၊ ဆေꩻတန်သူပါမားကဲစ်ဖုံႏ၊ ကာသီနိုထာꩻခွုမ်ဆိုးတောႏလောင်ꩻယုင်ႏဖုံႏ စတဲင်စီꩻပွာꩻရေꩻဖုံႏလဲ့ အဝ်ႏနဝ်ꩻသွူ။ [၂] [၃]
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ GoogleEarth
- ↑ အာႏကွိုꩻချက်အမာႏ: Invalid
<ref>tag; no text was provided for refs namedVirtual gambling - ↑ Star Publications Mongla escapade, LIZ PRICE, February 12, 2011 Archived 21 August 2014 at the Wayback Machine.